پورا ہفتہ بارشیں اور شدید برف باری، محکمہ موسمیات نے پیش گوئی کردی
اشاعت کی تاریخ: 8th, March 2025 GMT
محکمہ موسمیات نے ملک کے مختلف علاقوں میں کل سے بارش اور پہاڑوں پر برف باری کی پیشگوئی کردی۔
محکمہ موسمیات نے پیش گوئی کی ہے کہ 9 مارچ سے مغربی ہواؤں کا سلسلہ ملک کے شمالی علاقوں میں داخل ہوگا جو 16 مارچ تک برقرار رہنے کی توقع ہے۔
یہ بھی پڑھیں محکمہ موسمیات نے بارشوں اور برف باری کے نئے سلسلے کی نوید سنادی
محکمہ موسمیات کے مطابق 9 سے 16 مارچ کے درمیان کشمیر، گلگت بلتستان، چترال اور مری میں بارشوں کا امکان ہے۔
محکمہ موسمیات نے بتایا کہ 10 مارچ کو راولپنڈی، اسلام آباد، جہلم، اٹک، پشاور، چکوال، چارسدہ اور مردان میں بارش کا امکان ہے، جبکہ 12 سے 16 مارچ کے درمیان پنجاب کے بیشتر شہروں میں بارش ہو سکتی ہے۔
محکمہ موسمیات کے مطابق بلوچستان کے مختلف علاقوں میں 14 اور 15 مارچ کو گرچ چمک کے ساتھ بارش کا امکان ہے۔ ساتھ ہی خبردار کیا گیا ہے کہ بارشوں کے باعث اسلام آباد، لاہور، پشاور، کوئٹہ اور دیگر شہروں میں اربن فلڈنگ کا خدشہ ہے۔
محکمہ موسمیات نے کہا ہے کہ اس دوران مغربی ہواؤں کے اس سلسلے کے دوران ملک کے بالائی علاقوں میں شدید برف باری متوقع ہے جس سے سڑکیں بند ہو سکتی ہیں۔
یہ بھی پڑھیں محکمہ موسمیات نے آج بادل برسنے اور برفباری کی نوید سنا دی
محکمہ موسمیات نے سیاحوں سمیت ماہی گیروں اور مسافروں کو کہا ہے کہ وہ غیر ضروری سفر سے گریز کریں، جبکہ کسانوں کو ہدایت کی گئی ہے کہ وہ فصلوں کو نقصانات سے بچانے کے لیے پیشگی اقدامات کرلیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر بارشیں برف باری پیش گوئی گلگت بلتستان محکمہ موسمیات وی نیوز.ذریعہ: WE News
کلیدی لفظ: پیش گوئی گلگت بلتستان محکمہ موسمیات وی نیوز محکمہ موسمیات نے علاقوں میں
پڑھیں:
دیر، سوات میں موسلادھار بارش اور ژالہ باری، سردی کی شدت بڑھ گئی
پشاور:خیبر پختونخوا کے ضلع دیر اور سوات میں گرج چمک کے ساتھ موسلادھار بارش اور ژالہ باری سے سردی کی شدت میں اضافہ ہوگیا۔
دیر میں بارش اور ژالہ باری کے دوران اندھیرا چھا گیا جبکہ ندی نالوں میں طغیانی سے جی ٹی روڈ پر ٹریفک معطل ہوگیا۔ بارش سے بالائی علاقوں کی سڑکوں پر کٹاؤ کے بعد شہری گھروں میں محصور ہوگئے۔
بارش اور ژالہ باری سے کھڑی فصلوں اور میوہ جات کے باغات سمیت گاڑیوں کو بھی نقصان پہنچا۔ شدید بارش سے بجلی کا نظام درہم برہم ہوگیا اور ضلع بھر کی بجلی منقطع ہوگئی۔
دوسری جانب، سوات میں بھی بارش اور ژالہ باری سے سردی کی شدت میں اضافہ ہوگیا۔۔ مینگورہ شہر میں موسلادھار بارش کے باعث ندی نالوں میں طغیانی آگئی۔
ڈبلیو ایس ایس سی کی ناقص کارکردگی ایک بار پھر بے نقاب ہوگئی، نالوں کی بروقت صفائی نہ ہونے کے باعث بند نالوں کا پانی سڑکوں پر آ گیا۔
بارش کا پانی سڑکوں پر بہنے سے شہریوں کو شدید مشکلات کا سامنا ہے۔
کراچی، نادرن بائی پاس پر پلاسٹک کے گودام میں آگ لگ گئی