کبھی بھی ہم تفرقے میں نہیں پڑیں گے،علی محمد خان
اشاعت کی تاریخ: 13th, March 2025 GMT
اسلام آباد:
رہنماتحریک انصاف علی محمد خان کا کہنا ہے کہ کبھی بھی ہم تفرقے میں نہیں پڑی گے، جب بھی پاکستان پر اٹیک ہوگا تو پھر ہم سب ایک ہوں گے اور ہم سب ایک ہیں، میں سمجھتا ہوں کہ کل کا جو واقعہ ہے باوجود تمام سیاسی مخالفتوں کے ریزرویشنز کے، شکوؤں کے سب اس ایک نقطے پہ ایک ہیں اور ایک ہوگئے ہیں دوبارہ سے کہ جب پاکستان پر حملہ ہو گا تو پھر سب اکٹھے ہوں گے اداروں کے ساتھ، اپنی فوج کے ساتھ، اپنی حکومتوں کے ساتھ۔
ایکسپریس نیوز کے پروگرام کل تک میں گفتگو کرتے ہوئے انھوں نے کہا کہ اپوزیشن نے ہم نے آفر بھی کیا میں نے بھی کیا ہے ہماری لیڈر شپ نے بھی کیا ہے کہ اس نقطے پر اس ایشو پر پاکستان کی سلامتی کیلیے ہم اپنے اداروں، اپنی حکومتوں کے ساتھ ہیں لیکن حکومت کو بھی اپوزیشن کا ساتھ لیکر جانا ہوگا اعتماد میں لینا ہوگا۔
رہنما مسلم لیگ (ن) قیصر احمد شیخ نے کہا یہ نہایت ہی افسوس ناک واقعہ ہے ، دکھ کی بات ہے، ہمارا ملک تو متواتر دہشت گردی کا شکار ہو رہا ہے اس کی مذمت کے لیے الفاظ نہیں ہیں، دہشت گرد باہر سے بھی آ رہے ہیں اور ہمارے اندر بھی ہیں، پوری قوم اس وقت سکتے اور غم کی حالت میں ہے، فوج نے بڑی دلیری سے دہشت گردوں کا مقابلہ کیا، ہمیں زیادہ سے زیادہ کوشش کرنی چاہیے کہ آپس کی رنجشیں ختم کریں۔
رہنما تحریک انصاف نعیم حیدر پنجوتا نے کہا ہم نے اس تمام تر صورت حال پر آپ نے دیکھا ہوگا کہ تحریک انصاف نے بڑے ہی دکھ کا اظہار کیا اور افسوس کا اظہار کیا، عمران خان ہمیشہ اسی حوالے سے کنسرن رکھتے ہیں، ہمیشہ آپ نے ان کی اسٹیٹمنٹس دیکھی ہوں گی جس میں وہ واضح کہتے ہیں کہ دہشت گردی کنٹرول کرنی چاہیے، تمام اداروں کا ان تمام چیزوں پر فوکس ہونا چاہیے تبھی آپ بہتر طریقے سے ملک کے اندر کام کر سکتے ہیں۔
.ذریعہ: Express News
کلیدی لفظ: کے ساتھ
پڑھیں:
ن لیگ نے صوبائیت اور ڈیم کارڈ کبھی نہیں کھیلا، عظمیٰ بخاری کا شرجیل میمن کے بیان پر ردعمل
لاہور:وزیر اطلاعات پنجاب عظمیٰ بخاری کا کہنا ہے کہ مسلم لیگ (ن) نے کبھی صوبائیت کارڈ، نہروں کے کارڈ اور ڈیم کارڈ نہیں کھیلے، ن لیگ قومی جماعت ہے اس لیے قومی سوچ اور قومی ترقی کو ترجیح دیتی ہے۔
شرجیل میمن کے بیان پر سخت ردعمل دیتے ہوئے عظمیٰ بخاری نے کہا کہ جس کو آپ ناتجربہ کار ٹیم کہہ رہے اسی ٹیم نے ڈیڑھ سال میں پنجاب میں 80 منصوبوں کے ساتھ انقلاب برپا کر دیا ہے۔
انہوں نے کہا کہ آپ لوگوں نے 17 سالوں میں جو کراچی اور سندھ کا حشر کیا اس کا رونا وہ وقتاً فوقتاً روتے رہتے ہیں۔
عظمیٰ بخاری نے کہا کہ سندھ کے پچھلے سیلاب میں بیرونی امداد کے باوجود آج بھی تباہی ہی تباہی ہے، جو کردار آج کی پیپلز پارٹی نے پنجاب کے سیلاب میں ادا کیا ہے وہ پنجاب یاد رکھے گا۔
وزیر اطلاعات پنجاب کا کہنا تھا کہ بری بات اپنے چیئرمین بلاول بھٹو جس نے سیلاب میں مریم نواز کی تعریف کی ان کو جھٹلانا آپ کو زیب نہیں دیتا۔
واضح رہے کہ سندھ کے سینیئر وزیر شرجیل میمن نے ن لیگ اور حکومت پنجاب کی جانب سے رضوان رضی کی حمایت میں مہم کو افسوسناک قرار دیا تھا۔
دریائے چناب میں سیلابی صورتحال، ٹرین سروس معطل