بولان،مسلح افراد کا حملہ، 7 مزدور اغوا، کوئٹہ تھانےاور خضدار قومی شاہراہ پر حملہ، گاڑیوں اور مشینری کو آگ لگادی
اشاعت کی تاریخ: 14th, March 2025 GMT
کوئٹہ(اوصاف نیوز)کوئٹہ میں شرپسندوں کا کیچی بیگ تھانے پر حملہ،بم پھٹنے سے گاڑی میں آگ لگ گئی تاہم کوئی جانی نقصان نہیں ہوا،دوسری جانب میڈیا رپورٹس کے مطابق خضدار میں بھی قومی شاہراہ پر تعمیراتی پراجیکٹ پردہشتگردوں نے حملہ کردیا۔ متعدد گاڑیوں اور مشینری کو آگ لگادی ۔
سانحہ جعفر ایکسپریس کے بعد دہشت گردوں کی جانب سے بولان، کوئٹہ اور خضدار میں گھناؤنی کارروائیاں کی گئیں، بولان کے علاقے سے گزشتہ شب 7 مزدوروں کو اغوا کرلیا گیا جبکہ کوئٹہ میں کیچی بیگ تھانے پر نامعلوم شرپسندوں نے دستی بم سے حملہ کردیا اور تھانے کے احاطے میں کھڑی گاڑی میں آگ لگ گئی تاہم کوئی جانی نقصان نہیں ہوا، اسی طرح خضدار میں قومی شاہراہ پر تعمیراتی پراجیکٹ پر نامعلوم افراد نے پیٹرول چھڑک کر متعدد گاڑیوں اور مشینری کو آگ لگادی۔
بلوچستان میں سانحہ جعفرایکسپریس کے بعد دہشت گردوں کی ایک اور گھناؤنی کارروائی سامنے آئی ہے۔ لیویز ذرائع کا کہنا ہے کہ سبی کے قریب بولان کے علاقے شوران سے چار کلومیٹر دور منجھو ڈیم پرمسلح افراد نے حملہ کر دیا۔
لیویز ذرائع کا کہنا ہے کہ حملے کے بعد مسلح ملزمان 7 مزدوروں کو اغوا کر کے اپنے ساتھ لے گئے۔ تمام افراد مقامی ہیں۔لیویز ذرائع نے بتایا کہ مسلح افراد کے حملے میں ایک ڈمپرنذرآتش، 2 گاڑیوں کو نقصان پہنچایا گیا۔واقعے کی اطلاع ملتے ہی لیویز فورس اور قانون نافذ کرنے والے ادارے جائے وقوع پر پہنچ گئے، تحقییقات شروع کر دی۔
کوئٹہ میں شرپسندوں کا دستی بم حملہ
کوئٹہ میں کیچی بیگ تھانے پر نامعلوم شرپسندوں نے دستی بم سے حملہ کردیا ، بم پھٹنے سے تھانے کے احاطے میں کھڑی گاڑی میں آگ لگ گئی ، تاہم کوئی جانی نقصان نہیں ہوا۔پولیس کے مطابق نامعلوم موٹر سائیکل سواروں نے دستی بم پھینکا، فائر بریگیڈ کی گاڑیوں نے آگ پر قابو پا لیا۔
خضدار میں قومی شاہراہ پر تعمیراتی پراجیکٹ پر نامعلوم افراد کا حملہ
ادھر خضدار میں قومی شاہراہ پر تعمیراتی پراجیکٹ پر نامعلوم افراد نے حملہ کردیا، پیٹرول چھڑک کر متعدد گاڑیوں اور مشینری کو آگ لگادی۔نامعلوم افراد نے عملے کی پروفائلنگ بھی کی اور فرار ہوگئے جبکہ سیکیورٹی فورسز اور انتظامیہ موقع پر پہنچ گئیں جبکہ آگ بجھانے کا عمل جاری ہے۔
کراچی، سینیئر سول جج کو جان سے مارنے کی دھمکیاں دینے والے 3 ملزمان گرفتار
ذریعہ: Daily Ausaf
کلیدی لفظ: گاڑیوں اور مشینری کو نامعلوم افراد حملہ کردیا پر نامعلوم کوئٹہ میں افراد نے دستی بم حملہ کر
پڑھیں:
لاہور؛ مصری شاہ میں پولیو ٹیم پر حملہ، مقدمہ درج، سات افراد گرفتار
لاہور کے علاقے مصری شاہ میں پولیو ٹیم پر 20 سے 25 مرد و خواتین کے ایک گروہ نے حملہ کر دیا۔ واقعہ اس وقت پیش آیا جب پولیو ٹیم مقامی اسکول میں بچوں کو پولیو کے قطرے پلانے پہنچی تھی۔
ایف آئی آر کے مطابق دوپہر تقریباً 12 بجے بچوں کی مائیں اسکول پہنچیں اور پولیو ٹیم سے بحث و تکرار شروع کر دی۔ کچھ دیر بعد خواتین نے اپنے مردوں کو بھی بلا لیا جنہوں نے موقع پر پہنچ کر جھگڑا شروع کر دیا اور لاکھوں روپے مالیت کی ویکسین ضائع کر دی۔ حملے کے دوران ایک پولیو ورکر بھی زخمی ہوا۔
پولیس کے مطابق واقعے کی اطلاع ملتے ہی ٹیم موقع پر پہنچی اور شواہد اکٹھے کیے۔ مقدمہ نامعلوم ملزمان کے خلاف سی ای او ہیلتھ کی مدعیت میں درج کیا گیا، اور کارروائی کرتے ہوئے سات افراد کو حراست میں لے لیا گیا، ایس پی سٹی بلال احمد کے مطابق تحقیقات جاری ہیں۔
دوسری جانب صوبائی وزیر صحت و آبادی خواجہ عمران نذیر نے واقعے کی مذمت کرتے ہوئے کہا کہ ہیلتھ ورکرز چنچلاتی دھوپ اور موسم کی شدت کی پرواہ کیے بغیر اپنے فرائض انجام دیتے ہیں۔ کسی شرپسند کو ان کی عزت نفس مجروح نہیں کرنے دیں گے۔
انہوں نے مزید کہا کہ حکومت ہیلتھ ورکرز کی حرمت پر کوئی سمجھوتہ نہیں کرے گی، ہمیں ان ورکرز کا شکر گزار ہونا چاہیے جو ہمارے بچوں کو مہلک بیماریوں سے بچانے کے لیے دن رات فیلڈ میں مصروف ہیں۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف