متحدہ عرب امارات میں پاکستان کے سفیر فیصل نیاز ترمذی کی اسماعیلی سنٹر دبئی کے زیر اہتمام رمضان سحری تقریب میں شرکت
اشاعت کی تاریخ: 17th, March 2025 GMT
دبئی(اُردو پوائنٹ اخبارتازہ ترین۔ 17 مارچ 2025ء) متحدہ عرب امارات میں پاکستان کے سفیر فیصل نیاز ترمذی نے اسماعیلی سنٹر دبئی کے زیر اہتمام رمضان سحری تقریب میں شرکت کی جس میں یو اے ای کی جانب سے سال 2025 کو” کمیونٹی ائیر ” قرار دینے کے تحت مکالمے اور تعاون کو فروغ دینے کے لئے مختلف ممالک اور تنظیموں کے نمائندوں نے شرکت کی۔ سفارت خانے کی جانب سے جمعہ کو جاری بیان کے مطابق اس موقع پر متحدہ عرب امارات کے صدر شیخ محمد بن زید النہیان کے وژن سے متاثر ہوکر یو اے ای کے سال برائے کمیونٹی 2025 میں "عالمی برادریوں کی تشکیل اور استحکام ” کے عنوان سے ایک خصوصی پینل مباحثہ کیا گیا سفیر فیصل ترمذی نے جمہوریہ کینیا کے فرسٹ کونسلر سیموئیل کنانجوئی اور متحدہ عرب امارات میں اسماعیلی کمیونٹی کے صدر عزیز مرچنٹ کے ساتھ ایک فکر انگیز گفتگو میں شمولیت اختیار کی جس کی نظامت ایکسپو سٹی دبئی کی ایگزیکٹو ڈائریکٹر نادیہ ورجی نے کی۔
(جاری ہے)
بات چیت کے دوران سفیر فیصل ترمذی نے 1960 کی دہائی کے اوائل سے لے کر اب تک متحدہ عرب امارات کی ترقی میں پاکستانی کمیونٹی کی خاص طور پر مواصلات، بینکنگ، تعلیم اور انفراسٹرکچر جیسے شعبوں میں نمایاں شراکت پر روشنی ڈالی۔ انہوں نے 2025 کو کمیونٹی کا سال قرار دینے پر متحدہ عرب امارات کی قیادت کے اقدام کو سراہا اور پاکستانی سفارتی مشن کے اس وژن کی حمایت کرنے کے عزم کا اعادہ کیا۔ سفیر نے پاکستان ایسوسی ایشن دبئی کے پاکستان میڈیکل سینٹر کی مثالی کمیونٹی خدمات، تمام قومیتوں کے مستحق مریضوں کو معیاری اور مفت طبی امداد فراہم کرنے پر بھی تعریف کی۔ انہوں نے عقیدہ یا جنس سے قطع نظر ضرورت مندوں کے معیار زندگی کو بہتر بنانے کے لیےآغا خان ڈویلپمنٹ نیٹ ورک کی انسانی ہمدردی کی کوششوں کو سراہا۔ متحدہ عرب امارات میں اسماعیلی کمیونٹی کے صدر عزیز مرچنٹ نے اس بات پر زور دیا کہ آغا خان ڈویلپمنٹ نیٹ ورک ہمیشہ ہمدردی، شمولیت اور رضاکارانہ اصولوں کی رہنمائی کے ساتھ بلا امتیاز انسانیت کی خدمت کے لیے پرعزم رہا ہے۔ تقریب نے مشترکہ اقدار کو فروغ دیتے ہوئے بین الثقافتی مکالمے اور مضبوط عالمی برادریوں کی تعمیر میں تعاون کی اہمیت کو اجاگر کیا۔.ذریعہ: UrduPoint
کلیدی لفظ: تلاش کیجئے متحدہ عرب امارات میں سفیر فیصل
پڑھیں:
الخدمت کا غزہ مہاجرین کیلئے القدس اور مصر سمیت مختلف ممالک میں قربانی کا اہتمام
لاہور:الخدمت فاؤنڈیشن نے عیدالاضحیٰ کے موقع پر فلسطینی مہاجرین سے اظہار یک جہتی کرتے ہوئے القدس اور ویسٹ بینک سمیت مصر، اردن اور لبنان میں دو ہزار 915 جانور قربان کیے اور گوشت فلسطینی مہاجرین، یتامیٰ، بیواؤں اور مستحقین تک پہنچایا گیا۔
الخدمت فاؤنڈیش کی جانب سے جاری اعلامیے کے مطابق فلسطین کے مہاجرین کے لیے گوشت کی بڑی مقدار کو پراسیس کر کے ٹن پیک میں محفوظ کیا گیا ہے جو سرحد کھلتے ہی غزہ کے اندر بھیجا جائے گا۔
اعلامیے میں کہا گیا کہ الخدمت فاؤنڈیشن پاکستان کے صدر ڈاکٹر حفیظ الرحمان نے گزشتہ برس کی طرح اس سال بھی مصر میں موجود غزہ مہاجرین کے ساتھ عید منائی اور انہوں نے فلسطینی زخمیوں کی اسپتال میں تیمارداری کی، یتیم بچوں کے ساتھ عید فیسٹیول میں شرکت کی، تحائف اور امدادی سامان تقسیم کیا اور مہاجر خاندانوں کو قربانی کا گوشت فراہم کیا۔
ڈاکٹر حفیظ الرحمان نے بتایا کہ الخدمت کے تحت اس سال مصر، اردن، لبنان، القدس اور ویسٹ بینک میں 1600 بڑے اور 1315 چھوٹے جانوروں کی قربانی کی گئی۔
انہوں نے الخدمت فاؤنڈیشن کے زیر کفالت بچوں کی رہائش گاہ "الخدمت ٹاور" کا بھی دورہ کیا، جہاں انہوں نے باہمت بچوں کو عید کی مبارک باد دی اور تحائف پیش کیے۔
قبل ازیں قاہرہ میں غزہ سے تعلق رکھنے والے ایک ہزار مہاجر خاندانوں کے اعزاز میں تقریب کا انعقاد بھی کیا گیا۔
الخدمت فاؤنڈیشن نے پاکستان میں بھی چاروں صوبوں، آزاد کشمیر اور گلگت بلتستان کے مختلف اضلاع میں 10 ہزار جانوروں کی قربانی کی جہاں الخدمت کی مرکزی، ریجنل اور ضلعی ٹیموں کے ساتھ ملک بھر میں ہزاروں رضاکار اس مہم کا حصہ بنے اور لاکھوں مستحقین تک قربانی کا گوشت پہنچایا۔
ڈاکٹر حفیظ الرحمان نے کہا کہ عید دوسروں کو خوشیوں میں شریک کرنے کا نام ہے، الخدمت کے رضاکاروں نے اپنی عید کی خوشیاں مستحقین کے لیے وقف کیں، جس پر میں انہیں خراج تحسین پیش کرتا ہوں۔
بنارس کی تاریخی اور مسلم اکثریتی بازار کے انہدام پر کورٹ سے راحت