ایرا خان رو پڑیں، وجہ عامر خان کی گرل فرینڈ یا خود کی طلاق؟
اشاعت کی تاریخ: 18th, March 2025 GMT
ممبئی(شوبز ڈیسک)بھارتی اداکار عامر خان کی بیٹی ایرا خان کو جذباتی ہوتے اور روتے دیکھ کر سوشل میڈیا صارفین نے وجہ والد کی نئی گرل فرینڈ گوری اسپراٹ کو قرار دیا جانے لگا۔
عامر خان کو بالی وڈ کی دنیا میں مسٹر پرفیکشنسٹ کے نام سے جانا جاتا ہے کیونکہ جب بات آتی ہے فلم میں کام کرنے کی تو وہ تعداد کے اوپر کوالٹی کو ترجیح دیتے ہیں۔
عامر خان نے بالی وڈ کو متعدد سپر ہٹ فلموں اور ڈائیلاگز سے نوازا اور اسی کے ساتھ بھارتی فلم نگری میں ایک ایسا مقام حاصل کیا جو بہت کم کو نصیب ہوتا ہے۔
عامر خان کا اگرچہ کریئر کھلی کتاب کی طرح سب پر واضح رہا ہے لیکن انکی نجی زندگی بہت پیچیدہ ہے۔
دراصل عامر خان کا دل کسی ایک حسینہ پر رُک نہ سکا بلکہ انہوں نے نہ صرف گرل فرینڈز بلکہ بیویاں بھی بدلیں۔
عامرخان بالی وڈ میں کامیابی ملنے سے بہت پہلے رینا دتہ سے شادی کرچکے تھے، جوڑے نے 1986 میں شادی کی اور ان کے دو بچے جنید خان اور ایرا خان ہیں۔
طویل عرصے ازدواجی زندگی ایک ساتھ گزار کر وہ 2002 میں الگ ہو گئے تھے اور اس کے فوراً بعد عامر نے اپنی دوسری بیوی کرن راؤ سے ڈیٹنگ شروع کر دی تھی۔
بعدازاں 28 دسمبر 2005 کو عامر خان اور کرن راؤ شادی کے بندھن میں بندھ گئے تھے تاہم جولائی 2021 میں شادی کے 16 سال بعد انہوں نے اپنے راستے جدا کرلیے تھے، علیحدگی کے باوجود، عامر اور کرن نہ صرف دوست رہے ہیں بلکہ پیشہ ورانہ اور ذاتی طور پر بھی ایک دوسرے کے ساتھ جڑے ہوئے ہیں۔
کرن راؤ کے بعد عامر خان کا دل نوجوان اداکارہ فاطمہ ثناء شیخ پر آگیا اور دونوں کوالٹی ٹائم ساتھ گزارنے لگے لیکن اب عامر خان نے اپنے 60ویں سالگرہ پر چونکا دینے والا اعلان کرتے ہوئے اپنی نئی گرل فرینڈ سے سب کو متعارف کروادیا۔
عامر خان نے اپنی 60ویں سالگرہ کے موقع پر دنیا کو حیران کن خبر دی کہ وہ ایک رشتہ میں ہیں۔ انہوں نے اپنی پارٹنر گوری اسپراٹ کو میڈیا کے سامنے متعارف کرایا جنکا تعلق بنگلور سے ہے۔
گوری نے اس تقریب میں زیادہ بات نہیں کی، بس یہ کہا کہ ’انہوں نے عامر خان کی صرف دو فلمیں ’لگان‘ اور ’دل چاہتا ہے‘ دیکھی ہیں۔
متعدد رپورٹس کے مطابق عامر خان نے گوری کو سب سے پہلے شاہ رخ خان اور سلمان خان سے ملوایا۔ ابھی تک عامر خان کے خاندان کی جانب سے اس نئی محبت پر کوئی ردعمل سامنے نہیں آیا۔
جہاں ابھی عامر خان کی زندگی میں آنے والی نئی محبت چرچوں میں تھی وہیں دوسری جانب عامر خان کی بیٹی ایرا خان حال ہی میں اپنی گاڑی میں جذباتی حالت میں دکھائی دیں۔
سوشل میڈیا پر وائرل ویڈیو میں ایرا خان کو اپنے والد سے ملنے کے بعد جذباتی ہوتے دیکھا جاسکتا ہے جو کئی سوالات کو جنم دے گیا۔
View this post on InstagramA post shared by Pinkvilla (@pinkvilla)
ایرا خان روتے ہوئے تصاویر وائرل ہو گئیں جن پر سوشل میڈیا صارفین نے مختلف تبصرے کرنے شروع کردیے۔
ایک صارف نے کہا کہ ’عامر خان تیسری بار شادی کر رہے ہیں اسی لیے وہ جذباتی ہو گئی ہیں، کسی بھی بیٹی کو یہ قبول ہو ہی نہیں سکتا‘ جبکہ ایک اور صارف نے لکھا کہ ’ہوسکتا ہے ایرا کو ہونے والی نئی ماں پسند نہ آئی ہوں‘۔
ایک سوشل میڈیا صارف نے ایرا کی نجی زندگی کے حوالے سے اندازہ لگاتے ہوئے لکھا کہ ’کہیں ایرا خان کی طلاق تو نہیں ہونے والی؟‘
مزیدپڑھیں:مہوش حیات کی یو یو ہنی سنگھ کو خاص انداز سےسالگرہ کی مبارکباد
ذریعہ: Daily Ausaf
کلیدی لفظ: عامر خان کی سوشل میڈیا ایرا خان انہوں نے
پڑھیں:
سندھ بلڈنگ، سرجانی ٹاؤن ڈائریکٹر عامر کمال جعفری اور مافیا گٹھ جوڑ
ڈی جی شاہ میر خان بھٹو کی غفلت چار منزلہ اجازت پر دس منزلہ عمارت تعمیر
رائل گلف ریزیڈنسی کرپشن کی علامت، عوام کی طرف سے احتجاج کا اشارہسرجانی ٹاؤن میں بلڈنگ مافیا نے قانون کو یرغمال بنا لیا ہے ۔ رائل گلف ریزیڈنسی کے نام سے تعمیر ہونے والی بلند و بالا عمارت اس کی واضح مثال ہے جہاں صرف چار منزلوں کی اجازت تھی،مگر ضابطوں کو روندتے ہوئے دس منزلہ عمارت کھڑی کر دی گئی۔علاقہ مکینوں نے الزام عائد کیا ہے کہ یہ سب کچھ ڈائریکٹر ضلع غربی عامر کمال جعفری کی مبینہ سرپرستی اور ڈائریکٹر جنرل سندھ بلڈنگ کنٹرول اتھارٹی شاہ میر خان بھٹو کی مجرمانہ غفلت کے باعث ممکن ہوا۔ شہریوں کے مطابق کرپشن اور ملی بھگت کے بغیر یہ تعمیرات ممکن ہی نہ تھیں۔بلڈنگ مافیا نے نہ صرف چھ اضافی منزلیں تعمیر کیں بلکہ فائر سیفٹی ہنگامی اخراج اور پارکنگ جیسے لازمی تقاضے بھی مکمل طور پر نظرانداز کر دیے ۔اداروں کی خاموشی نے شہریوں کے غصے کو بھڑکا دیا ہے ۔سروے پر موجود جرأت سروے ٹیم سے بات کرتے ہوئے اہلِ علاقہ نے کہا ہے کہ کراچی اب یا تو بلڈنگ مافیا کے قبضے میں ہے یا عوامی بغاوت کے دہانے پر! اہل علاقہ نے اس موقع پر خبردار کیا ہے کہ اگر فوری کارروائی نہ ہوئی تو وہ عدالتوں کا دروازہ کھٹکھٹانے کے ساتھ سڑکوں پر احتجاجی تحریک چلانے پر مجبور ہوں گے ۔
پاکستان ریلوے مالی بحران کا شکار، آپریشن چلانا مشکل ہوگیا