امریکا کا مشرقی بحرالکاہل میں منشیات اسمگلروں پر حملہ، 14 ہلاک
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن : امریکی محکمہ دفاع نے اعلان کیا ہے کہ مشرقی بحرالکاہل میں منشیات اسمگلنگ میں ملوث مبینہ کشتیوں کو نشانہ بناتے ہوئے تین فضائی حملے کیے گئے جن میں 14 افراد ہلاک اور ایک شخص زندہ بچ گیا، یہ کارروائی امریکی صدر ڈونلڈ ٹرمپ کی ہدایت پر کی گئی۔
عالمی میڈیا رپورٹس کےمطابق امریکی وزیرِ دفاع پیٹ ہیگسیتھ نے بتایا کہ یہ حملے چار کشتیوں پر کیے گئے جو امریکی انٹیلی جنس کے مطابق منشیات اسمگلنگ میں ملوث دہشت گرد تنظیموں کے زیرِ استعمال میں تھیں، تمام کارروائیاں بین الاقوامی پانیوں میں کی گئیں اور کسی امریکی اہلکار کو نقصان نہیں پہنچا۔
ہیگسیتھ نے بتایا کہ پہلی کشتی میں آٹھ، دوسری میں چار اور تیسری میں تین افراد سوار تھے، جن میں سے 14 ہلاک ہوگئے جبکہ ایک زندہ بچ جانے والے کی تلاش کے لیے امریکی جنوبی کمانڈ نے سرچ اینڈ ریسکیو آپریشن شروع کردیا ہے، میکسیکن ریسکیو حکام نے اس آپریشن کی ذمہ داری سنبھال لی۔
امریکی وزیرِ دفاع نے کہا کہ ہم نے دو دہائیوں تک دوسروں کے وطن کا دفاع کیا، اب ہم اپنا دفاع کر رہے ہیں، امریکا اب منشیات فروشوں کے خلاف اسی شدت سے کارروائی کرے گا جس طرح القاعدہ کے خلاف کی گئی تھی، یہ نارکو ٹیرورسٹس امریکی شہریوں کی جانیں لے رہے ہیں اور ہم انہیں اسی انداز میں تلاش کر کے ختم کریں گے۔
حکام کے مطابق ان کشتیوں پر منشیات کی بڑی مقدار موجود تھی اور یہ بحیرۂ کیریبین اور وسطی امریکا کے درمیان روایتی اسمگلنگ راستوں سے گزر رہی تھیں، ہلاک شدہ افراد اور ضبط شدہ سامان سے متعلق مزید تفصیلات آئندہ دنوں میں جاری کی جائیں گی۔
ذریعہ
ذریعہ: Jasarat News
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ