گلاب جامن پراٹھے کی ویڈیو وائرل: ’ گلاب جامن کی توہین کرنا جرم ہے ‘
اشاعت کی تاریخ: 19th, March 2025 GMT
آپ نے پراٹھے کی کئی اقسام کے بارے میں سنا ہو گا جس میں آلو والا پراٹھا، گوبھی والا پراٹھا، پالک والا پراٹھا، مولی والا پراٹھا اور چینی والا پراٹھا وغیرہ شامل ہیں لیکن کیا کبھی آپ نے گلاب جامن والے پراٹھے کے بارے میں سنا ہے؟ جی ہاں ایسی ہی ایک ویڈیو سوشل میڈیا پر وائرل ہو رہی ہے جس میں دکاندار کو گلاب جامن والے پراٹھے بناتے دیکھا جا سکتا ہے۔
ویڈیو میں دیکھا جا سکتا ہے کہ دکاندار آٹے کے پیڑے میں گلاب جامن بھرتا ہے اور اس سے پراٹھے تیار کرنے کے بعد اس کے اوپر شیرہ بھی ڈالتا ہے۔
View this post on Instagram
A post shared by MangoBaaz (@mangobaaz)
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے، ایک صارف نے لکھا کہ یہ گلاب جامن اور پراٹھے دونوں کے ساتھ زیادتی ہوئی ہے۔
عروج نامی صارف نے لکھا کہ گلاب جامن کی توہین کرنا جرم ہے جبکہ ایک صارف نے کہا کہ ہمیں انصاف چاہیے۔
یہ بھی پڑھیں: مرچوں سے بنے حلوے کی ویڈیو وائرل، ’یہ میٹھا ہے یا کڑوا‘
ایک سوشل میڈیا صارف نے ویڈیو پر تبصرہ کرتے ہوئے کہا کہ ہارٹ اٹیک اور ذیابطیس ایک ہی پلیٹ میں ہیں۔
واضح رہے کہ اس سے قبل بھی عجیب و غریب کھانوں کی ویڈیوز سوشل میڈیا پر وائرل ہوتی رہی ہیں جس میں ڈیزل والے پراٹھے، پیسپی والی چائے، مرچوں کا حلوہ اور آئس کریم پکوڑہ وغیرہ شامل ہیں جنہیں عوام کی جانب سے خوب تنقید کا نشانہ بنایا گیا اور ان عجیب و غریب پکوانوں پر سوالیہ نشان بھی اٹھائے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گلاب جامن گلاب جامن پراٹھا وائرل ویڈیو.ذریعہ: WE News
کلیدی لفظ: گلاب جامن وائرل ویڈیو سوشل میڈیا گلاب جامن
پڑھیں:
اسلام آباد: ٹریفک پولیس اہلکاروں پر تشدد کرنے والا نوجوان گرفتار
اسکرین گریباسلام آباد میں ٹریفک پولیس اہلکاروں پر تشدد اور ہلڑ بازی کرنے والے نوجوان کو گرفتار کرلیا گیا، پولیس کے مطابق واقعہ گزشتہ رات آئی 8 مرکز میں پیش آیا۔
پولیس کا کہنا ہے کہ نوجوان نے آئی 8 مرکز میں ہلڑ بازی کی اور پولیس اہلکاروں پر تشدد کیا۔
ملزم کی پولیس اہلکاروں سے بدتمیزی اور گالم گلوچ کی ویڈیو بھی سامنے آئی تھی۔
ویڈیو میں ملزم کو پولیس اہلکاروں سے جھگڑتے اور گالم گلوچ کرتے دیکھا جا سکتا ہے، جبکہ بعد ازاں وہ اپنی گاڑی میں بیٹھ کر فرار ہوتا بھی نظر آ رہا ہے۔
تھانہ آئی 9 پولیس نے کارروائی کرتے ہوئے ملزم کو گرفتار کرلیا اور گاڑی کو بھی تھانے منتقل کردیا۔
کراچی، نادرن بائی پاس پر پلاسٹک کے گودام میں آگ لگ گئی