چین نے رواں برس کینیڈا کے چار شہریوں کو موت کی سزا دی
اشاعت کی تاریخ: 20th, March 2025 GMT
اسلام آباد (اُردو پوائنٹ ۔ DW اردو۔ 20 مارچ 2025ء) کینیڈا کی وزیر خارجہ میلانیا جولی نے بدھ کے روز بتایا کہ کینیڈا کی حکومت کی طرف سے رحم کی اپیلوں کے باوجود، چین نے حالیہ ہفتوں میں کینیڈا کے چار شہریوں کو موت کی سزا دے دی۔
وزیر خارجہ جولی نے اوٹاوا میں میڈیا سے بات کرتے ہوئے کہا، "ہم چین میں کینیڈا کے شہریوں کے خلاف ہونے والی پھانسیوں کی شدید الفاظ میں مذمت کرتے ہیں۔
"جوابی کارروائی میں چین نے بھی کینیڈا کے سفیر کو ملک بدر کر دیا
جولی نے کہا کہ وہ اور سابق وزیر اعظم جسٹن ٹروڈو نے بھی چین سے ملزمان کو معاف کر دینے کی اپیل کی تھی۔ انہوں نے کہا، "میں نے ذاتی طور پر نرمی کرنے کی درخواست کی تھی۔۔۔۔ تمام متاثرہ افراد دوہری شہریت رکھتے تھے۔
(جاری ہے)
''
انہوں نے کہا کہ وہ اس بارے میں مزید تفصیلات ظاہر نہیں کر سکتی کیونکہ چاروں کینیڈین شہریوں کے اہل خانہ نے رازداری کی درخواست کی ہے۔
عالمی امور کی ترجمان شارلٹ میکلوڈ نے کہا کہ کینیڈا متاثرہ خاندانوں کو قونصلر مدد فراہم کرتا ہے اور انہوں نے میڈیا سے درخواست کی کہ وہ ان کی رازداری کا احترام کریں۔
چینی صدر اور کینیڈا کے وزیر اعظم کے درمیان تلخ کلامی کا معاملہ کیا ہے؟
چین نے اس پر کیا کہا؟چین کے گلوب اینڈ میل اخبار میں ان موت کی سزاؤں پر ایک سرکاری بیان شائع ہوا، جس میں کہا گیا کہ کینیڈا کے چاروں شہری منشیات کے جرائم کے مرتکب پائے گئے تھے۔
اخبار میں شائع ہونے والے بیان میں کہا گیا ہے کہ "منشیات سے متعلق جرم ایک ایسا سنگین جرم ہے، جسے دنیا بھر میں معاشرے کے لیے انتہائی نقصان دہ تسلیم کیا جاتا ہے۔"
اس میں مزید کہا گیا، "چین ہمیشہ منشیات سے متعلق جرائم پر سخت سزائیں دیتا ہے اور منشیات کے مسئلے پر 'زیرو ٹالرنس' کا رویہ اپنا رکھا ہے۔"
نیدرلینڈز اور کینیڈا میں چینی ’پولیس مراکز‘ کی تحقیقات
اوٹاوا میں چینی سفارتخانے کے ترجمان نے کہا، "مقدمات میں ملوث کینیڈین شہریوں کے جرائم کے حقائق واضح ہیں، اور ان کے خلاف ثبوت ٹھوس اور کافی تھے۔
"سفارت خانے کے ترجمان نے کہا کہ بیجنگ "متعلقہ کینیڈین شہریوں کے حقوق اور مفادات کی مکمل ضمانت دیتا ہے" اور کینیڈا کی حکومت پر زور دیا کہ وہ اس بارے میں "غیر ذمہ دارانہ ریمارکس دینا بند کرے۔"
کینیڈا: فائیو جی نیٹ ورک کے لیے دو چینی کمپنیوں پر پابندی کا فیصلہ
دونوں ممالک کے درمیان حالیہ برسوں میں تعلقات خراب ہوئے ہیں ۔ چین نے اسی ماہ درآمدات پر جوابی محصولات بھی عائد کیے ہیں۔
دونوں ممالک کے درمیان 2019 اور 2021 میں کینیڈا کے انتخابات میں چینی مداخلت کے الزامات پر بھی ایک دوسرے کے ساتھ تنازع ہوا تھا۔
ص ز/ ج ا (اے پی، اے ایف پی)
.ذریعہ: UrduPoint
کلیدی لفظ: تلاش کیجئے کینیڈا کے شہریوں کے نے کہا کہ میں چین چین نے
پڑھیں:
چینی وزیر اعظم 2025 کی عالمی مصنوعی ذہانت کانفرنس میں شرکت کریں گے، وزارت خارجہ
بیجنگ : چینی وزارت خارجہ کے ترجمان نے بتایا ہے کہ چین کے وزیر اعظم لی چھیانگ 26 جولائی کو شنگھائی میں منعقد ہونے والی 2025 کی عالمی مصنوعی ذہانت کانفرنس اور مصنوعی ذہانت کی عالمی حکمرانی پر اعلی سطحی کانفرنس کی افتتاحی تقریب میں شرکت اور خطاب کریں گے۔ مصنوعی ذہانت سے متعلق امریکی صدر ڈونلڈ ٹرمپ کے حالیہ ریمارکس کے حوالے سے ترجمان نے کہا کہ چین نے ہمیشہ اس بات کی وکالت کی ہے کہ تمام فریقوں کو مشترکہ طور پر مصنوعی ذہانت کے کھلے پن، جامعیت اور بھلائی کو فروغ دینا چاہیے اور مسابقت کے ساتھ محاذ آرائی کو اجاگر نہیں کرنا چاہیے بلکہ ذہانت کے فوائد بانٹنے اور مشترکہ ترقی کے حصول کی کوشش کرنی چاہیے۔
***
اسلام آباد: این سی سی آئی اے کا جعلی کال سینٹر پر چھاپہ، 149 افراد گرفتار