چہل دھناشری ورما طلاق کیس میں نئی پیشرفت سامنے آگئی
اشاعت کی تاریخ: 20th, March 2025 GMT
بھارتی کرکٹ ٹیم کے رکن اور اسپنر یوزویندر چہل اور انکی اہلیہ دھناشری ورما کے درمیان طلاق کی درخواست پر نئی پیشرفت سامنے آگئی۔
میڈیا رپورٹس کے مطابق ممبئی ہائی کورٹ نے بدھ کے روز کرکٹر یوزویندر چہل اور ان کی اہلیہ دھناشری ورما کی ہندو میرج ایکٹ کے تحت طلاق کی درخواست پر لاگو ہونے والی 6 ماہ کی پابندی (کولنگ آف پیریڈ) کو ختم کرتے ہوئے فیملی کورٹ کو ہدایت دی کہ وہ درخواست پر جمعرات تک فیصلہ سنائے۔
رپورٹ میں کہا گیا ہے کہ جسٹس مادھو جمدار کی سنگل بینچ نے کہا کہ بھارتی کرکٹر 21 مارچ کے بعد دستیاب نہیں ہوں گے کیونکہ انہیں آئندہ انڈین پریمیئر لیگ (آئی پی ایل) شرکت کرنا ہے، اس لیے درخواست کو جلد از جلد نمٹایا جائے۔
یوزویندر چہل اور انکی اہلیہ دھناشری ورما نے رواں برس 5 فروری کو فیملی کورٹ میں باہمی رضامندی سے طلاق کی درخواست دائر کی تھی، انہوں نے درخواست میں کہا تھا کہ 6 ماہ کی پابندی ختم کی جائے کیونکہ وہ باہمی رضامندی سے طلاق لینا چاہتے ہیں۔
تاہم فیملی کورٹ نے 20 فروری کو ان کی درخواست مسترد کردی تھی، بعدازاں دونوں نے ہائیکورٹ کے فیملی کورٹ میں فیصلے کیخلاف اپیل کی تھی۔
ہندو میرج ایکٹ کے تحت ہر جوڑے کو طلاق دیے جانے سے پہلے 6 ماہ کی پابندی (کولنگ آف پیریڈ) سے گزرنا ضروری ہوتا ہے تاکہ اختلافات کو ختم کیا جاسکے۔
ہائی کورٹ کے جسٹس جمدار نے ان کی درخواست کو تسلیم کرتے ہوئے کہا چونکہ درخواست گزار چہل 21 مارچ کے بعد دستیاب نہیں ہوں گے، اس لیے فیملی کورٹ سے درخواست ہے کہ وہ آج (20 مارچ) تک ان کی طلاق کی درخواست پر فیصلہ سنائے۔
واضح رہے کہ چہل انڈین پریمئیر لیگ (آئی پی ایل) میں پنجاب کنگز کی نمائندگی کریں۔
دوسری جانب اہلیہ دھناشری ورما سے طلاق کی خبروں کے بیچ کرکٹر یوزویندر چہل کو چیمپئینز ٹرافی کے فائنل کے دوران اپنی دوست آر جے مہوش کیساتھ دیکھا گیا تھا جس کی تصاویر و ویڈیوز وائرل ہوئیں تھی۔
دونوں کی ایک دوسرے کیساتھ قربت کو دیکھ کر ڈیٹنگ کی خبریں گردش کررہی تھیں تاہم اداکارہ نے اس بات کی تردید کی ہے۔
Post Views: 1.ذریعہ: Daily Mumtaz
کلیدی لفظ: اہلیہ دھناشری ورما طلاق کی درخواست یوزویندر چہل درخواست پر فیملی کورٹ
پڑھیں:
دریائے چناب میں مسلسل پانی کی سطح بلند، دریائی کٹاؤ میں بھی شدت آگئی
فائل فوٹودریائے چناب میں مسلسل پانی کی سطح بلند ہونے کے باعث موضع ساہمل میں دریائی کٹاؤ میں شدت آچکی ہے۔
سیلابی صورتحال کے پیش نظر انتظامیہ کی جانب سے فلڈ ریلیف، ریسکیو، میڈیکل اور لائیو سٹاک کیمپ قائم کردیے گئے ہیں۔
مون سون کا چوتھا سلسلہ پنجاب میں آج بھی بارش برسائے گا، لاہور اور راولپنڈی سمیت صوبے کے زیادہ تر اضلاع میں آج بارش کی پیشنگوئی کی گئی ہے۔
اہلِ علاقہ کا کہنا ہے کہ سیاستدان ووٹ لینے آتے ہیں لیکن مشکل وقت میں کوئی ان کی خبر لینے نہیں آیا، گاؤں کے گرد بند کو جلد از جلد پختہ کروایا جائے۔
انتظامیہ کا کہنا ہے کہ ہائی الرٹ جاری کر دیا گیا ہے اور کسی بھی ہنگامی صورتحال سے نمٹنے کے لیے تمام وسائل بروئے کار لائے جا رہے ہیں۔
ڈیجیٹل میڈیا پاکستان اور چین کے درمیان نئی راہداری ہے: عطاء تارڑ