عظمیٰ بخاری کی سمیع اللہ خان کے ساتھ نصیبو لال کے گھر آمد
اشاعت کی تاریخ: 21st, March 2025 GMT
لاہور (نوائے وقت رپورٹ) وزیر اطلاعات پنجاب عظمیٰ بخاری، چیئرمین استحقاق کمیٹی سمیع اللہ خان کے ساتھ معروف گلوکارہ نصیبو لال کے گھر پہنچیں۔ انہوں نے نصیبو لال کی خیریت دریافت کی اور وزیراعلیٰ مریم نواز کی جانب سے نیک تمناؤں کے ساتھ گلدستہ پیش کیا۔ عظمیٰ بخاری نے نصیبو لال کو یقین دلایا کہ حکومت پنجاب فنکاروں کی فلاح و بہبود کے لیے ہر ممکن تعاون فراہم کرے گی۔ مریم نواز فنکاروں کی فلاح و ترقی کے لیے خصوصی دلچسپی لے رہی ہیں اور ان کے مسائل کے حل کے لیے ٹھوس اقدامات کیے جا رہے ہیں۔ نصیبو لال نے وزیراعلیٰ پنجاب مریم نواز اور وزیر اطلاعات عظمیٰ بخاری کا شکریہ ادا کیا اور وزیراعلیٰ کے فنکاروں کے لیے فلاحی اقدامات کو سراہا۔ انہوں نے کہا کہ مریم نواز اپنے والد میاں نواز شریف کے نقش قدم پر چلتے ہوئے فنکاروں کی حوصلہ افزائی کر رہی ہیں اور اللہ تعالیٰ ان کی مدد فرمائے۔ نواز شریف نے ہمیشہ فنکاروں کی سرپرستی کی اور آج مریم نواز بھی اسی جذبے کے تحت فنکار برادری کے لیے کام کر رہی ہیں، جو خوش آئند ہے۔
.ذریعہ: Nawaiwaqt
کلیدی لفظ: فنکاروں کی نصیبو لال مریم نواز کے لیے
پڑھیں:
"پاکستان کا نوجوان باشعور ہے اور اب وہ کسی بھی فتنے کے جھانسے میں نہیں آئے گا: عظمیٰ بخاری
وزیر اطلاعات پنجاب عظمیٰ بخاری نے بانی پی ٹی آئی کے جیل میں سہولتوں سے متعلق الزامات کو جھوٹ قرار دے دیا ہے۔ اپنے بیان میں انہوں نے کہا کہ بانی پی ٹی آئی جو یہ دعویٰ کر رہے ہیں کہ انہیں جیل میں سہولتیں نہیں مل رہیں، یہ سراسر جھوٹ پر مبنی ہے۔ عظمیٰ بخاری نے مزید کہا کہ بانی پی ٹی آئی کو جو بی کلاس کی سہولتیں فراہم کی جا رہی ہیں، وہ باقی بی کلاس کے قیدیوں کو بھی نہیں ملتیں، اس لیے ان کے بیان کی کوئی حقیقت نہیں ہے۔وزیر اطلاعات نے سوال اُٹھایا ہے کہ "جو شخص عید والے دن صبح بارہ بجے اٹھتا تھا، وہ کس منہ سے یہ جھوٹ بول رہا ہے کہ جیل میں وضو کے لیے گندہ پانی فراہم کیا جا رہا ہے؟" عظمیٰ بخاری نے مزید کہا کہ بانی پی ٹی آئی جو دوسروں کے اے سی اتارنے کے دعوے کرتے تھے، وہ آج جیل کی سہولتوں کے حوالے سے جھوٹے پروپیگنڈے میں مصروف ہیں۔انہوں نے کہا کہ جس جماعت کو آج کوئی نہیں لیڈ کر رہا، وہ احتجاجی تحریک کیا چلائے گی؟ 9 مئی کے مقدمات کے فیصلے آئین و قانون کے مطابق ہیں اور جو لوگ انقلاب لانے کا دعویٰ کرتے تھے، وہ بغاوت کے مرتکب قرار پائے ہیں۔ عظمیٰ بخاری کا کہنا ہے کہ "جو شخص قوم کے بچوں کو اپنے ناپاک اعزائم کے لیے استعمال کرتا ہے، اس کے اپنے بچے امریکہ میں سیر سپاٹے کر رہے ہیں۔"پاکستان کا نوجوان باشعور ہے اور اب وہ کسی بھی فتنے کے جھانسے میں نہیں آئے گا۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست