بلوچستان: بی این پی مینگل کا بلوچ یکجہتی کمیٹی کی حمایت میں مختلف مقامات پر احتجاج
اشاعت کی تاریخ: 26th, March 2025 GMT
بلوچ یکجہتی کمیٹی کی آرگنائزر ماہرنگ بلوچ سمیت دیگر رہنماؤں اور کارکنوں کے گرفتاری کے خلاف بلوچستان نیشنل پارٹی مینگل نے اپنا احتجاج دوسرے مرحلے میں داخل کرتے ہوئے صوبے کے مختلف اضلاع میں قائم پریس کلبوں کے سامنے احتجاجی مظاہرے کیے۔
بی این پی مینگل کی جانب سے بلوچستان کے صوبائی دارالحکومت کوئٹہ، قلات، خضدار، نوشکی اور دالبندین سمیت دیگر علاقوں کے پریس کلبوں کے سامنے احتجاجی مظاہرے کیے گئے، جن میں بی وائی سی اور بی این پی مینگل کے کارکنان شریک تھے۔
یہ بھی پڑھیں ماہ رنگ بلوچ کی گرفتاری کے خلاف اختر مینگل کا لانگ مارچ کا اعلان، اے این پی کی حمایت
خضدار، نوشکی اور دالبندین پریس کلب کے سامنے مظاہرین نے حکومت کے خلاف شدید نعرے بازی کی، شرکا نے بلوچ یکجہتی کمیٹی کے حق میں بینرز اٹھا رکھے تھے جبکہ کوئٹہ اور قلات میں مظاہرین ریلی کی شکل میں پریس کلب پہنچے۔
کوئٹہ میں احتجاجی مظاہرے سے خطاب کرتے ہوئے بلوچستان نیشنل پارٹی مینگل کے قائم مقام صدر ساجد ترین نے کہاکہ بلوچ یکجہتی کمیٹی کے کارکنان کی ناحق گرفتاری کے خلاف بی این پی کی مرکزی کمیٹی نے احتجاج کا اعلان کیا جس کے دوسرے مرحلے کے تحت مختلف اضلاع میں احتجاجی مظاہرے کیے گئے، اب 28 مارچ کو وڈھ سے کوئٹہ تک لانگ مارچ کیا جائےگا، بعدازاں اس لانگ مارچ کو دھرنے کی شکل دی جائے گی۔
ساجد ترین نے کہاکہ بی این پی کا مؤقف واضح ہے ہم آدھا تیتر آدھا بٹیر والا کام نہیں کرتے، ہمیں ایسے لوگوں کا ساتھ دینا چاہیے جو حقیقی طور پر اس مٹی اور زمین کے لوگ ہیں، یہ نہیں کہ ہم پہلے آپریشن کی حمایت کریں پھر اس کی مذمت کریں، ایسا کرنا دوغلی پالیسی ہوگی، ہم سمجھتے ہیں کہ یہ مسئلہ کسی ایک جماعت کا نہیں، بلوچستان میں بسنے والا ہر شخص ظلم کے خلاف آواز اٹھائے۔
یہ بھی پڑھیں اخترمینگل کے بیٹے سمیت1800 افراد پر مقدمہ، بی این پی نے احتجاجاً شاہراہیں بند کردیں
کوئٹہ میں بی این پی کے احتجاج میں عوامی نیشنل پارٹی کے رہنماؤں نے بھی شرکت کی اور احتجاج کی حمایت کا اعلان کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاج بلوچ یکجہتی کمیٹی بلوچستان بی این پی مینگل ماہرنگ بلوچ وی نیوز.ذریعہ: WE News
کلیدی لفظ: بلوچ یکجہتی کمیٹی بلوچستان بی این پی مینگل ماہرنگ بلوچ وی نیوز بلوچ یکجہتی کمیٹی احتجاجی مظاہرے بی این پی مینگل کی حمایت کے خلاف
پڑھیں:
محمد عامر کو کپتانی مل گئی، ابو ظہبی ٹی10 لیگ میں کوئٹہ کیولری کی قیادت کریں گے
سابق پاکستانی فاسٹ بولر محمد عامر کو کوئٹہ کیولری کا کپتان مقرر کر دیا گیا ہے جو رواں ماہ 18 نومبر سے شروع ہونے والی ابو ظہبی ٹی10 لیگ میں اپنا پہلا سیزن کھیلنے جا رہی ہے۔
یہ اعلان ٹیم کی جانب سے سوشل میڈیا پر ایک اینیمیٹڈ پوسٹر کے ذریعے کیا گیا۔کوئٹہ کیولری اپنی مہم کا آغاز ناردرن واریئرز کے خلاف افتتاحی میچ سے کرے گی۔ ٹیم اپنا دوسرا میچ 19 نومبر کو عجمان ٹائٹنز کے خلاف، جبکہ تیسرا میچ 21 نومبر کو ڈیکن گلیڈی ایٹرز کے خلاف کھیلے گی۔
یہ بھی پڑھیے: کیا محمد عامر انٹرنیشنل کرکٹ واپس میں آئیں گے؟ سابق فاسٹ بولر نے واضح بتا دیا
چوتھا مقابلہ 22 نومبر کو دہلی بلز سے ہوگا، جب کہ آخری دو میچز ویسٹا رائیڈرز اور رائل چیمپس کے خلاف 27 اور 28 نومبر کو ہوں گے۔
چند روز قبل، پاکستان کے وکٹ کیپر بیٹر اعظم خان کو زمبابوے کے سکندر رضا کی جگہ ٹیم میں شامل کیا گیا۔ سکندر رضا قومی ذمہ داریوں کے باعث لیگ میں شرکت نہیں کر سکیں گے کیونکہ وہ اس وقت افغانستان کے خلاف ٹی20 سیریز میں زمبابوے کی قیادت کر رہے ہیں۔
ٹیم کی کوچنگ کی ذمہ داری یاسر عرفات کے سپرد ہے، جبکہ جویریہ خان ٹیم ڈائریکٹر کے طور پر فرائض انجام دیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کرکٹ کوئٹہ کیولری محمد عامر
ڈی جی این سی سی آئی اے وقار الدین سید کو عہدے سے ہٹا دیا گیا