پختونخوا؛ بالائی علاقوں میں گرج چمک کے ساتھ بارش اور برفباری، نالوں میں طغیانی
اشاعت کی تاریخ: 27th, March 2025 GMT
لوئر دیر:
خیبر پختونخوا میں بالائی علاقوں میں گرج چمک کے ساتھ تیز بارش اور برف باری ہوئی، جس کے بعد نالوں میں طغیانی آ گئی اور پانی دکانوں اور گھروں میں داخل ہوگیا۔
ایکسپریس نیوز کے مطابق دیر لوئر میں شہری علاقوں میں گرج چمک کے ساتھ تیزبارش اور بالائی علاقوں پر برف باری کا سلسلہ تیسرے روز بھی وقفے وقفے سے جاری ہے۔ کئی علاقوں میں بارش کے ساتھ شدید ژالہ باری بھی ہوئی، جس کے بعد موسم ایک بار پھر سرد ہوگیا ہے۔
شدید بارش کی وجہ سے ندی نالوں میں طغیانی آگئی ہے ۔ وادی کمراٹ، لواری ٹنل، شاہی بن شاہی، کلپانی، عشیرئی درہ ،جہاز بانڈہ اور دیگر بالائی علاقوں پر برف باری کا سلسلہ جاری ہے۔
اُدھر دریائے پنجکوڑہ میں نچلے درجے کا سیلاب ہے جب کہ بارش کا پانی دکانوں میں داخل ہوگیا ہے۔ برف باری کی وجہ سے بالائی علاقوں کی رابطہ سڑکیں بند ہو گئی ہیں۔ شدید ژالہ باری سے فصلوں اور میوہ جات کے باغات کو نقصان پہنچا ہے۔
علاوہ ازیں چترال میں بھی بعض مقامات پر گاڑیاں پھنسنے کی اطلاعات موصول ہوئی ہیں، جس کے بعد مقامی انتظامیہ اور ٹریفک حکام نے مسافروں کو غیر ضروری سفر سے گریز کرنے کی ہدایت کی ہے۔
چترال میں اپر چترال ریشن، زئیت، کاری، استارو، ریچ کے مقامات پر لینڈ سلائیڈنگ اور طغیانی سے بونی مستوج روڈ بلاک ہوگیا ہے، جس کی وجہ سے عید الفطر کی آمد پر لوگوں وک مشکلات پیش آ رہی ہیں۔
برف باری اور لینڈ سلائیڈنگ سے متاثرہ علاقوں میں نظام زندگی مفلوج ہوگیا ہے۔
.ذریعہ: Express News
کلیدی لفظ: بالائی علاقوں علاقوں میں ہوگیا ہے کے ساتھ
پڑھیں:
شدید گرمی کی لہر جمعرات کے روز بھی برقرار رہنے کا امکان
محکمہ موسمیات کی رپورٹ کے مطابق جمعرات کے روز ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے، بعد ازدوپہر میدانی علاقوں میں تیز، گرد آلود ہوائیں چلنے کی توقع ہے۔ اسلام ٹائمز۔ محکمہ موسمیات نے موجودہ شدید گرمی کی لہر جمعرات کے روز بھی برقرار رہنے کا امکان ظاہر کر دیا۔ محکمہ موسمیات کے مطابق ملک کے بالائی علاقوں، وسطی، بالائی پنجاب، اسلام آباد، خیبرپختونخوا، کشمیر، گلگت بلتستان میں دن کا درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔ رپورٹ کے مطابق جنوبی علاقوں بالائی وسطی سندھ جنوبی پنجاب اور بلوچستان میں درجہ حرارت 4 سے 6 ڈگری سینٹی گریڈ زیادہ رہنے کا امکان ہے۔ محکمہ موسمیات کی جانب سے عوام الناس کو احتیاطی تدابیر اختیار کرنے کا مشورہ دیا گیا ہے کہ وہ صبح 11 سے شام 4 بجے کے دوران براہ راست سورج کی روشنی سے گریز کریں اور پانی کا زیادہ استعمال کریں۔
رپورٹ کے مطابق جمعرات کے روز ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے، بعد ازدوپہر میدانی علاقوں میں تیز، گرد آلود ہوائیں چلنے کی توقع ہے۔ شام، رات کے دوران بالائی خیبرپختونخوا، خطہ پوٹھوہار، کشمیر اور گلگت بلتستان میں مطلع جزوی ابر آلود رہنے کے علاوہ چند مقامات پر تیز ہواؤں، آندھی چلنے اور گرج چمک کے ساتھ بارش کا امکان ہے۔
محکمہ موسمیات کے مطابق ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا، آج ریکارڈ کئے گئے زیادہ سے زیادہ درجہ حرارت بھکر، جیکب آباد میں 49، سبی، نورپور تھل، سرگودھا، گوجرانوالہ، حافظ آباد میں 48 ڈگری سینٹی گریڈ ریکارڈ گیا۔ اٹک، شیخوپورہ، منڈی بہاؤالدین، جہلم، جوہرآباد، بہاولنگر، قصور، منگلا، سیالکوٹ، لیہ، بنوں اور ڈی آئی خان میں 47 ڈگری سینٹی گریڈ ریکارڈ کیا گیا۔
اسلام آباد میں ٹک ٹاکر ثنا یو سف کا 4 بجے قتل لیکن 3بجے تک کس معروف شخصیت سے رابطے میں رہی؟ نا م سامنے آ گیا