پاکستان میں پھر دو عیدیں؟ خیبرپختونخوا سے بڑا اعلان سامنے آگیا
اشاعت کی تاریخ: 29th, March 2025 GMT
سعودی عرب میں شوال کا چاند نظر آگیا ہے، جس کے مطابق کل 30 مارچ کو عیدالفطر ہوگی۔ ادھر پاکستان کے صوبہ خیبرپختونخوا میں بھی کل سعودی عرب کے ساتھ عید منانے کا اعلان کردیا گیا۔
یہ بھی پڑھیں سعودی عرب میں عیدالفطر کا چاند نظر آگیا، پاکستان میں کل دکھائی دینے کا قوی امکان
عوامی نیشنل پارٹی (اے این پی) کے مرکزی صدر ایمل ولی خان نے کل سعودی عرب کے ساتھ عید منانے کا اعلان کردیا۔
اپنے ایک بیان میں انہوں نے کہاکہ ہم مسلم دنیا کے ساتھ عیدالفطر منائیں گے، تاہم اپیل کرتا ہوں کہ عید سادگی سے منائی جائے۔
ایمل ولی خان نے کہاکہ موجودہ ملکی حالات کے پیش نظر بڑے اجتماعات سے گریز کیا جائے، کیوں کہ لوگوں کی زندگیاں اہم ہیں۔
انہوں نے کارکنوں کو مخاطب کرتے ہوئے کہاکہ اس بار ہم ولی باغ میں عید نہیں مل سکیں گے، تاہم ہمارے دل ایک ساتھ دھڑکتے رہیں گے۔
یہ بھی پڑھیں اڈیالہ جیل میں بھی عید کی تیاریاں، عمران خان کو کیا کیا سامان پہنچا دیا گیا؟
واضح رہے کہ سپارکو نے پاکستان میں عید کا چاند کل نظر آنے کی پیشگوئی کی ہے، جس کےمطابق عیدالفطر 31 مارچ بروز پیر کو ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایمل ولی خان اے این پی پاکستان چاند خیبرپختونخوا دو عیدیں رویت ہلال کمیٹی سپارکو سعودی عرب شوال کا چاند وی نیوز.ذریعہ: WE News
کلیدی لفظ: ایمل ولی خان اے این پی پاکستان چاند خیبرپختونخوا رویت ہلال کمیٹی سپارکو شوال کا چاند وی نیوز کا چاند
پڑھیں:
2 برادر ملک دشمن کے سامنے شانہ بشانہ ہیں، وزیر دفاع کا پاکستان سعودیہ دفاعی معاہدے پر ردعمل
وزیر دفاع خواجہ آصف نے پاکستان اور سعودی عرب کے درمیان مشترکہ دفاعی معاہدے کو دونوں ممالک کے برادرانہ تعلقات کی تاریخ میں ایک اہم موڑ قرار دیتے ہوئے کہا ہے کہ 2 برادر ملک دشمن کے سامنے صف آرا اور شانہ بشانہ کھڑے ہیں۔
پاکستان اور سعودی عرب کے درمیان تاریخی مشترکہ دفاعی معاہدے کے حوالے سے سوشل میڈیا ایکس پر اپنی پوسٹ میں انہوں نے کہا کہ رب العزت کے سائے میں مشترکہ دشمن کے مقابل انشاء اللہ ساری امت متحد ہوگی۔ پاکستان زندہ باد مسلم امہ پائندہ باد
https://x.com/KhawajaMAsif/status/1968539158219215303
ولی عہد شہزادہ محمد بن سلمان کی دعوت پر وزیراعظم شہباز شریف گزشتہ روز مملکت سعودی عرب کے سرکاری دورے پر اسلام آباد سے ریاض پہنچے تھے جہاں سعودی F-15 لڑاکا طیاروں نے وزیراعظم کا شاندار استقبال کیا تھا۔
دونوں رہنماؤں نے دفاعی معاہدے پر دستخط کردیے جس کا مقصد پاکستان اور سعودی عرب کی خودمختاری و سالمیت میں ایک دوسرے کا ساتھ دینا ہے۔
یہ بھی پڑھیں: ایک ملک پر حملہ دونوں پر تصور ہوگا، مشترکہ جواب دیا جائے گا، پاکستان اور سعودی عرب میں دفاعی معاہدہ طے
معاہدے کے تحت پاکستان اب حرمین شریفین کے تحفظ اور سعودی عرب کی سلامتی میں ایک اسٹریٹیجک پارٹنر بن گیا ہے۔
اس معاہدہ کی تیاری اور تکمیل میں آرمی چیف فیلڈ مارشل سید عاصم منیر کا کلیدی کردار نمایاں ہے
یہ معاہدہ دونوں ممالک کے کئی دہائیوں پر محیط فوجی تعاون، مشترکہ مشقوں اور دفاعی تعلقات کو ایک باقاعدہ اسٹریٹیجک شراکت داری میں ڈھالتا ہے۔
اس معاہدہ سے نہ صرف خطے میں امن اور عالمی سلامتی کو فروغ ملے گا بلکہ اقتصادی، سفارتی اور عسکری میدانوں میں بھی وسیع مواقع پیدا ہوں گے۔
اسرائیل نے حماس کے کن رہنماؤں کو نشانہ بنایا؟ کون شہید ہوا اور کون زندہ بچ نکلا؟