عید کے بعد کراچی کے حقوق کیلئے ایوان اورعدالت سے رجوع کریں گے، خالد مقبول صدیقی
اشاعت کی تاریخ: 30th, March 2025 GMT
کراچی: متحدہ قومی موومنٹ پاکستان کے کنوینر ڈاکٹر خالد مقبول صدیق نے کہا ہے کہ عید کے بعد کراچی کے حقوق کے لیے ایوان اورعدالت سے رجوع کریں گے عید سے قبل کراچی والوں کو سوگ میں ڈال دیا گیا، کراچی کی گلیاں اور سڑکیں نوحے سنارہی ہیں، پورا رمضان سڑکیں شہریوں کے خون سے لہولہان ہوتی رہیں ۔
کراچی میں پریس کانفرنس سے خطاب کرتے ہوئے خالد مقبول صدیقی نے کہا کہ ٹریفک حادثات میں جاں بحق شہریوں کےلیے پٹیشن دائر کریں گے۔
انہوں نے شہریوں سے اپیل کی کہ جعلی چارجڈ پارکنگ مافیا کو کسی صورت ادائیگی نہ کریں، انہوں نے پولیس اور انتظامیہ کو متنبہ کیا کہ کراچی سے تمام جعلی چارجڈ پارکنگ کا خاتمہ کیا جائے جو شہر کو لوٹنے کا ایک اور ذریعہ ہے۔
انہوں نے کہاکہ شہر میں ڈمپرز نہیں چلنے چاہئیں، اگر کل عوام ان کا راستہ روکیں تو راستہ روکنے والوں کو بلکہ ڈمپرز جنہیں لوگوں کو کچلنے کا سرٹیفیکیٹ دیا گیا ہے، انہیں روکیں۔
انہوں نے کہاکہ ڈمپرز کی کوئی زبان نہیں ہوتی لیکن ان کے مالکان اور ڈرائیورز کے خلاف عدالتیں یا عوام کو کوئی کارروائی کرتے ہیں تو اسے کسی قومیت کے خلاف نہ کہا جائے۔
انہوں نے کہاکہ ہم نازک ترین معاملات پر سیاست نہیں کرنا چاہتے اور باقی لوگوں سے بھی درخواست سیاست نہ کرنے کی درخواست کرتے ہیں، انہوں نے حکومت سندھ اور وفاق سے ٹریفک حادثات کا نشانہ بننے والے شہریوں کے ورثا کو فوری معاوضہ دینے کا بھی مطالبہ کیا۔
انہوں نے دعویٰ کیا کہ ڈمپرز نان کسٹم پیڈ اور اسمگل شدہ ہیں، ایک سسٹم ڈمپر مافیا کو سپورٹ کرتا ہے، کراچی کو مافیاز لوٹ کا مال سمجھتی ہیں۔
ڈاکٹر خالد مقبول صدیقی نے کہا کہ عید کے بعد کراچی کے حقوق کے لیے ایوان اور عدالت سے رجوع کریں گے، کراچی کے حقوق کے لیے سڑکوں پر احتجاج کا راستہ بھی موجود ہے۔
ذریعہ: Daily Mumtaz
کلیدی لفظ: کراچی کے حقوق خالد مقبول انہوں نے کریں گے نے کہا
پڑھیں:
غیر قانونی مقیم افغان شہریوں کی بے دخلی کیلئے طورخم سرحد کھول دی گئی
حکام کے مطابق پاک افغان سرحدی گزرگاہ طورخم کو 20 روز بعد جزوی طور پر کھولا گیا ہے تاکہ پاکستان میں مقیم غیر قانونی افغان شہریوں کی واپسی کا عمل جاری رہ سکے۔ اسلام ٹائمز۔ پاکستان میں غیر قانونی طور پر مقیم افغان شہریوں کی بے دخلی کے لیے طورخم سرحد کو جزوی طور پر کھول دیا گیا ہے۔ حکام کے مطابق پاک افغان سرحدی گزرگاہ طورخم کو 20 روز بعد جزوی طور پر کھولا گیا ہے تاکہ پاکستان میں مقیم غیر قانونی افغان شہریوں کی واپسی کا عمل جاری رہ سکے۔ ضلع خیبر کے ڈپٹی کمشنر بلال شاہد کے مطابق سرحد صرف افغان پناہ گزینوں کی بے دخلی کے لیے کھولی گئی ہے جب کہ تجارت اور عام آمدورفت تاحکمِ ثانی بند رہے گی۔ ضلعی انتظامیہ کے مطابق سیکڑوں افغان شہری طورخم امیگریشن سینٹر پہنچ چکے ہیں، جہاں عملہ دستاویزی کارروائی مکمل کرنے کے بعد انہیں افغانستان جانے کی اجازت دے رہا ہے۔ حکام کا کہنا ہے کہ تجارتی سرگرمیوں اور پیدل آمدورفت کی مکمل بحالی کے بارے میں ابھی کوئی حتمی فیصلہ نہیں کیا گیا۔
ڈپٹی کمشنر بلال شاہد نے بتایا کہ 11 اکتوبر کو پاک افغان کشیدگی کے باعث طورخم سرحد مکمل طور پر بند کی گئی تھی، تاہم اب سرحد صرف بے دخلی کے لیے جزوی طور پر بحال کی گئی ہے۔ اُدھر یو این ایچ سی آر کے ترجمان قیصر خان آفریدی کے مطابق 8 اکتوبر تک مجموعی طور پر 6 لاکھ 15 ہزار غیر قانونی افغان شہریوں کو طورخم کے راستے وطن واپس بھیجا جا چکا ہے، جب کہ مزید افراد کی واپسی کا سلسلہ جاری ہے۔
کوئٹہ، خاتون ٹیچر کے قتل میں ملوث مرکزی ملزم گرفتار