مریم نواز کا صوبے بھر میں کم از کم اجرت کے فیصلے پر عملدرآمد نہ کرنیوالے اداروں کیخلاف کریک ڈاون کا حکم
اشاعت کی تاریخ: 4th, April 2025 GMT
لاہور(اردوپوائنٹ اخبار تازہ ترین۔04اپریل 2025)وزیراعلیٰ پنجاب مریم نواز نے صوبے بھر میں کم از کم اجرت کے فیصلے پر عملدرآمد نہ کرنیوالے اداروں کیخلاف کریک ڈاون کا حکم دیدیا، دکانوں،ورکشاپس اورچھوٹے اداروں میں کام کرنے والے ورکرزکی رجسٹریشن کرنے کی ہدایات،وزیراعلیٰ پنجاب مریم نواز سے صوبائی وزیرمحنت فیصل ایوب کھوکھرنے ملاقات کی،وزیراعلیٰ پنجاب مریم نوازنے صوبے بھر میں لیبر رجسٹریشن بڑھانے کا حکم دیدیا۔
وزیراعلیٰ مریم نوازنے لیبر کیلئے راشن کارڈ پروگرام کا جامع پلان طلب بھی کر لیا۔مریم نواز نے پنجاب میں دکانوں، پٹرول پمس اور فیکٹریوں میں کم از کم اجرت کی ادائیگی یقینی بنانے کی ہدایت بھی کی۔وزیراعلیٰ پنجاب مریم نوازنے صوبائی وزیر محنت سے دوران گفتگو انڈسٹریل یونٹ میں لیبر کیلئے ورکنگ کنڈیشن بہتر بنانے کا بھی حکم دیا۔(جاری ہے)
اس موقع پر گفتگو کرتے ہوئے وزیراعلیٰ پنجاب مریم نواز نے کہا کہ پہلی مرتبہ صوبے بھر میں تمام دکانوں، ورکشاپوں و چھوٹے انڈسٹریل یونٹ میں ورکرز کی رجسٹریشن کی جائے گی۔
چھوٹے اداروں کے ورکرزکولیبرڈیپارٹمنٹ میں رجسٹریشن کے بعد گرانٹس ودیگرمالی فوائد ملیں گے۔واضح رہے کہ اس سے قبل وزیراعلیٰ پنجاب مریم نواز نے صوبہ بھر میں کم از کم ماہانہ اجرت کا نفاذ یقینی بنانے کا حکم دیا تھا۔ وزیراعلیٰ پنجاب مریم نواز کی زیرصدارت اجلاس منعقد ہوا تھا جس میںوزیراعلیٰ مریم نوازنے مزدوروں کی فلاح وبہبود کیلئے اہم منصوبوں کی منظوری دی تھی۔وزیراعلیٰ پنجاب نے جائزہ اجلاس میں مزدوروں کی فلاح وبہبود کیلئے صوبائی وزیرمحنت فیصل ایوب کھوکھرسے جامع پلان طلب کیاتھا۔ مریم نواز نے پنجاب بھر میں کم از کم اجرت کا نفاذ یقینی بنانے کا حکم دیا تھااور لیبر ڈیپارٹمنٹ کے حکام کو ہدایت کی تھی کہ پنجاب بھر میں ورکروں کو کم از کم 37ہزارروپے ماہانہ ادائیگی کی جائے۔.ذریعہ: UrduPoint
کلیدی لفظ: تلاش کیجئے پنجاب مریم نواز مریم نواز نے مریم نوازنے کا حکم
پڑھیں:
مریم نواز سے ساہیوال ڈویژن کے ارکان اسمبلی کی ملاقات، ترقیاتی کاموں پر اظہار اطمینان
data-id="863a0a8" data-element_type="widget" data-widget_type="theme-post-content.default">
لاہور: وزیراعلیٰ پنجاب مریم نواز شریف سے ساہیوال ڈویژن کے ارکانِ قومی و صوبائی اسمبلی اور پارٹی ٹکٹ ہولڈرز نے ملاقات کی، جس میں صوبے میں جاری ترقیاتی منصوبوں، عوامی فلاحی اقدامات، امن و امان اور بنیادی ڈھانچے کی بہتری سے متعلق امور پر تفصیلی بات چیت ہوئی۔
میڈیا رپورٹس کے مطابق ملاقات میں سڑکوں کی بحالی، ’ستھرا پنجاب‘ پروگرام، صحت، ٹرانسپورٹ اور دیگر عوامی فلاحی شعبوں میں جاری اصلاحات پر غور کیا گیا، ارکانِ اسمبلی نے پنجاب بھر میں 20 ہزار کلومیٹر طویل سڑکوں کی بحالی کے منصوبے کو ایک انقلابی اقدام قرار دیتے ہوئے مریم نواز کی قیادت کو خراجِ تحسین پیش کیا۔
اس موقع پر ارکان نے صوبے میں جدید کیتھ لیب کے قیام اور الیکٹرو بسز کے اجرا پر بھی وزیراعلیٰ کو سراہا اور کہا کہ مریم نواز کی قیادت میں پنجاب میں ترقیاتی کاموں کی رفتار کو نئی بلندیوں تک پہنچایا جا رہا ہے۔
وزیراعلیٰ مریم نواز نے گفتگو کرتے ہوئے کہا کہ عوامی خدمت، تیز رفتار ترقی اور شفاف گورننس ہی مسلم لیگ (ن) کا اصل ایجنڈا ہے، صوبے میں جرائم کی شرح میں نمایاں کمی آئی ہے اور شہروں و دیہات میں امن و استحکام بحال ہوا ہے۔
انہوں نے کہا کہ سڑکوں کی بحالی اور پبلک ٹرانسپورٹ کے منصوبے صرف انفراسٹرکچر نہیں بلکہ روزگار اور خوشحالی کے دروازے کھولنے کا ذریعہ ہیں، ستھرا پنجاب پروگرام محض صفائی مہم نہیں بلکہ عوامی شعور اور ذمہ داری پر مبنی ایک نیا سماجی کلچر ہے۔
وزیراعلیٰ نے ارکان اسمبلی پر زور دیا کہ وہ اپنے اپنے علاقوں میں عوامی مسائل کے حل اور ترقیاتی منصوبوں کی مؤثر نگرانی کو یقینی بنائیں تاکہ حکومتی اقدامات کے ثمرات براہِ راست عوام تک پہنچ سکیں۔
اشتہار