ایشوریا کیساتھ کام کرنے والا وہ اداکار جس کو لوگوں کے ٹوائلٹ بھی صاف کرنے پڑے
اشاعت کی تاریخ: 7th, April 2025 GMT
جنوبی بھارتی فلم انڈسٹری کا ایک ایسا سابق اداکار بھی ہے جس نے تبو اور ایشوریا جیسی بڑی اداکاراؤں یہاں تک کے شاہ رُخ خان کے ساتھ بھی کام کیا تاہم اب وہ نیوزی لینڈ میں گمنام زندگی گزارنے پر مجبور ہے۔
بھارتی میڈیا رپورٹ کے مطابق مرزا عباس علی کو کئی بڑے ستاروں جیسے مموتی، ایشوریہ رائے بچن، تبو سمیت بہت سے دوسرے بڑے اداکاروں کے ساتھ کام کرنے کا موقع ملا۔
مرزا ایک زمانے میں انٹرٹینمنٹ انڈسٹری میں بہت مشہور تھے اور انہیں اپنی پہلی فلم کے بعد خوب بہت شہرت ملی تھی۔ انہوں نے انڈسٹری میں 20 سال تک کام کیا، شاہ رخ خان اور کمل ہاسن کی فلم ارے رام میں بھی ایک چھوٹا کردار ادا کیا۔
1964 میں مرزا عباس علی نے اپنے ماڈلنگ کیرئیر کا آغاز کیا اور پھر پریا او پریا، راجہمس، راجہ، سویم ورم، اور پدایپا جیسی جنوبی فلموں میں کام کیا۔
View this post on InstagramA post shared by BollywoodShaadis.
مرزا نے ایک جنوبی بھارتی فلم سے اداکاری کی دنیا میں قدم رکھا جہاں وہ ایشوریہ رائے اور مموٹی کے ساتھ رومانٹک ڈرامہ فلم میں نظر آئے۔ فلم میں ساؤتھ اسٹار اجیت کمار اور تبو بھی موجود تھے۔
2000 میں وہ تامل فلم انڈسٹری کے عظیم ستاروں میں سے ایک کے طور پر پہچانے جاتے تھے۔ ڈی این اے کی رپورٹ میں یہ بھی بتایا گیا کہ تبو کے ساتھ ایک تامل فلم کے بعد عباس کو راتوں رات شہرت مل گئی۔ تاہم ان کا کیرئیر اس وقت تباہ ہو گیا جب چند سال بعد ان کی فلمیں باکس آفس پر فلاپ ہونے لگیں۔
اس کے بعد فلم سازوں نے مرزا عباس کو کام دینا چھوڑ دیا اور ایک انٹرویو میں انہوں نے مالی بحران کا سامنا کرنے کا اعتراف بھی کیا۔
مرزا نے بتایا کہ وہ فلموں کی ناکامی اور انڈسٹری میں مزید کام نہ ملنے کی وجہ سے نیوزی لینڈ چلے گئے کیونکہ وہ اتنا دیوالیہ ہو چکے تھے کہ وہ اپنے گھر کا کرایہ بھی نہیں دے سکتے تھے۔
اداکار نے انکشاف کیا کہ وہاں انہیں ٹوائلٹ کلینر، ٹیکسی ڈرائیور اور مکینک کے طور پر کام کر کے گزر بسر کرنا پڑا اور روزی کمانے کے لیے عجیب و غریب کام کرنا پڑے۔
ذریعہ: Express News
کلیدی لفظ: کے ساتھ
پڑھیں:
ایس ایس راجامولی کی فلم SSMB29 میں آر مادھون کی انٹری
ساؤتھ انڈین و بالی وڈ فلم انڈسٹری کے معروف اداکار آر مادھون کے حوالے سے بھارتی میڈیا پر قیاس آرائیاں ہیں کہ وہ ایس ایس راجامولی کے میگا پروجیکٹ ‘SSMB29’ کا حصہ ہوں گے۔
بھارتی میڈیا رپورٹس کے مطابق فلم ‘SSMB29’ جس میں اداکار مہیش بابو اور پریانکا چوپڑا مرکزی کردار ادا کر رہے ہیں فی الحال زیرِپروڈکشن کے مرحلے میں ہے اور اسے ہندوستانی سنیما کی اب تک کی سب سے بڑی فلموں میں سے ایک قرار دیا جا رہا ہے۔
A post shared by Rajesh Kumar Reddy (@rajeshreddyega)
رپورٹس کے مطابق اداکار آر مادھون فلم ‘SSMB29’ میں ایک طاقتور اور کلیدی کردار ادا کریں گے اگرچہ فلم سازوں کی جانب سے ان کی کاسٹنگ کی ابھی تک باضابطہ طور پر تصدیق نہیں کی گئی ہے۔
تاہم اداکار کی فلم میں شمولیت کی قیاس آرائیوں نے مداحوں میں جوش و خروش پیدا کر دیا ہے کیونکہ فلم کی متاثر کن کاسٹ میں آر مادھون کے ساتھ ملیالم اداکار پرتھوی راج سوکمارن بھی شامل ہوگئے ہیں۔
بھارتی میڈیا کے مطابق فلم کے کچھ قریبی ذرائع یہ بھی بتا رہے ہیں کہ اداکار آر مادھون فلم میں مہیش بابو کے کردار کے لیے ایک مرشد یا سرپرست کا کردار ادا کرسکتے ہیں جوکہ ایک اہم کردار ہوگا۔
آر مادھون کا کردار اور فلم کی تفصیلات
بات کی جائے اداکار آر مادھون کے کردار کی تو ان کے کردار کی مکمل تفصیلات کو میکرز کی جانب سے ابھی تک صیغہ راز میں رکھا گیا ہے کیونکہ یہ فلم کی کہانی کے لیے اہم ہوگا۔
مداحوں کیلئے دلچسپ بات یہ ہے کہ یہ پروجیکٹ آر مادھون اور ایس ایس راجامولی کے درمیان پہلا تعاون ہے جو ‘باہوبلی’ اور ‘آر آر آر’ جیسی بلاک بسٹر فلموں کی ہدایت کاری کے لیے مشہور ہیں۔
فلم کی شوٹنگ اس وقت متعدد بین الاقوامی مقامات پر جاری ہے جس میں ہندوستانی دیومالائی تھیمز کے عناصر کا امتزاج ہے۔
ذرائع کے مطابق راجامولی مبینہ طور پر ولبر اسمتھ کے ناولز اور بھگوان ہنومان کی کہانی سے اس فلم کے لیےانسپریشن لے رہے ہیں اسلیے یہ فلم خاص طور پر افریقہ کے جنگلات کے پس منظر میں بنائی جا رہی ہے۔
SSMB29 کے بارے میں
فلم ‘SSMB29’ کی شوٹنگ جنوری 2025 میں شروع ہوئی تھیجس کیلئے اداکار مہیش بابو اور پریانکا چوپڑا نے پہلے ہی حیدرآباد اور اڈیشہ میں کئی مناظر فلمالیے ہیں۔
بھارتی میڈیا کے مطابق فلم کے بڑے ایکشن سیکونس مکمل ہو چکے ہیں اور آئندہ شوٹس کے لیے انٹرنیشنل مقامات کا شیڈول طے کیا گیا ہے۔
پروڈکشن ٹیم حیدرآباد میں کاشی (ہندوؤں کے مقدس مقام) کے کچھ حصوں کو دوبارہ بنانے کے لیے وسیع سیٹ بھی تیار کر رہی ہے،کیونکہ کہانی جزوی طور پر اس مقدس شہر میں فلمائی جائے گی۔
واضح رہے کہ اس فلم کو تجربہ کار فلمساز کے ایل نارائنہ ₹1,000 کروڑ کے بجٹ کے ساتھ پروڈیوس کر رہے ہیں اور اس کی کہانی راجامولی کے والد اور معروف اسکرین رائٹر وجیندر پرساد نے لکھی ہے۔
فلم میکرز نے ابھی تک فلم کے مکمل پلاٹ کا اعلان نہیں کیا ہے لیکن یہ فلم دیومالا مہم جوئی اور شاندار بصری اثرات کا امتزاج پیش کرنے کا وعدہ کرتی ہے جس کی ریلیز سال 2027 میں متوقع ہے۔
Post Views: 4
الخدمت فاؤنڈیشن کا لاکھوں مستحقین تک گوشت پہنچانے کا اعلان