اسپیکر کے پی اسمبلی نے پی ٹی آئی احتسابی کمیٹی کے سوالات کے جوابات جمع کروادیے
اشاعت کی تاریخ: 7th, April 2025 GMT
اسپیکر خیبر پختونخوا اسمبلی بابر سلیم سواتی نے پی ٹی آئی انٹرنل اکاؤنٹیبلیٹی کمیٹی کے سوالات کے جوابات جمع کروادیے ہیں۔
پی ٹی آئی کی اکاؤنٹیبلیٹی کمیٹی نے اسپیکر سے 10 سوالوں کےجوابات مانگے تھے، جس میں پوچھا گیا کہ آپ آسٹریلیا کیوں گئے اور سرکاری وسائل کیوں استعمال کیے؟ جس کے جواب میں اسپیکر اسمبلی نے کہا کہ
وائس چیئرمین کامن ویلتھ پارلیمنٹرین ایسوسی ایشن الیکشن ہونا تھا، آسٹریلیا میں 56 ممالک سے لوگ آئے، میرا جانا ضروری تھا۔
کمیٹی نے سوال کیا کہ آپ نے 11 ملازمین کو میرٹ کےخلاف ترقیاں کیوں دیں؟ جواب میں اسپیکر نے کہا کہ ترقیاں دینے کا اختیار میں رکھتا ہوں،
کوئی بھرتی نہیں کی، ایک افسر کو ایج ریلیکسیشن دی۔
کمیٹی بانی پی ٹی آئی سے تیمور جھگڑا کے خلاف انضابطی کارروائی کی سفارش بھی کرے گی،
احتساب کمیٹی نے پوچھا کہ گریڈ 20 کے افسر کے نکالے جانے کے باوجود اسے کیوں بلایا؟ جواب میں اسپیکر نے کہا کہ نکالے گئے 20 گریڈ افسر کی دوبارہ تعیناتی پر اسے بلایا، کمیٹی نے پوچھا کہ آپ نے ایم پی ہاسٹل میں 120 بھرتیاں کیوں کیں؟ جواب میں اسپیکر نے کہا کہ ایم پی اے ہاسٹل میں کوئی نئی بھرتی نہیں کی، ہاسٹل میں 69 ملازم سی این ڈبلیو اور 18 پہلے سے ہی کام کر رہے ہیں۔
پی ٹی آئی کی اکاؤنٹیبلیٹی کمیٹی نے سوال کیا کہ آپ نے اسمبلی ملازمین کو سیشن الاؤنس نقد کیوں دیا؟ اسپیکر نے جواب دیا کہ سیشن الاؤنس 1998 سے نقد دیا جاتا ہے جو ان کا حق ہے، سیشن الاؤنس میں بائیومیٹرک سے ایک کروڑ 20 لاکھ روپے کی بچت کی گئی۔
کمیٹی نے سوال کیا کہ آپ کے زیر استعمال 6 گاڑیاں کیوں ہیں؟ آپ 2 گاڑیوں کے استعمال کے مجاز ہیں؟ جواب میں اسپیکر نے کہا کہ گاڑیوں کے پیٹرول کی مد میں مشتاق غنی سے زیادہ اور اسد قیصر سےکم رقم خرچ کی۔
احتساب کمیٹی نے پوچھا کہ انٹرٹینمنٹ فنڈ کی مد میں ڈیڑھ کروڑ روپے کیوں خرچ کیے گئے؟ اسپیکر نے جواب دیا کہ سالانہ بجٹ ایک کروڑ 20 لاکھ روپے ہے، وہ میں نےخرچ کیا ہے۔
کمیٹی نے پوچھا کہ ایبٹ آباد میں ہمالہ ہاؤس بانی پی ٹی آئی کی پابندی کے باوجود کیوں واپس لیا گیا؟ اسپیکر نے جواب دیا کہ ہمالہ ریسٹ ہاؤس کابینہ کی منظوری سے واپس لیا گیا، ہمالہ ریسٹ ہاؤس میں اب تک کسی کو نہیں ٹھہرایا گیا۔
.ذریعہ: Jang News
کلیدی لفظ: پی ٹی آئی
پڑھیں:
سینیٹ انتخابات خیبرپختونخوا: بیلٹ پیپرز باہر کیسے پہنچے؟ نیا پنڈورا باکس کُھل گیا
خیبرپختونخوا میں حالیہ سینیٹ انتخابات کے حوالے سے ایک سنگین انکشاف سامنے آیا ہے جس کے مطابق بیلٹ پیپرز پولنگ اسٹیشن سے باہر لائے گئے۔
یہ بھی پڑھیں:سینیٹ الیکشن کا معمہ: خیبرپختونخوا میں پی ٹی آئی نے پانچویں نشست کیوں گنوائی؟
میڈیا رپورٹس کے مطابق21 جولائی کو ہونے والے سینیٹ انتخابات میں بیلٹ پیپرز باقاعدگی سے اسمبلی کے اندر سے باہر لائے گئے۔ پہلا ووٹ ڈالنے والے رکن اسمبلی نے خالی پرچی بیلٹ باکس میں ڈال کر اصل بیلٹ پیپر باہر پہنچایا، جس پر بعد میں نمبر اور نشان لگائے گئے۔ اس کے بعد وہ بیلٹ پیپر دوسرے رکن کو دیا گیا، جس نے پہلا ووٹ کاسٹ کیا اور اپنا بیلٹ پیپر باہر لے آیا۔ یہ عمل سارا دن جاری رہا، اور کسی رکن اسمبلی نے اپنا ووٹ براہ راست خود نہیں ڈالا۔
میڈیا رپورٹ کے مطابق اس مبینہ عمل میں حکومت اور اپوزیشن دونوں کی رضا مندی شامل تھی، اور وزیراعلیٰ خیبرپختونخوا علی امین گنڈا پور نے سب سے آخر میں ووٹ ڈالا۔
یہ بھی پڑھیں:سینیٹ الیکشن میں پی ٹی آئی کی اندرونی بغاوت کا عمران خان کی رہائی کی تحریک پر کیا اثر ہوگا؟
خیال رہے کہ خیبرپختونخوا اسمبلی میں 145 اراکین نے سینیٹ کی 11 نشستوں کے لیے ووٹ کاسٹ کیے تھے۔ پاکستان تحریک انصاف نے 6 جب کہ اپوزیشن جماعتوں نے 5 نشستیں جیتیں۔
الیکشن کمیشن کا مؤقفالیکشن کمیشن نے ان الزامات کو مسترد کرتے ہوئے کہا ہے کہ سینیٹ انتخابات مکمل طور پر آئین و قانون کے مطابق، غیر جانبدار اور شفاف انداز میں کرائے گئے۔
ترجمان کے مطابق، ارکان اسمبلی کو قانون کے مطابق بیلٹ پیپر دیے گئے اور وہ پولنگ بوتھ میں جا کر اپنی مرضی سے نشان لگا کر ووٹ باکس میں ڈالتے رہے۔ پولنگ کے دوران بیلٹ باکس کھلے عام سب کے سامنے رہا اور کسی بھی امیدوار یا پولنگ ایجنٹ کی طرف سے کوئی اعتراض نہیں اٹھایا گیا۔
خیبرپختونخوا حکومت کا ردعملترجمان وزیراعلیٰ خیبرپختونخوا نے بھی سینیٹ انتخابی عمل کو شفاف قرار دیتے ہوئے الزامات کو بے بنیاد قرار دیا۔
ان کا کہنا تھا کہ سینیٹ انتخابات بہترین اور پُرامن ماحول میں مکمل کیے گئے اور حکومت نے آئین و قانون کے دائرے میں رہتے ہوئے شفاف الیکشن کرائے۔
ان کے مطابق ایسی تنقید محض پروپیگنڈا ہے جو انتخابی عمل کی ساکھ خراب کرنے کے لیے کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبرپختونخوا سینیٹ الیکشن علی امین گنڈا پور
راولپنڈی:اے سی بنانے والی فیکٹری میں آگ بھڑک اٹھی،دھوئیں کے بادل چھا گئے