خوارج مارے جاتے ہیں تو پی ٹی آئی کو تکلیف کیوں ہوتی ہے
اشاعت کی تاریخ: 7th, April 2025 GMT
سٹی42: وزیر مملکت برائے داخلہ طلال چوہدری نے کہا ہے کہ خوارج مارے جاتے ہیں تو پی ٹی آئی کو تکلیف کیوں ہوتی ہے دہشت گردی پی ٹی آئی والے لے کر آئے ہیں۔
قومی اسمبلی میں اظہارخیال کرتے ہوئے انہوں نے کہا کہ دہشت گردی 2018 میں ختم ہوگئی تھی مگر ریڈ کارپٹ پر پی ٹی آئی والے دہشت گردوں کو واپس لائے، امن کی آدھی ذمہ داری صوبوں کی ہے پی ٹی آئی والے کےپی میں سٹی لیب، فرانزک لیب نہ بنا سکے۔
انٹربینک میں ڈالر مہنگا
طلال چوہدری نے کہا کہ بنوں کینٹ پر حملہ ہوا پی ٹی آئی نے مذمت نہیں کی، نیشنل ایکشن پلان پر اجلاس رکھیں تو پی ٹی آئی والےنہیں آتے جن کےہاتھ میں بندوق ہےان سےکیابات کریں قومی سلامتی کمیٹی اجلاس میں پی ٹی آئی کیوں نہیں آئی۔
وزیر مملکت کا کہنا تھا کہ نوازشریف کے دورحکومت میں دہشت گردی کاخاتمہ کر دیا تھا سب کو پتہ ہے کہ دہشت گردوں کو کون واپس لایا، ملکی تحفظ کیلئے سیکیورٹی فورسز کے جوان قربانیاں دے رہے ہیں، خیبرپختونخوا کے کسی شہر میں سیف سٹی منصوبہ نہیں ہے این ایف سی ایوارڈ کے تحت صوبے کو 800 ارب روپے دیے گئے فنڈز کی فراہمی کےباوجود خیبرپختونخوا میں سی ٹی ڈی نہ بن سکا۔
میٹا نے نیا انقلابی اے آئی ماڈل لاما 4 ریلیز کر دیا ہ
Waseem Azmet.ذریعہ: City 42
کلیدی لفظ: پی ٹی ا ئی
پڑھیں:
جن پر دہشت گردی کے مقدمات ہوں، وہ کیا اے پی سی بلائیں گے ؟ گورنر خیبرپی کے
پشاور(نوائے وقت رپورٹ) گورنر خیبرپی کے فیصل کریم کنڈی نے کہا ہے کہ جن پر خود دہشت گردی کے مقدمات ہوں، وہ کیا آل پارٹیز کانفرنس طلب کریں گے ؟ ان کا کہنا تھا کہ صوبہ دہشت گردوں کے حوالے کرنے والی حکومت کی اے پی سی میں کیوں شرکت کریں، عوامی نیشنل پارٹی نے پہلے اے پی سی طلب کی ہے ، حکومت کو چاہئے تھا اس میں شرکت کرتی۔ ان کا یہ بھی کہنا تھا کہ اے این پی کی آل پارٹیز کانفرنس میں جانے کی بجائے خود ایک اور اے پی سی بلائی، مگر غیر سنجیدہ حکومت کی اے پی سی کو اپوزیشن نے سنجیدہ نہیں لیا، بیشتر اپوزیشن جماعتوں نے آج حکومت کے اے پی سی سے بائیکاٹ کیا ہے ۔ انہوں نے خیبرپختونخوا میں تحریک عدم اعتماد لانے کا اشارہ دیتے ہوئے کہا کہ جس دن نمبرز پورے ہو گئے ، تحریک عدم اعتماد لائیں گے ، صوبے میں کرپشن ہو رہی ہے ، جلد امن و امان پر اسمبلی اجلاس کے لیے ریکوزیشن جمع کروا رہے ہیں۔ واضح رہے کہ مسلم لیگ ن، جمعیت علمائے اسلام، عوامی نیشنل پارٹی اور پاکستان پیپلز پارٹی نے متفقہ طور پر اے پی سی میں شرکت نہ کرنے کا اعلان کیا ہے ۔ اپوزیشن لیڈر ڈاکٹر عباداللہ نے اے پی سی کو نمائشی قرار دیتے ہوئے کہا ہے کہ صوبائی حکومت کے فیصلے غیر سنجیدہ ہیں اور ایسی کانفرنس محض سیاسی دکھاوا ہے ، حقیقی مسائل کا حل نمائشی اجلاسوں میں نہیں بلکہ پارلیمانی فلور پر ممکن ہے ۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست