انڈر-23 اسکواش چیمپئین شپ؛ نور زمان سیمی فائنل میں پہنچ گئے
اشاعت کی تاریخ: 8th, April 2025 GMT
پاکستان کے نور زمان پہلی عالمی انڈر-23 اسکواش چیمپئین شپ کے سیمی فائنل میں پہنچ گئے۔
تفصیلات کے مطابق ڈی اے کریک کلب پر جاری 60 ہزار ڈالرز کی انعامی رقم کی 6 روزہ چیمپین شپ کے مینز ایونٹ کے کوارٹر فائنل میں منگل کو سیڈ 2 اور عالمی نمبر 67 نور زمان نے کوئی گیم ہارے بغیر مد مقابل فرانس کے کھلاڑی میلو وی سیانی مانیکو کے خلاف 0-3 سے کامیابی حاصل کی۔
پشاور سے تعلق رکھنے والے نور زمان نے اپنے حریف کے خلاف پہلا گیم 7-11 سے جیتا اور دوسرے گیم میں 9-11 سے کامیابی حاصل کی جبکہ تیسرا گیم 8-11 سے اپنے نام کرکے سیمی فائنل میں جگہ بنالی۔
مزید پڑھیں: عالمی انڈر 23 اسکواش چیمپین شپ میں پاکستانی کھلاڑی کوارٹر فائنل میں پہنچ گئے
چیمپین شپ میں شریک دوسرے پاکستانی کھلاڑی سیڈ 5 محمد حمزہ خان کو ملائشیا کے امیش نیرج چندرن نے 1-3 سے ٹھکانے لگا کر ایونٹ سے باہر کر دیا۔
مزید پڑھیں: پی ایس ایل پر تنقید؛ کیا فرنچائز اونرز آپس میں الجھ پڑے؟
ملائشیا کے کھلاڑی نے پہلے دونوں گیمز 7-11 اور 9-11 سے جیتے، تیسرے گیم میں محمد حمزہ خان نے 7-11 سے کامیابی پا کر کھیل میں واپس آنے کی کوشش کی لیکن امیش نیرج نے چوتھا گیم 6-11 سے جیت کر فائنل فور میں قدم رکھ دیا۔
ایونٹ کے سیمی فائنل میں نور زمان کا مقابلہ امیش نیرج سے ہوگا جبکہ جمعرات کو فائنل کھیلا جائے گا۔
ذریعہ: Express News
کلیدی لفظ: سیمی فائنل میں
پڑھیں:
ایشیا کپ، کس کھلاڑی نے ایونٹ کی انعامی رقم سے بھی 8 گنا مہنگی گھڑی پہنی؟
ایشیا کپ متحدہ عرب امارات میں شروع ہوچکا ہے جہاں بھارت نے کپتان سوریہ کمار یادو کی قیادت میں میزبان ٹیم اور پاکستان کے خلاف کامیابیاں حاصل کیں۔
تاہم متحدہ عرب امارات میچ سے پہلے ہونے والے ٹریننگ سیشنز میں سب کی توجہ بھارتی کھلاڑی ہاردک پانڈیا کی انتہائی قیمتی گھڑی نے اپنی جانب کھینچ لی۔ رپورٹ کے مطابق بھارتی آل راؤنڈر نے ریچرڈ میل RM 27-04 ماڈل کی گھڑی پہن رکھی تھی جس کی قیمت تقریباً 23 لاکھ امریکی ڈالر (تقریباً 64 کروڑ پاکستانی روپے) بتائی جا رہی ہے۔
یہ بھی پڑھیے: کیا آپ کو معلوم ہے پاکستان کی پہلی تربیت یافتہ خاتون گھڑی ساز کون ہیں؟
یہ گھڑی ایشیا کپ کے فاتح کو ملنے والی انعامی رقم سے 8 گنا زیادہ ہے۔ تفصیلات کے مطابق ٹورنامنٹ کے فاتح کو 3 لاکھ امریکی ڈالر جبکہ رنر اپ کو ڈیڑھ لاکھ ڈالر دیے جائیں گے۔
Back to business ???????? pic.twitter.com/Q1yEYAAoSw
— hardik pandya (@hardikpandya7) September 6, 2025
ہاردک پانڈیا اپنی لگژری لائف اسٹائل اور فیشن اسٹائل کے باعث اکثر خبروں میں رہتے ہیں۔ اس بار وہ ریچرڈ میل کی محدود ایڈیشن کی گھڑی پہنے نظر آئے۔ واضح رہے کہ اس قسم کی دنیا بھر میں صرف 50 گھڑیاں دستیاب ہیں۔
اس کے علاوہ بھارتی آل راؤنڈر نئے روپ میں بھی دکھائی دیے، انہوں نے اپنے بالوں کو ہلکا سنہری رنگ دیا ہوا تھا اور سوشل میڈیا پر مداحوں کو یہ پیغام دیا کہ وہ ایشیا کپ کے لیے ’واپس بزنس میں‘ آ گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم