عید الاضحیٰ کی تاریخ کا تعین: ماہرین فلکیات کی پیشگوئی
اشاعت کی تاریخ: 8th, April 2025 GMT
عید الفطر کے چند روز بعد ہی فلکیاتی ماہرین نے عید الاضحیٰ کے حوالے سے پیشگوئی کر دی ہے متحدہ عرب امارات کے ماہرین فلکیات نے 6 جون بروز جمعہ کو عید الاضحیٰ کی تاریخ بتائی ہے ایمریٹس آسٹرونومی سوسائٹی کے مطابق 27 مئی کی شام ذی الحج کا چاند نظر آنے کا امکان ہے اگر یہ پیشگوئی درست ثابت ہوئی تو متحدہ عرب امارات میں 28 مئی کو ذی الحج کے مہینے کا آغاز ہو گا اماراتی وقت کے مطابق چاند صبح 7:02 پر طلوع ہوگا اور سورج غروب ہونے کے بعد تقریباً 38 منٹ تک آسمان پر نظر آئے گا جس سے چاند کے نظر آنے کے امکانات بڑھ جاتے ہیں ایمریٹس آسٹرونومی سوسائٹی کے چیئرمین ابراہیم الجروان نے اپنے اعلان میں کہا کہ عید الاضحیٰ کی تاریخ مقامی چاند کی رویت کی بنیاد پر مقرر کی جائے گی متحدہ عرب امارات کے سرکاری تعطیل کے کیلنڈر کے مطابق یوم عرفات اور عید الاضحیٰ کے لیے چھٹی 9 سے 12 ذی الحج تک ہوگی جو 4 دن کی تعطیلات پر مشتمل ہے دوسری طرف پاکستان میں ماہرین فلکیات نے چاند کے ابتدائی حسابات کے مطابق 7 جون 2025 بروز ہفتہ عید الاضحیٰ کے ہونے کا امکان ظاہر کیا ہے تاہم پاکستان میں عید الاضحیٰ کی تاریخ کا حتمی اعلان مرکزی رویت ہلال کمیٹی چاند نظر آنے کے بعد کرے گی
.ذریعہ: Nawaiwaqt
کلیدی لفظ: عید الاضحی کی تاریخ کے مطابق
پڑھیں:
اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔18 ستمبر ۔2025 )محکمہ موسمیات نے آئندہ 24گھنٹوں میں اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی کی ہے محکمہ موسمیات کے مطابق خیبرپختونخوا، اسلام آباد، خطہ پوٹھوہار، شمال مشرقی پنجاب، کشمیر اورگلگت بلتستان میں آندھی، جھکڑ چلنے اور گرج چمک کے ساتھ بارش کا امکان ہے اس دوران بالائی خیبرپختونخوا، خطہ پوٹھوہار، کشمیر اور ملحقہ پہاڑی علاقوں میں چند مقامات پر تیز بارش اور ژالہ باری ہو سکتی ہے، ملک کے دیگر علاقوں میں موسم خشک اورگرم رہنے کی توقع ہے.(جاری ہے)
اسلام آباد اور گرد و نواح میں گرج چمک کے ساتھ مزید بارش کا امکان ہے، چند مقامات پر ژالہ باری کی بھی توقع ہے، راولپنڈی، مری، گلیات، جہلم، اٹک اور چکوال میں بھی بارش ہونے کی توقع ہے لاہور، سیالکوٹ، خوشاب، سرگودھا، نارووال، حافظ آباد، فیصل آباد، منڈی بہاﺅ الدین، گجرات، قصور اور گوجرانوالہ میں گرج چمک کے ساتھ بارش کا امکان ہے. بلوچستان کے جنوبی علاقوں میں مطلع جزوی ابرآلود رہنے کی توقع ہے، سندھ کے ساحلی علاقوں میں چند مقامات پر بارش کا امکان ہے خیبرپختونخوا کے علاقے دیر، چترال، سوات، کوہستان، شانگلہ اور بٹگرام میں بارش ہونے کی توقع ہے مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، چارسدہ، نوشہرہ، مردان، صوابی، خیبر، اورکزئی، کرم، پشاور، کوہاٹ، ہنگو، کرک اور وزیرستان میں گرج چمک کے ساتھ بارش کی توقع ہے. آزاد کشمیر اور گلگت بلتستان میں تیز ہواﺅ ں اورگرج چمک کے ساتھ بارش کا امکان ہے گزشتہ چوبیس گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی خیبر پختونخوا میں چند مقامات پر بارش جبکہ کراچی میں بوندا باندی ہوئی.
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان