آر پی او ڈیرہ غازی خان سجاد حسن خان کی کھلی کچہریاں، عوامی مسائل کا سنے‘ پولیس کارکردگی کی تعریف
اشاعت کی تاریخ: 9th, April 2025 GMT
لاہور(اردوپوائنٹ اخبارتازہ ترین-انٹرنیشنل پریس ایجنسی۔09 اپریل ۔2025 )وزیر اعلیٰ پنجاب مریم نواز اور انسپکٹر جنرل پولیس پنجاب کی ہدایت پر ریجنل پولیس آفیسر ڈیرہ غازی خان کیپٹن (ر) سجاد حسن خان نے ضلع لیہ کا تفصیلی دورہ کیا اس موقع پر انہوں نے مختلف عوامی، تعلیمی اور ادارہ جاتی سرگرمیوں میں بھرپور حصہ لیا اور پولیس و عوام کے مابین تعلقات کو مضبوط بنانے کے لیے متعدد اقدامات کیے.
(جاری ہے)
آر پی او نے اپنے دورہ کے دوران تحصیل جمن شاہ اور سٹی لیہ میں کھلی کچہریوں کا انعقاد کیا، جہاں شہریوں نے اپنے مسائل براہ راست بیان کیے آر پی او نے موقع پر ہی متعلقہ افسران کو ان کے فوری حل کے احکامات جاری کیے انہوں نے ڈی پی او لیہ محمد علی وسیم کی اوپن ڈور پالیسی اور عوامی فلاح کے لیے ان کی جانب سے کیے جانے والے اقدامات کو سراہا. آر پی او نے لیہ پولیس کی بہترین کارکردگی کی تعریف کرتے ہوئے کہا کہ قلیل عرصہ میں کروڑوں روپے کے مال مسروقہ کی برآمدگی ایک مثالی کامیابی ہے ان کی آمد پر دفتر پولیس لیہ میں چاق و چوبند پولیس دستے نے انہیں شاندار گارڈ آف آنر پیش کیا دورے کے دوران انہوں نے یونیورسٹی آف لیہ کے طلباءسے خطاب کیا اور نوجوان نسل کو قانون کی پاسداری، شعور اور مثبت کردار کی اہمیت سے آگاہ کیا. علاوہ ازیں انہوں نے مقامی سیاسی قیادت، وکلا، انجمن تاجران، اور امن کمیٹی کے ارکان سے ملاقاتیں کیں جن سے مختلف طبقات کے ساتھ پولیس کے روابط کو مزید وسعت ملی آر پی او نے اردل روم کے دوران پولیس ملازمین کے مسائل بھی سنے اور ان کے حل کے لیے احکامات جاری کیے اس موقع پر انہوں نے ترقی پانے والے افسران کو رینک لگائے اور اچھی کارکردگی دکھانے والے اہلکاروں کو تعریفی اسناد اور انعامات تقسیم کیئے . اپنے دورے کے دوران آر پی او نے ڈی پی او محمد علی وسیم کے ہمراہ دفتر پولیس کے لان میں شجرکاری مہم کے تحت پودا لگا کر ماحولیاتی تحفظ کا پیغام بھی دیا انہوں نے تھانہ سٹی لیہ اور تھانہ صدر لیہ کا دورہ کرکے SIPS نظام کا جائزہ بھی لیا.
ذریعہ: UrduPoint
کلیدی لفظ: تلاش کیجئے آر پی او نے کے دوران انہوں نے
پڑھیں:
پنجاب بھر میں عیدالاضحیٰ کے موقع پر سکیورٹی کیلئے کومبنگ آپریشنز، متعدد گرفتاریاں
سٹی42: پنجاب پولیس نے عیدالاضحیٰ کے موقع پر سکیورٹی انتظامات کو یقینی بنانے کیلئے صوبہ بھر میں سرچ اینڈ کومبنگ آپریشنز کیے۔ ترجمان پنجاب پولیس کے مطابق گزشتہ 24 گھنٹوں کے دوران مجموعی طور پر 248 کومبنگ آپریشنز کیے گئے۔
ان آپریشنز کے دوران 7 ہزار 392 مشتبہ افراد کی چیکنگ کی گئی جن میں سے 18 مشکوک افراد کو حراست میں لیا گیا۔ مزید برآں 27 سرچ اینڈ سویپ آپریشنز کے دوران 2261 افراد سے پوچھ گچھ کی گئی جبکہ ایک مشتبہ شخص کو گرفتار کیا گیا۔
اتراکھنڈ میں ہیلی کاپٹر کی سڑک پر ہنگامی لینڈنگ، پائلٹ زخمی
پولیس نے کارروائیوں کے دوران سنگین جرائم میں ملوث 71 اشتہاری مجرمان، 12 عدالتی مفرور اور 2 عادی جرائم پیشہ افراد کو بھی گرفتار کیا۔ ترجمان کے مطابق جرائم پیشہ افراد سے بڑی تعداد میں ناجائز اسلحہ اور گولیاں برآمد کی گئیں۔
ترجمان پنجاب پولیس کا کہنا ہے کہ ان کارروائیوں کے دوران ایک مجرم کو کیفر کردار تک پہنچایا گیا جبکہ سکیورٹی انتظامات مزید سخت کر دیے گئے ہیں۔
مریم نفیس کا کرکٹر اعظم خان کے ساتھ کیا تعلق ہے؟ مداح جان کر حیران