الزام لگایا گیا کہ آئی ایم ایف کی بارودی سرنگیں ہم نے بچھائیں: شیخ وقاص
اشاعت کی تاریخ: 10th, April 2025 GMT
— فائل فوٹو
پاکستان تحریکِ انصاف کے رہنما شیخ وقاص اکرم نے موجودہ حکومت پر تنقید کرتے ہوئے کہا ہے کہ انہوں نے الزام لگایا کہ آئی ایم ایف کی بارودی سرنگیں ہم نے بچھائیں۔
پشاور میں پی ٹی آئی کے رہنماؤں نے پریس کانفرنس کی، اس موقع پر شیخ وقاص اکرم نے کہا کہ ناکام ہو کر ہم پر بارودی سرنگیں بچھانے کا الزام لگاتے ہیں، بلاول بھٹو سے پوچھتا ہوں کہ آئی ایم ایف کی کون سی ڈیل ختم کی؟
شیخ وقاص اکرم نے کہا کہ یہ کہتے ہیں کہ آئی ایم ایف نے کہا کہ خسارہ بڑھ گیا ہے، کے پی میں الیکشن نہ کرائے جائیں۔
لاہور ہائی کورٹ نے اسحاق ڈار کی نائب وزیرِ اعظم کے عہدے پر تقرری کے خلاف اپیل مسترد کر دی۔
انہوں نے کہا کہ یہ کہتے ہیں کہ یہ ہمارا آخری آئی ایم ایف پروگرام ہو گا، یہ واحد وزیرِ اعظم ہیں جنہوں نے 3 سال میں 4 معاہدے کیے ہیں۔
اس موقع پر مشیرِ خزانہ خیبر پختون خوا مزمل اسلم نے کہا کہ اس وقت پاکستان کی تاریخ کی سب سے کم شرحِ نمو ہے، معیشت بحال کرنے والے بتائیں کہ شرح نمو اتنی نچلی سطح پر کیسے آ گئی۔
مزمل اسلم نے کہا کہ بانیٔ پی ٹی آئی کے دورِ حکومت میں 6 فیصد سے زیادہ شرح نمو تھی، 3 سال میں آئی ایم ایف سے 4 پروگرام لیے گئے، ہر سال صنعت کی منفی گروتھ رہی، اس کی وجہ سے مہنگائی بڑھی۔
انہوں نے یہ بھی کہا کہ مہنگائی پر آپ نے کیسے کنٹرول کیا ہے؟ 1 کروڑ سے زیادہ لوگ بے روزگار ہو چکے ہیں، بے روزگاری کے باعث 2022ء میں 8 لاکھ لوگ ملک چھوڑ کر گئے، 2023ء میں 8 لاکھ اور 2024ء میں 9 لاکھ لوگ ملک چھوڑ کر گئے۔
.ذریعہ: Jang News
کلیدی لفظ: کہ آئی ایم ایف نے کہا کہ
پڑھیں:
پنجاب کے مختلف شہروں سے 18 دہشت گرد گرفتار، بارودی مواد برآمد
لاہور:سی ٹی ڈی نے پنجاب کے مختلف شہروں میں ایک ماہ میں 386 انٹیلی جنس بیسڈ آپریشنز کے دوران 18 دہشت گردوں کو گرفتار کرلیا۔
ترجمان سی ٹی ڈی پنجاب کے مطابق گرفتار ملزمان میں انتہائی خطرناک دہشت گرد تنظیم کا اہم رکن بھی شامل ہے جو پنجاب کے ایک شہر میں دہشت گردی کی پلاننگ مکمل کر چکا تھا۔
کارروائیاں لاہور، منڈی بہاءالدین، خوشاب، بہاولپور، ٹوبہ ٹیک سنگھ، گجرانوالہ، نارووال، پاک پتن، بھکر وغیرہ میں کی گئیں۔
دہشت گردوں سے دھماکہ خیز مواد، ای ائی ڈی بم، تین ڈیٹونیٹرز، 13 حفاظتی فیوز وائر، پمفلٹ، نقدی برآمد ہوئی۔
دہشت گردوں کی شناخت محمد کریم، علی رضا، محمد عزیز، محمد علی، ہاشم، نور الامین، سلیم ، صدام وغیرہ کے ناموں سے سے ہوئی۔
دہشت گرد مختلف مقامات پر کارروائیاں کر کے عوام میں خوف و ہراس پھیلانا چاہتے تھے۔
دریں اثنا رواں ماہ میں 4601 کومبنگ آپریشنز کے دوران 320 مشتبہ افراد کو گرفتار کیا گیا، کومبنگ آپریشنز میں 109892 افراد سے پوچھ گچھ کی گئی۔
پیپلز پارٹی اور ن لیگ کا وزیراعظم آزاد کشمیر کیخلاف مشترکہ تحریک عدم اعتماد لانے کا فیصلہ