پاکستان کے مختلف شہروں میں زلزلے کے شدید جھٹکے، شہریوں میں خوف و ہراس
اشاعت کی تاریخ: 16th, April 2025 GMT
اسلام آباد:
ملک کے مختلف حصوں میں منگل اور بدھ کی درمیانی شب زلزلے کے شدید جھٹکوں نے عوام کو ہلا کر رکھ دیا۔
زلزلے کے جھٹکے لاہور، اسلام آباد، راولپنڈی، صوابی، دیر، سوات، مالاکنڈ اور چترال سمیت کئی شہروں میں محسوس کیے گئے۔
زلزلہ مقامی وقت کے مطابق رات 4 بج کر 17 منٹ پر آیا، زلزلے کی شدت 5.3 ریکارڈ کی گئی، جس کی شدت اس قدر تھی کہ لوگ نیند سے جاگ کر خوفزدہ حالت میں گھروں سے باہر نکل آئے۔
شہریوں میں شدید خوف و ہراس پھیل گیا اور متعدد علاقوں میں لوگ کلمہ طیبہ کا ورد کرتے ہوئے کھلے مقامات کی جانب دوڑتے دکھائی دیے۔
تاحال کسی جانی یا مالی نقصان کی اطلاع موصول نہیں ہوئی، تاہم حکام صورتحال پر کڑی نظر رکھے ہوئے ہیں۔
زلزلہ پیما مرکز کے مطابق زلزلے کی شدت، گہرائی اور مرکز کے حوالے سے تفصیلات جلد جاری کی جائیں گی۔
ریسکیو اور ایمرجنسی سروسز کو الرٹ کر دیا گیا ہے جبکہ متعلقہ اداروں کو ممکنہ آفٹر شاکس کے پیش نظر احتیاطی تدابیر اختیار کرنے کی ہدایت جاری کر دی گئی ہے۔
.ذریعہ: Express News
پڑھیں:
دوصوبے زلزلے سے لرز اٹھے
سندھ اور بلوچستان کے مختلف علاقے زلزلے سے لرز اٹھے، میرپور خاص میں زلزلے کی شدت 3.5 ریکارڈ کی گئی ہے۔
تفصیلات کے مطابق زلزلہ پیما مرکز نے بتایا کہ سندھ اور بلوچستان کے مختلف علاقوں میں زلزلے کے جھٹکے محسوس کیے گئے ہیں، میرپور خاص میں زلزلے کی شدت 3.5 ریکارڈ کی گئی، گوادر میں بھی 3 ریکٹر اسکیل شدت کا زلزلہ محسوس کیا گیا
زلزلہ پیما مرکز نے بتایا کہ زلزلے کا مرکز میرپورخاص سے 56 کلومیٹر کے فاصلے پر تھا، میرپور ساکرو میں بھی ایک اور زلزلہ ریکارڈ کیا گیا، جس کی شدت 3.1 ریکارڈ کی گئی۔
گزشتہ دنوں ایک بار پھر شہر قائد میں زلزلے کے جھٹکے محسوس کئے گئے تھے، چھ روز میں زلزلے کے جھٹکوں کی تعداد 32 ہوگئی۔
پیمامرکز نے بتایا تھا کہ 4 بجکر 46 منٹ پر 2.7 شدت کازلزلہ آیا، زلزلے کا مرکز ڈی ایچ اے کے 20 کلومیٹر جنوب میں تھا جبکہ گہرائی 2 کلومیٹر ریکارڈ کی گئی۔
زلزلہ پیما مرکز کا کہنا تھا کہ صبح 7بجکر 58منٹ پربھی 1.8شدت کازلزلہ ریکارڈکیاگیا، جس کا مرکز ملیر سے 7کلومیٹردورشمال مغرب میں تھا اور گہرائی 8 کلو میٹر ریکارڈ کی گئی۔
’من مست ملنگ‘ کے رومانوی مناظر پر ناظرین کی شدید تنقید، فوری پابندی کا مطالبہ