عامر علی کا 14 سال کی عمر میں جنسی ہراسانی کا نشانہ بننے کا انکشاف
اشاعت کی تاریخ: 17th, April 2025 GMT
بھارتی ٹیلی ویژن اداکار عامرعلی نے حال ہی میں ایک انٹرویو میں اپنے بچپن سے جڑے ایک تلخ تجربے پر بات کرتے ہوئے انکشاف کیا ہے کہ انہیں بچپن میں جنسی ہراسانی کا سامنا کرنا پڑا۔
ایک آن لائن پلیٹ فارم سے بات کرتے ہوئے عامر علی نے انکشاف کیا کہ جب وہ صرف 14 سال کے تھے تو ممبئی کے ایک ٹرین سفر کے دوران انہیں نامناسب طریقے سے چھوا گیا اور اس جنسی ہراسانی کے واقعے نے ان کے ذہن پر گہرا اثر چھوڑا جس کی وجہ سے انہوں نے ٹرین میں سفر کرنا ہی چھوڑ دیا۔
اداکارہ سنجیدہ کے سابق شوہر عامرعلی نے مزید بتایا کہ اس ناخوشگوار تجربے کے بعد انہوں نے ہم جنس پرست مردوں کے بارے میں کچھ تحفظات رکھنا شروع کیے، لیکن وقت کے ساتھ ساتھ ان کے خیالات میں تبدیلی آئی۔
انہوں نے کہا کہ جب ان کے قریبی دوستوں نے اپنی جنسی شناخت کے بارے میں اعتماد میں لیا تو انہیں احساس ہوا کہ ایک یا دو برے تجربات کی بنیاد پر پوری کمیونٹی کے بارے میں رائے قائم کرنا غلط ہے۔
اداکار نے یہ بھی بتایا کہ وہ وقت کے ساتھ میچور ہوئے اور ان کے خیالات میں وسعت آئی۔
یاد رہے کہ ٹی وی اداکار عامرعلی کی شادی اداکارہ سنجیدہ شیخ سے ہوئی تھی، جن سے ان کی بیٹی آیرا 2018 میں سروگیسی کے ذریعے پیدا ہوئی۔ دونوں 2020 میں علیحدہ ہوئے اور 2021 میں طلاق لے لی۔
ایک حالیہ انٹرویو میں عامر علی نے یہ بھی انکشاف کیا کہ وہ اپنی چھ سالہ بیٹی سے رابطے میں نہیں ہیں۔
.ذریعہ: Express News
پڑھیں:
ڈیپ فیک رومانس، خاتون ساڑھے 3 لاکھ 50 ڈالرز سے محروم
جنوبی کوریا کی ایک خاتون کو ڈیپ فیک (AI سے تیار کردہ جعلی ویڈیوز) پر مبنی رومانس اسکینڈل میں تقریباً 3 لاکھ 50 ہزار امریکی ڈالر (تقریباً 500 ملین وون) کا نقصان اٹھانا پڑا۔
جعلسازوں نے مشہور کورین اداکار لی جنگ جے (Squid Game کے مرکزی کردار) کی نقل کرتے ہوئے اسے یہ باور کرا دیا کہ وہ خود اداکار سے رومانوی تعلق میں ہیں۔
مقامی میڈیا رپورٹس کے مطابق، یہ دھوکہ دہی 6 ماہ تک جاری رہی۔ اس دوران متاثرہ خاتون جن کی شناخت صرف Aکے نام سے ظاہر کی گئی ہے کو جعلی ویڈیوز، تصاویر، اور ایک فیک ڈرائیونگ لائسنس دکھایا گیا جس پر اداکار کا چہرہ لگا ہوا تھا۔
یہ بھی پڑھیے ڈیپ فیک سے ڈیٹا چوری تک، اے آئی سے ذاتی تصاویر بنوانا کتنا خطرناک؟
جعل سازوں نے متاثرہ خاتون کو پیار بھرے ناموں جیسے ’ہنی‘ اور ’سوئیٹی‘ سے مخاطب کیا، جس سے ’رومانس‘ مزید قابلِ یقین محسوس ہوا۔
تحقیقات کے مطابق، یہ جعلساز ممکنہ طور پر کمبوڈیا میں سرگرم ایک بین الاقوامی گروہ سے وابستہ ہیں۔
جنوبی گیونگ سانگ صوبائی پولیس ایجنسی نے تصدیق کی ہے کہ معاملے کی تفتیش جاری ہے اور اس کے ممکنہ بین الاقوامی روابط بھی کھنگالے جا رہے ہیں۔
’اسکوئڈ گیم‘ اسٹار لی جنگ جے کے مینجمنٹ ایجنسی نے اس واقعے کی سخت مذمت کرتے ہوئے کہا کہ ’نہ کمپنی اور نہ ہی ہمارے کسی فنکار نے کبھی کسی سے مالی مدد یا بینک ٹرانسفر کی درخواست کی ہے۔‘
ایجنسی نے عوام سے اپیل کی کہ وہ ایسے کسی بھی پیغام یا درخواست پر یقین نہ کریں اور اگر کسی مشکوک اکاؤنٹ سے رابطہ کیا جائے تو فوراً حکام کو اطلاع دیں۔
یہ بھی پڑھیں عالیہ بھٹ کی ڈیپ فیک ویڈیو وائرل
اداکار کی ٹیم نے تصدیق کی ہے کہ وہ قانون نافذ کرنے والے اداروں کے ساتھ مکمل تعاون کر رہی ہے تاکہ جعلسازوں کے خلاف قانونی کارروائی کی جا سکے۔
ڈیپ فیک اسکینڈلز میں اضافہیہ واقعہ ان بڑھتے ہوئے عالمی کیسز میں تازہ اضافہ ہے جن میں AI ٹیکنالوجی کا استعمال کرتے ہوئے مشہور شخصیات کی جعلی شناخت بنا کر لوگوں کو مالی نقصان پہنچایا جا رہا ہے۔
حالیہ برسوں میں اسی نوعیت کے کیسز میں جعلسازوں نے ہالی ووڈ اداکار ڈیکر مونٹگومری (Stranger Things) اور کیانو ریوز (John Wick) کے نام استعمال کر کے متاثرین سے بھاری رقوم بٹور لیں۔
ماہرین کا کہنا ہے کہ ڈیپ فیک ٹیکنالوجی کے بڑھتے استعمال نے آن لائن شناختی فراڈ کے خطرات کو کئی گنا بڑھا دیا ہے، اور عوام کو ایسے ’رومانوی تعلقات‘ پر مبنی دھوکوں سے ہوشیار رہنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی ڈیپ فیک رومانس
کراچی، نادرن بائی پاس پر پلاسٹک کے گودام میں آگ لگ گئی