حکومت نے بھارت کے سامنے سرنڈر کردیا، بانی پی ٹی آئی مؤثر جواب دے سکتے ہیں، عمر ایوب
اشاعت کی تاریخ: 29th, April 2025 GMT
تحریک انصاف کے رہنما عمر ایوب نے کہا ہے کہ موجودہ حکومت نے بھارت کے سامنے عملاً سرنڈر کر دیا ہے اور وزیر اعظم سمیت کابینہ میں بھارت کو جواب دینے کی سکت نہیں۔ صرف بانی پی ٹی آئی ہی ایسے وقت میں دشمن کو مؤثر اور دوٹوک جواب دے سکتے ہیں۔
جوڈیشل کمپلیکس اسلام آباد میں میڈیا سے گفتگو کرتے ہوئے انہوں نے حکومت کو شدید تنقید کا نشانہ بنایا اور کہا کہ بھارت مسلسل حملے کی دھمکیاں دے رہا ہے، مگر حکومتی رویہ مایوس کن اور کمزوری کا عکاس ہے۔
عمر ایوب نے کہا کہ وزیر اعظم نے کاکول میں تقریر کے دوران ملک پر ضرب لگائی، انہوں نے گھٹنے ٹیک دیے ہیں۔ صرف بانی پی ٹی آئی ہی ایسے وقت میں دشمن کو مؤثر اور دوٹوک جواب دے سکتے ہیں۔
مزید پڑھیں: یاد رکھنا عمران خان دوبارہ وزیراعظم بنیں گے، عمر ایوب کی بیوروکریسی کو دھمکیاں
انہوں نے دعویٰ کیا کہ وہ ایک ہفتے سے خبردار کر رہے ہیں کہ بھارت حملے کی تیاری کر رہا ہے، مگر حکومت اس کے برعکس دوستی کی پینگیں بڑھا رہی ہے اور تحقیقاتی تعاون کی پیشکشیں کر رہی ہے۔
پی ٹی آئی رہنما کے مطابق حملہ بھارت کی اپنی ناکامی ہے، پاکستان کا اس سے کوئی تعلق نہیں۔ ہمیں واضح اور فیصلہ کن پیغام دینا چاہیے تھا کہ جہاں سے حملہ آیا، وہاں دشمن کو تباہ کر دیں گے۔
عمر ایوب نے معاشی بدانتظامی پر بھی حکومت کو تنقید کا نشانہ بنایا اور کہا کہ ایران سے 500 ارب روپے سے زائد کا تیل اسمگل ہو رہا ہے جبکہ ملک کی ریفائنریاں بند پڑی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پہلگام تحریک انصاف جوڈیشل کمپلیکس اسلام آباد شہباز شریف عمر ایوب عمران خان.ذریعہ: WE News
کلیدی لفظ: بھارت پہلگام تحریک انصاف جوڈیشل کمپلیکس اسلام ا باد شہباز شریف عمر ایوب پی ٹی آئی عمر ایوب
پڑھیں:
حکومت نے پیٹرول کی قیمت میں اضافہ کردیا
اسلام آباد:حکومت نے پیٹرولیم مصنوعات کی قیمتوں میں ایک مرتبہ پھر اضافہ کردیا ہے۔
خزانہ ڈویژن سے جاری اعلامیے میں کہا گیا ہے کہ حکومت نے آئل اینڈ گیس ریگیولیٹری اتھارٹی (اوگرا) اور متعلقہ وزارتوں کی سفارش پر پیٹرولیم مصنوعات کی قیمتوں میں اضافہ کردیا ہے۔
پیٹرولیم مصنوعات کی نئی قیمتوں کا اطلاق یکم نومبر 2025 سے اگلے 15 روز تک ہوگا۔
اعلامیے کے مطابق پیٹرول کی قیمت میں فی لیٹر دو روپے 43 پیسے اضافہ کردیا گیا ہے، جس کے بعد پیٹرول فی لیٹر قیمت 265 روپے 45 پیسے ہوگئی ہے۔
پیٹرول کی فی لیٹر قیمت اس سے قبل 263 روپے دو پیسے مقرر تھی۔
ہائی اسپیڈ ڈیزل کی قیمت میں فی لیٹر 3 روپے دو پیسے کا اضافہ کرکے 275 روپے 42 پیسے سے مہنگا کرکے 278 روپے 44 پیسے فی لیٹر مقرر کردیا گیا ہے۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی