مسلح افواج سے اظہار یکجہتی کیلئے مسیحی برادر ی کا’’پاکستان زندہ باد ‘‘کنونشن
اشاعت کی تاریخ: 1st, May 2025 GMT
پہلگام فالس فلیگ آپریشن کے بعد مسلح افواج سے اظہار یکجہتی کیلئے مسیحی برادر ی نے ’’پاکستان زندہ باد ‘‘کنونشن کاانعقاد کیا۔
رپورٹ کے مطابق ملک میں موجود تمام اقلیتیں ہر مشکل گھڑی میں مسلح افواج کے شانہ بشانہ کھڑی ہوئی ہیں، ذرائع نے کہا کہ گوجرانوالہ میں مسیحی برادری کی جانب سے مسلح افواج کے ساتھ اظہاریکجہتی کیلئےسینٹ پال چرچ میں ’’ پاکستان زندہ باد ‘‘ کنونشن کا انعقاد کیا گیا۔
ذرائع کے مطابق کنونشن میں گوجرانوالہ کی مسیحی، سکھ برادری کے ساتھ ساتھ مسلمانوں کی بڑی تعداد نے شرکت کی، کنونشن کا مقصدپہلگام فالس فلیگ آپریشن کے بعد قومی یکجہتی اور دفاع وطن کےعزم اعادہ کرناہے، شرکاءنےافواج پاکستان کی دفاع وطن کیلئےدی گئی قربانیوں کوشاندارخراج عقیدت پیش کیا۔
شرکاء نے "پاکستان زندہ باد" کےفلک شگاف نعرے لگائے اور کہا کہ یہ وقت ہےکہ پوری قوم ایک پرچم تلے متحد ہو کر ملک کو درپیش چیلنجز کا مقابلہ کرے، ہم پاک فوج کیساتھ کھڑےہیں اور اپنےخون کاآخری قطرہ بھی اپنے ملک کے دفاع کیلئے بہائیں گے۔
شرکا نے کہا کہ پہلگام فالس فلیگ آپریشن بھارتی افواج کی ناکامی اور شرمندگی کا باعث ہے، بھارت کی کسی بھی ممکنہ جارحیت کا منہ توڑ جواب دینے کا اعلان کرتے ہیں۔
.
ذریعہ: Express News
کلیدی لفظ: پاکستان زندہ باد مسلح افواج
پڑھیں:
ڈی جی آئی ایس پی آر کی کراچی میں طلبا کے ساتھ خصوصی نشست
لیفٹیننٹ جنرل احمد شریف چوہدری : فائل فوٹوکراچی میں فلاحی ادارے کے آئی ٹی پروگرام کے طلبا کے ساتھ ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری نے گفتگو کی۔
طلبا نے ڈی جی آئی ایس پی آر سے پاکستان کی اندرونی و بیرونی سیکیورٹی صورتحال سمیت مختلف موضوعات پر سوالات کیے۔
ڈی جی آئی ایس پی آر احمد شریف چوہدری نے کہا کہ بنیان مرصوص میں کامیابی امن کی جیت ہے، پاکستان نے ہمیشہ امن کو فوقیت دی ہے، آپ نے معلومات کی جنگ میں پاکستان کے ہر اول دستے کا کردار ادا کیا۔
احمد شریف چوہدری نے کہا کہ پاکستان کی افواج منظم اور پیشہ ور افواج ہیں، پاک افواج آئین کے تحت اور ریاستی احکامات کے مطابق فرائض بخوبی سر انجام دے رہی ہیں، پاکستان خطے میں نیٹ ریجنل اسٹیبلائزر کا کردار ادا کرتا رہے گا۔
اس موقع پر طلبا نے کہا کہ وطن کی حفاظت کیلئے ہر قربانی کیلئے تیار ہیں، چاہے ہمیں کسی بھی محاذ پر پاک فوج کا ساتھ دینا پڑے، پاک افواج ہماری پہچان ہیں اور ہم عوام ہی ان کی اصل طاقت ہیں۔
طلبا نے ڈی جی آئی ایس پی آر کے ساتھ نشست کو سراہتے ہوئے ان کا شکریہ بھی ادا کیا۔
ایران پر اسرائیلی حملے: پی آئی اے نے فلائٹ پلان تبدیل کردیا