ماہرہ خان اور ہمایوں سعید کی نئی فلم ’لوَو گرو‘عید الاضحیٰ پر ریلیز
اشاعت کی تاریخ: 6th, May 2025 GMT
پاکستانی فلم انڈسٹری کے دو مقبول ترین ستارے ہمایوں سعید اور ماہرہ خان ایک بار پھر بڑے پردے پر نظر آئیں گے اور اس بار دونوں ایک رومانوی کامیڈی فلم 'لو گرو' میں اداکاری کے جوہر دکھائیں گے یہ فلم عیدالاضحیٰ کے موقع پر سینما گھروں کی زینت بنے گی جس کی تیاریوں کا سلسلہ مکمل ہو چکا ہے فلم کی پروڈکشن ہمایوں سعید شہزاد نصیب اور جرجیس سیجا کے اشتراک سے کی گئی ہے جبکہ نجی میڈیا گروپ اے آر وائی کے سربراہ سلمان اقبال اس فلم کے ایگزیکٹو پروڈیوسر ہیں فلم کا اسکرپٹ معروف مزاح نگار واسع چوہدری نے تحریر کیا ہے جو اس سے قبل جوانی پھر نہیں آنی اور اس کے سیکوئل جیسے کامیاب پراجیکٹس کا حصہ رہ چکے ہیں فلم کی کاسٹ میں ہمایوں سعید اور ماہرہ خان کے ساتھ ساتھ مومنہ اقبال میرا سیٹھی سوہائے علی ابڑو عمارہ ملک عدنان شاہ ٹیپو مرینہ خان عینی زیدی عثمان پیرزادہ اور جاوید شیخ جیسے مشہور فنکار شامل ہیں جو اس فلم کو ایک متنوع اور دلکش انداز فراہم کرتے ہیں گزشتہ روز فلم کا پہلا ٹریلر جاری کیا گیا جس نے ریلیز ہوتے ہی سوشل میڈیا پر دھوم مچا دی خوبصورت مناظر دلکش پکچرائزیشن پرمزاح مکالمے اور جاندار اداکاری نے مداحوں کے دل جیت لیے فلم کو پاکستان اور برطانیہ کے خوبصورت مقامات پر عکس بند کیا گیا ہے جس نے ٹریلر کو مزید دلکش بنا دیا سوشل میڈیا پر فلم کے ٹریلر کو زبردست پذیرائی ملی ایک صارف نے لکھا کہ ہمیں اپنی فلم انڈسٹری کو سپورٹ کرنا چاہیے اللہ کا شکر ہے ہمارے پاس ماہرہ خان اور ہمایوں سعید جیسے ستارے موجود ہیں ایک اور مداح نے کہا کہ یہ ٹریلر تو کمال کا ہے بار بار دیکھنے کو دل چاہ رہا ہے جبکہ ایک اور رائے تھی کہ یہ اب تک کا سب سے شاندار ٹریلر ہے جو میں نے دیکھا ہے
.ذریعہ: Nawaiwaqt
کلیدی لفظ: ہمایوں سعید ماہرہ خان
پڑھیں:
29 لاکھ پاکستانیوں کا بیرون ملک منتقل ہونا ترقی کی دعویدار حکومت کیلئے لمحہ فکریہ ہے، کاشف سعید شیخ
اپنے ایک بیان میں جماعت اسلامی سندھ کے امیر نے کہا کہ نااہل قیادت کی وجہ سے ایٹمی طاقت کے حامل ملک کے عوام پینے کے صاف پانی صحت تعلیم جیسی بنیادی سہولیات سے محروم اور مٹھی بھر کچے و پکے کے ڈاکوﺅں کے ہاتھوں یرغمال ہیں۔ اسلام ٹائمز۔ جماعت اسلامی سندھ کے امیر کاشف سعید شیخ نے تین برسوں میں 29 لاکھ پاکستانیوں کا بیرون ملک منتقل ہو جانے کو ملک میں امن اور معاشی ترقی کی دعویدار حکومت کیلئے لمحہ فکریہ اور خراب طرز حکمرانی کا نتیجہ قرار دیا ہے۔ اپنے ایک بیان میں کاشف سعید شیخ نے کہا کہ پیٹرول، گیس، کوئلہ اور زراعت سمیت قدرتی دولت سے مالا مال اور ایٹمی طاقت کے حامل ملک کے عوام پینے کے صاف پانی، صحت، تعلیم جیسی بنیادی سہولیات سے محروم اور مٹھی بھر کچے و پکے کے ڈاکوﺅں کے ہاتھوں یرغمال بنے ہوئے ہیں۔ انہوں نے کہا کہ اسٹیٹ بینک کے مطابق موجودہ حکومت کے پہلے 16 ماہ میں قرضوں میں 13 ہزار 78 ارب روپے کا اضافہ ریکارڈ کیا گیا، 44 فیصد لوگ غربت کی لکیر سے نیچے زندگی گزار رہے ہیں، ہر پاکستانی 3 لاکھ 2 ہزار روپے کا مقروض ہے، آئی ایم ایف کے فرمائشی پروگرام پر عمل کرتے ہوئے بجلی، گیس و پٹرول کی قیمتوں میں ہوشربا اضافہ ٹیکسوں کی بھرمار کرکے عوام کی زندگی تنگ کر دی گئی ہے۔
کاشف سعید شیخ نے کہا کہ چینی، آٹا، دالیں، گوشت سمیت روزمرہ اشیائے خورنوش عام آدمی کے دسترس سے دور ہوتے جا رہے ہیں، غریب آدمی کا اپنا اور اپنے بچوں کا پیٹ پالنا بھی مشکل ہو چکا ہے، دوسری جانب حکمرانوں و بیروکریسی کی مفت خوری اور شاہانہ طرز زندگی ختم ہونے کا نام ہی نہیں لے رہی ہے۔ انہوں نے زور دیا کہ حکومت عام آدمی کا معیار زندگی بہتر بنانے کیلئے کرپشن فری اقدامات کے ساتھ سودی نظام معیشت، وی آئی پی کلچر و ڈاکو راج کا خاتمہ عدل و انصاف کے نظام کا قیام اور کفایت شعاری و سادگی کی پالیسی اپنائے، تاکہ عام آدمی کوئی سکھ کا سانس لے سکے۔
’لائیو چیٹ نوجوان نسل کو تباہ کر رہی ہے‘،پنجاب اسمبلی میں ٹک ٹاک پر پابندی کی قرارداد جمع