اگر آپ بھی یہ موبائل فون استعمال کرتے ہیں تو یہ ایک نئی اپڈیٹ ہرگز انسٹال نہ کریں
اشاعت کی تاریخ: 6th, May 2025 GMT
سام سنگ نے حال ہی میں اپنے فلیگ شپ گلیکسی S23 سیریز کے لیے اینڈروئڈ-15 پر مبنی One UI 7 اپڈیٹ جاری کی ہے، جس میں نیا یوزر انٹرفیس اور جدید ’گلیکسی اے آئی‘ ٹولز شامل کیے گئے ہیں، جیسے کہ ’آڈیو ایریزر‘۔ تاہم، یہ اپڈیٹ تمام صارفین کے لیے خوش آئند ثابت نہیں ہوئی۔
بیٹری جلد ختم ہونے کی شکایات بڑھ گئیں
متعدد صارفین نے ’ریڈٹ‘ اور سام سنگ کے فورمز پر شکایت کی ہے کہ اپڈیٹ کے بعد اُن کے فون کی بیٹری پہلے کی نسبت بہت تیزی سے ختم ہو رہی ہے۔ ایک صارف نے بتایا کہ انہیں دن میں کئی بار اپنے گلیکسی S23 کو چارج کرنا پڑتا ہے، حالانکہ وہ صرف ’ریڈٹ‘ اور یوٹیوب استعمال کرتے ہیں۔
دلچسپ بات یہ ہے کہ ہر صارف کو یہ مسئلہ درپیش نہیں۔ کچھ افراد نے بیٹری کی بہتر کارکردگی کی اطلاع دی ہے، جبکہ دیگر نے کسی خاص فرق کا ذکر نہیں کیا۔ ان متضاد تجربات نے اس بات پر سوالات اٹھا دیے ہیں کہ آخر اصل مسئلہ کیا ہے۔
ماہرین کا کہنا ہے کہ بڑی سافٹ ویئر اپڈیٹس کے بعد اینڈرائیڈ سسٹم کی بیٹری آپٹیمائیزیشن دوبارہ سے شروع ہوتی ہے۔ اس دوران فون کو صارف کی عادات، ایپس کے استعمال اوراسکرین ایکٹیویٹی کو دوبارہ سیکھنا پڑتا ہے۔ اس عمل میں چند دن سے لے کر کچھ ہفتے لگ سکتے ہیں۔
کیا بیٹری پرفارمنس واپس معمول پر آئے گی؟
یہ سوال اکثر صارفین اٹھاتے ہیں کہ ایک سال پرانا فلیگ شپ فون ہر اپڈیٹ کے بعد بیٹری پرفارمنس کو کیوں بھول جاتا ہے۔ تاہم، یہ اینڈرائیڈ کے سسٹم کا ایک پرانا طریقہ کار ہے۔
ماہرین کا کہنا ہے کہ اگر صارف کچھ دن صبر سے کام لیں تو بیٹری پرفارمنس دوبارہ بہتر ہو سکتی ہے۔ ابھی یہ کہنا قبل از وقت ہوگا کہ گلیکسی S23 سیریز اپڈیٹ کے بعد اپنی سابقہ کارکردگی پر واپس آ سکے گی یا نہیں۔
.ذریعہ: Daily Ausaf
کلیدی لفظ: کے بعد
پڑھیں:
تہران کاایٹمی تنصیبات زیادہ قوت کیساتھ دوبارہ تعمیر کرنےکا اعلان
تہران (ویب ڈیسک )ایران کے صدر مسعود پزشکیان نے اپنی جوہری تنصیبات کو دوبارہ تعمیر کرنے کا اعلان کر دیا۔جوہری توانائی تنظیم کے دورے کے موقع پر مسعود پزشکیان نے واضح طور پر کہا کہ عمارتوں اور کارخانوں کو تباہ کرنے سے ہمارے لیے کوئی مسئلہ نہیں ہو گا۔انہوں نے کہا کہ ایران جوہری ہتھیار حاصل کرنے کا خواہاں نہیں ہے، تہران اپنی جوہری تنصیبات کو زیادہ قوت کے ساتھ دوبارہ تعمیر کرے گا۔
غیر ملکی خبر ایجنسی کے مطابق ایران کا کہنا ہے کہ اس کا جوہری ہتھیار بنانے کا کوئی ارادہ نہیں، ایرانی جوہری پروگرام سویلین مقاصد کے لیے ہے۔واضح رہے کہ ایران اور اسرائیل جنگ کے دوران امریکا نے ایران کی جوہری تنصیبات کو بنکر بسٹر بموں سے تباہ کر دیا تھا۔دوسری جانب امریکی صدر ڈونلڈ ٹرمپ کہہ چکے ہیں کہ اگر ایران نے دوبارہ جوہری تنصیبات تعمیر کرنے کی کوشش کی تو انہیں دوبارہ نشانہ بنایا جائے گا۔
اشتہار