ترکیے میں چرس کا انبار جلانے سے ہزاروں رہائشی نشے کی حالت میں مبتلا
اشاعت کی تاریخ: 7th, May 2025 GMT
ترکیے میں سیکورٹی حکام نے کئی ٹن وزنی چرس کو جلایا جس کیوجہ سے ہزاروں رہائشی نشے کی حالت میں مبتلا ہوگئے۔
ترکی کے صوبہ دیار باکر کے ایک قصبے لائس میں پولیس کی طرف سے پکڑی گئی دسیوں ٹن جلائی گئی چرس کے دھویں کیوجہ سے 25,000 رہائشی غیر ارادی طور پر نشے میں آگئے۔
ترک حکام نے لائس میں 20 ٹن سے زیادہ ضبط شدہ چرس کو جلانے کے لیے ایک آپریشن کیا گیا جس کی وجہ سے بستی کی ہوا چرس کے دھوئیں سے آلودہ ہوگئی۔
کم از کم پانچ دنوں تک لوگوں کو اپنی کھڑکیاں کھلی رکھنے سے منع کیا گیا تھا تاہم لوگ پھر بھی نشہ میں مبتلا ہوئے اور چکر آنا، متلی اور نظری دھوکہ جیسی علامات کا شکار ہوئے۔
تباہ شدہ چرس، جس کی مالیت 10 بلین ترک لیرا ($261,433,808) ہے اور جس کا وزن 20 ٹن 766 کلو 679 گرام تھا، اسے 2023 اور 2024 کے دوران صوبہ دیار باکر سے پکڑا گیا تھا۔
.ذریعہ: Express News
پڑھیں:
پنجاب کے 17ہزار سرکاری سکول آﺅٹ سورس کر نے سے ہزاروں اساتذہ کی نوکریاں خطرے میں پڑ گئیں. چوہدری منظور
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔ 06 مئی ۔2025 ) پیپلزپارٹی کے مرکزی راہنما چوہدری منظور نے پنجاب حکومت پر تنقید کرتے ہوئے کہا کہ پنجاب حکومت 17 ہزار سرکاری سکولوں کو آﺅٹ سورس کرنے جارہی ہے صحافیوں سے گفتگو کرتے ہوئے انہوں نے کہا کہ موجودہ حکومت کا2لاکھ افرادکو وفاق سے نکالنے کاپلان ہے اور پنجاب حکومت17ہزارسرکاری سکول کوآﺅٹ سورس کرنے جارہی ہے. انہو ں نے کہا کہ لاہور کے جناح ہسپتال سمیت بڑے ہسپتالوں،بنیادی مراکز صحت کوبھی آﺅٹ سورس کیا جائے گا، اساتذہ ،ڈاکٹرز،پیرامیڈیکل اسٹاف سراپااحتجاج ہیں، پنجاب حکومت کی نااہلی ہے کہ اس سے صحت اور ایجوکیشن کا نظام نہیں چل رہا.(جاری ہے)
انہوں نے بتایا کہ سندھ میں دل کے13ہسپتال100 فیصد فری ہیں، سندھ میں اوپن ہارٹ سرجری ایک ہفتہ میں ہوجاتی ہے چوہدری منظورنے کہا کہ22سو روپے من کسان کوگندم پڑرہی ہے،خریداری بھی نہیں کی جارہی، کسان بھوکامرے گاتودکانداربھوکامرجائے گا، پنجاب میں جوریفارمزہورہی ہیں سب کاسمیٹک ہیں پی پی راہنما کا کہنا تھا کہ پنجاب میں12 کروڑ کی آبادی میں 10کروڑ کو ٹریکٹر دے رہے ہیں، موجودہ حکومت مزدوروں اور کسانوں پرخوفناک حملہ کررہی ہے.
بنوں میں سی ٹی ڈی اور دہشتگردوں کے درمیان فائرنگ کا تبادلہ، 3 اہلکار جاں بحق