پاک بھارت حالیہ کشیدگی،نوبل انعام یافتہ ملالہ یوسف زئی کا اہم بیان جاری
اشاعت کی تاریخ: 8th, May 2025 GMT
نوبل انعام یافتہ سماجی کارکن ملالہ یوسف زئی نے پاکستان اور بھارت کے درمیان جاری حالیہ کشیدگی پر تشویش کا اظہار کرتے ہوئے دونوں ممالک سے تحمل اور امن کے فروغ کی اپیل کی ہے۔ اپنے جاری کردہ بیان میں ملالہ یوسف زئی نے کہا کہ نفرت اور تشدد ہمارے مشترکہ دشمن ہیں، پاکستان اور بھارت کو کشیدگی کم کرنے کیلئے فوری اقدامات کرنے چاہئیں۔‘ انہوں نے مزید کہا کہ عالمی برادری کو چاہیے کہ وہ سفارتکاری اور بات چیت کو فروغ دے تاکہ خطے میں پائیدار امن ممکن بنایا جا سکے۔ ملالہ نے زور دیا کہ ’امن ہی ہماری اجتماعی سلامتی اور خوشحالی کا واحد راستہ ہے۔ یہ بیان ایسے وقت میں سامنے آیا ہے جب منگل اور بدھ کی درمیانی شب بھارتی فوج نے آزاد کشمیر کے مختلف علاقوں بشمول کوٹلی، مظفر آباد اور باغ، کے علاوہ پنجاب کے شہروں مریدکے اور احمد پور شرقیہ میں شہری آبادی کو نشانہ بنایا۔ ان حملوں میں دو مساجد شہید ہوئیں جبکہ دو بچوں سمیت 31 پاکستانی شہید اور 57 افراد زخمی ہوئے۔ پاکستان نے بھارتی جارحیت کا مؤثر جواب دیتے ہوئے دشمن کے تین رافیل، ایک مگ-29، ایک ایس یو-30 جنگی طیارہ اور ایک کومبیٹ ڈرون کو کامیابی سے مار گرایا۔ وزارت دفاع کے مطابق، یہ حملہ بھارتی فوج کی جانب سے رات کی تاریکی میں بزدلانہ طور پر کیا گیا تھا، جس کا فوری اور منہ توڑ جواب دیا گیا۔
.
ذریعہ
ذریعہ: Nawaiwaqt
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار