حیدرآباد چارمینار کے قریب عمارت میں بھیانک آگ بھڑک اٹھی، 17 افراد ہلاک
اشاعت کی تاریخ: 18th, May 2025 GMT
متاثرین کا الزام ہے کہ فائر بریگیڈ نے امدادی کارروائیوں میں تاخیر کی، بہتر ہوتا اگر فوری طور پر امدادی کارروائیاں شروع کی جاتیں۔ اسلام ٹائمز۔ حیدرآباد کے مشہور مقام "چار مینار" کے قریب آج ایک عمارت میں بھیانک آگ لگنے کی واردات پیش آئی جس میں کم از کم 17 افراد ہلاک ہوگئے۔ آگ لگنے کی وجہ کی تاحال تصدیق نہیں ہوسکی ہے تاہم شبہ ظاہر کیا جارہا ہے کہ یہ سانحہ شارٹ سرکٹ کی وجہ سے پیش آیا۔ تفصیلات کے مطابق حیدرآباد کے پرانے شہر میں چارمینار قریب گلزار حوض علاقہ میں واقعہ ایک عمارت میں آج آگ بھڑک اٹھی۔ آتشزدگی کے خوفناک حادثہ میں 17 افراد ہلاک ہوگئے۔ جاں بحق ہونے والوں میں دو سالہ لڑکا اور سات سالہ لڑکی بھی شامل ہے۔ واقعہ کی اطلاع ملتے ہی فائر فائٹرز فوری طور پر جائے وقوعہ پر پہنچ گئے اور آگ پر قابو پانے کے لئے امدادی کارروائی کا آغاز کیا۔ انہوں نے عمارت میں پھنسے کچھ لوگوں کو بچایا۔ حادثے کی وجہ سے کئی لوگ بے ہوش ہوگئے۔ متاثرین کو علاج کے لئے عثمانیہ ہاسپٹل و دیگر ہاسپٹل منتقل کیا گیا۔ حکام نے ابتدائی طور پر اندازہ لگایا کہ حادثہ شارٹ سرکٹ کے باعث پیش آیا۔
آتشزدگی کے بعد گہرے دھوئیں کی وجہ سے مقامی لوگوں کو سانس لینے میں دشواری کا سامنا کرنا پڑا۔ بھارت کے وزیراعظم نریندر مودی کے دفتر نے حیدرآباد، تلنگانہ میں آتشزدگی سانحہ میں جانی نقصان پر گہرے غم کا اظہار کیا۔ ایکس پر وزیراعظم آفیس نے ان لوگوں سے تعزیت کا اظہار کیا جنہوں نے اپنے پیاروں کو حادثہ میں کھودیا ہے اور زخمیوں کی جلد صحتیابی کی امید ظاہر کی۔ وزیراعظم ریلیف فنڈ سے ہر مرنے والے کے لواحقین کو 2 لاکھ روپے اور زخمیوں کو ایک لاکھ روپے دینے کا اعلان بھی کیا گیا۔ متاثرین کا الزام ہے کہ فائر بریگیڈ نے امدادی کارروائیوں میں تاخیر کی، بہتر ہوتا اگر فوری طور پر امدادی کارروائیاں شروع کی جاتیں۔ ایسے حادثات کو دوبارہ ہونے سے روکنے کے لئے اقدامات کئے جائیں۔
ذریعہ
ذریعہ: Islam Times
کلیدی لفظ: کی وجہ
پڑھیں:
کراچی: لانڈھی 89 کے قریب گیس سلنڈر کی دکان میں دھماکا، آگ بھرک اتھی
کراچی:لانڈھی 89 کے قریب گیس سلنڈر کی دکان میں دھماکے کے بعد لگنے والی آگ پر ایک گھنٹے سے زائدکی کوششوں کے بعد قابو پالیا گیا۔
ترجمان کے مطابق گیس سلنڈر کی دکان میں آگ گیس لیکج کے باعث لگی، دکان میں گیس جمع ہو گئی تھی اور شارٹ سرکٹ کے باعث دھماکے کے بعد آگ بھڑک اٹھی۔ دکان میں لگی آگ پر فوم کی مدد سے 4 فائر ٹینڈرز نے قابو پایا۔
تفصیلات کے مطابق لانڈھی تھانے کے علاقے لانڈھی 89، پی ایس او پمپ کے قریب گیس سلنڈر کی دکان میں دھماکے کے بعد اچانک آگ بھڑک اٹھی، جس نے دیکھتے ہی دیکھتے شدت اختیار کر لی اور پوری دکان کو اپنی لپیٹ میں لے لیا۔ آگ لگنے کی اطلاع پر پولیس کی بھاری نفری، ریسکیو 1122 اور فلاحی تنظیموں کے رضاکار موقع پر پہنچ گئے۔ پولیس نے شہریوں کو جائے وقوعہ سے دور کر دیا جبکہ ریسکیو 1122 کے عملے نے فوری طور پر آگ بجھانے کی کارروائی شروع کر دی۔
ریسکیو 1122 کے عملے نے ایک گھنٹے سے زائد کی کوششوں کے بعد آگ پر قابو پا کر کولنگ کا عمل شروع کر دیا۔ ترجمان ریسکیو 1122 کے مطابق آگ گیس لیکیج کے باعث لگی تھی اور شارٹ سرکٹ سے دھماکہ ہوا۔ انہوں نے بتایا کہ آگ گیس سلنڈر کی دکان میں لگی تھی، اس لیے فوم کے ذریعے آگ پر قابو پایا گیا اور اس کارروائی میں 4 فائر ٹینڈرز نے حصہ لیا۔
انہوں نے مزید بتایا کہ آتشزدگی کے دوران کسی قسم کا کوئی جانی نقصان نہیں ہوا، ترجمان کے مطابق ریسکیو 1122 کا عملہ اب بھی موقع پر موجود ہے اور ایک ایک کر کے گیس سلنڈرز کو خالی کیا جا رہا ہے تاکہ کسی بھی ممکنہ حادثے سے بچا جا سکے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم