پاکستان امن اور سچ کے ساتھ کھڑا ہے، بھارت کو پانی بطور ہتھیار استعمال نہیں کرنے دیں گے، بلاول بھٹو
اشاعت کی تاریخ: 21st, May 2025 GMT
پاک بھارت کشیدگی کے تناظر میں پاکستان کی نمائندگی کرکے عالمی دورے پر جانے والے اعلیٰ سطح سفارتی وفد کے سربراہ چیئرمین پاکستان پیپلز پارٹی بلاول بھٹو نے کہا ہے کہ بھارت کو پانی بطور ہتھیار استعمال نہیں کرنے دیں گے۔ پاکستان امن اور سچ کے ساتھ کھڑا ہے، اور ہمارا پیغام امن، استحکام اور ترقی ہے۔ پاکستان اپنی ذمہ داریوں سے مکمل طور پر آگاہ ہے۔
بلاول بھٹو کے زیر صدارت سفارتی کمیٹی کے ارکان کا اجلاس اسلام آباد میں منعقد ہوا، جس میں دفتر خارجہ کی جانب سے خطے کی موجودہ صورتحال پر تفصیلی بریفنگ دی گئی۔
اجلاس کے بعد گفتگو کرے ہوئے بلاول بھٹو نے کہا کہ وزیراعظم کی ہدایت کے مطابق سفارتی کمیٹی مختلف ملکوں کا دورہ کرے گی اور عالمی سطح پر پاکستان کا مؤقف بھرپور انداز میں پیش کیا جائے گا۔ انہوں نے کہا کہ پاکستان دہشتگردی سے سب سے زیادہ متاثر ہوا اور اس خطے کو دہشتگردی سے پاک کیا جائے گا۔
مزید پڑھیں: پاک بھارت کشیدگی: عالمی دورے پر جانے والے وفد کو دفتر خارجہ میں بریفنگ
انہوں نے واضح کیا کہ بھارت کو پانی بطور ہتھیار استعمال نہیں کرنے دیں گے۔ پاکستان امن اور سچ کے ساتھ کھڑا ہے، اور ہمارا پیغام امن، استحکام اور ترقی ہے۔ پاکستان اپنی ذمہ داریوں سے مکمل طور پر آگاہ ہے۔ پہلگام واقعہ کے بعد بھارت نے ثبوت فراہم کرنے کے بجائے الزام تراشی کی، جبکہ پاکستان نے شفاف عالمی تحقیقات کی پیشکش کی۔ بھارت نے جھوٹ، نفرت اور تقسیم کے ایجنڈے کا سہارا لیا۔
وفد میں شامل وفاقی وزیر مصدق ملک نے کہا کہ عالمی برادری کے سامنے حقائق رکھے جائیں گے اور بھارتی جارحیت کا منہ توڑ جواب دیا گیا ہے۔ اُن کے مطابق بغیر شواہد مہم جوئی کے نظریے کو دفن کرنا ہوگا۔ بھارت کی تھانیداری کا بت ٹوٹ چکا ہے۔
انہوں نے کہا کہ رافیل طیارے جن پر بھارت کو بڑا غرور تھا، پاکستانی مسلح افواج نے مار گرائے، اور اگر بھارت نے آئندہ کوئی حرکت کی تو اس سے بڑھ کر جواب دیا جائے گا۔
مزید پڑھیں: پہلگام واقعے کے بعد بھارت کی بڑھتی سفارتی تنہائی
وفد کے رکن وفاقی وزیر خرم دستگیر نے بھارت کو بدمعاش ملک قرار دیتے ہوئے کہا کہ بھارت نے پہلگام واقعے پر تاحال کوئی ثبوت پیش نہیں کیے اور پاکستان پر بے بنیاد الزامات لگائے۔ انہوں نے کہا کہ پاکستان پائیدار امن کے لیے بھارت سے بات چیت کو تیار ہے لیکن اب برابری کی سطح پر بات ہو گی۔
خرم دستگیر کے مطابق ہندوتوا تعصب اور بھارتی جنگی جنون خطے کے لیے خطرہ ہیں، اور خطے میں پائیدار امن مسئلہ کشمیر کے حل سے مشروط ہے۔ انہوں نے کہا کہ کشمیری عوام کو اقوام متحدہ کی قراردادوں کے مطابق حق خودارادیت دینا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعلیٰ سطح سفارتی وفد بلاول بھٹو بھارت پاک بھارت کشیدگی چیئرمین پاکستان پیپلز پارٹی خرم دستگیر مصدق ملک.ذریعہ: WE News
کلیدی لفظ: اعلی سطح سفارتی وفد بلاول بھٹو بھارت پاک بھارت کشیدگی چیئرمین پاکستان پیپلز پارٹی خرم دستگیر مصدق ملک انہوں نے کہا کہ بلاول بھٹو بھارت کو کے مطابق بھارت نے
پڑھیں:
بھارت نے دہشتگرد حملے کے بعد شواہد اپنے لوگوں کیساتھ بھی شیئر نہیں کیے، بلاول بھٹو
عرب میڈیا کو انٹرویو میں چیئرمین پاکستان پیپلز پارٹی کا کہنا تھا کہ بھارت سے زیادہ پاکستان میں دہشت گردی کے واقعات ہوئے، پاکستان نے دہشت گردوں کا مقابلہ کیا ہے۔ اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے کہا ہے کہ بھارت نے دہشت گرد حملے کے بعد شواہد اپنے لوگوں کے ساتھ بھی شیئر نہیں کیے۔ عرب میڈیا کو انٹرویو میں چیئرمین پاکستان پیپلز پارٹی بلاول بھٹو زرداری کا کہنا تھا کہ بھارت سے زیادہ پاکستان میں دہشت گردی کے واقعات ہوئے، پاکستان نے دہشت گردوں کا مقابلہ کیا ہے۔ بلاول بھٹو نے کہا کہ بھارت نے پہلگام حملے کے پاکستان اور بین الاقوامی برادری کے ساتھ بھی ثبوت شیئر نہیں کئے۔ چیئرمین پاکستان پیپلز پارٹی نے کہا کہ ہماری بھارت کے خلاف دہشت گردی میں ملوث ہونے سمیت کئی شکایات ہیں۔
پاکستان اور چین کا سارک کی جگہ نیا علاقائی اتحاد بنانے پر غور، بھارتی شمولیت کا امکان کم