کیا بلیاں بو سونگھ کر مالک اور اجنبی میں فرق کرسکتی ہیں؟
اشاعت کی تاریخ: 30th, May 2025 GMT
پالتو بلیاں اپنے مالک اور اجنبی کی بو کے درمیان فرق کر سکتی ہیں۔
یہ بھی پڑھیں: برطانیہ میں بلیوں پر مائیکرو چپ لازمی قرار، خلاف ورزی کرنیوالے مالک پر کتنا جرمانہ ہوگا؟
بی بی سی کی رپورٹ کے مطابق ٹوکیو یونیورسٹی آف ایگریکلچر کے مطالعے سے پتا چلا ہے کہ بلیوں نے اپنے مالک کی خوشبو والی ٹیوبز کے مقابلے میں نامعلوم افراد کی بو والی ٹیوبز سونگھنے میں کافی زیادہ وقت صرف کیا۔
محققین کا کہنا ہے کہ اس سے پتا چلتا ہے کہ بلیاں بو کی بنیاد پر مانوس اور ناواقف انسانوں میں تفریق کر سکتی ہیں لیکن یہ واضح نہیں ہے کہ آیا وہ مخصوص لوگوں کی شناخت کر سکتی ہیں یا نہیں۔
بلیوں کو دوسری بلیوں کی شناخت اور ان کے ساتھ بات چیت کرنے کے لیے اپنی سونگھنے کی شدید حس کا استعمال کرنے کے لیے جانا جاتا ہے لیکن محققین نے ابھی تک اس بات کا مطالعہ نہیں کیا تھا کہ آیا وہ اسے لوگوں کے درمیان فرق کرنے کے لیے بھی استعمال کر سکتی ہیں۔
بلیوں کے ذریعے انسانی شناخت کے پچھلے مطالعات سے پتا چلتا ہے کہ وہ آوازوں کے درمیان فرق کرلیتی ہیں۔ کھانا تلاش کرنے کے لیے کسی کی نگاہیں پڑھ لیتی ہیں اور کسی شخص کی جذباتی حالت کے مطابق اپنے رویے کو تبدیل کر سکتی ہیں۔ لوگوں کی جذباتی حالت وہ ان کی بو سے پہچانتی ہیں۔
مزید پڑھیے: آپ کے لیے پالتو جانوروں کے جذبات، تکالیف سمجھنا اب ممکن، مگر کیسے؟
محققین نے 30 بلیوں کے سامنے پلاسٹک کی ٹیوبز رکھیں جن میں رکھے میٹریل پر یا تو ان کے مالک کی بو تھی یا ایک ان کے مالک کی ہی جنس والے فرد کی بو تھی یا جس پر کسی انسان کی بو نہیں تھی۔
اس میٹریل کو بغل کے نیچے، کان کے پیچھے اور مالک یا اجنبی کی انگلیوں کے درمیان رگڑا گیا تھا۔
محققین نے کہا کہ بلیوں نے اپنے مالک یا خالی ٹیوب کے مقابلے میں نامعلوم افراد کی بدبو سونگھنے میں نمایاں طور پر زیادہ وقت صرف کیا جس سے معلوم ہوتا ہے کہ وہ واقف اور ناواقف لوگوں کی بو میں فرق کر سکتی ہیں۔
کسی نامعلوم محرک کو زیادہ دیر تک سونگھنے والی بات بلیوں میں پہلے بھی دیکھی گئی ہے، بلی کے چھوٹے بچے اپنی ماؤں کے مقابلے میں نامعلوم مادہ بلیوں کو زیادہ دیر تک سونگھتے ہیں۔
مزید پڑھیں: سنگاپور میں بلی کیوں نہیں پال سکتے؟
تاہم محققین نے واضح کیا کہ یہ نتیجہ اخذ نہیں کیا جا سکتا کہ بلیاں اپنے مالک جیسے مخصوص لوگوں کی شناخت کر سکتی ہیں۔ ان کا کہنا ہے یہ بات ابھی مزید تحقیق کی طالب ہے کہ آیا بلیاں کسی مخصوص شخص کو اس کی بو سے پہچان سکتی ہیں یا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلی اور مالک کی خوشبو بلیاں بلیاں اور اجنبی افراد.ذریعہ: WE News
کلیدی لفظ: بلی اور مالک کی خوشبو بلیاں بلیاں اور اجنبی افراد کرنے کے لیے کر سکتی ہیں کے درمیان اپنے مالک لوگوں کی مالک کی
پڑھیں:
راولپنڈی ؛ افغان باشندوں کو مکان کرایہ پر دینے والے 18 مالک مکان گرفتار
سٹی 42: حکومت پنجاب کے خصوصی احکامات کی روشنی میں شہر بھر میں گزشتہ پانچ روز کے دوران غیر قانونی مقیم افغانیوں اور دیگر غیر ملکیوں کے خلاف کریک ڈاؤن جاری ہے ۔63 مقدمات درج کرلیے گئے ۔
ترجمان راولپنڈی پولیس کے مطابق افغان باشندوں کو مکان کرایہ پر دینے والے 18 مالک مکان گرفتار کرلیے اور216 غیر ملکی افغانیوں کو تحویل میں لیکر ہولڈنگ سنٹر منتقل کر دیا گیا۔مقدمات تھانہ سٹی ، پیرودہائی،وارث خان، بنی، نیوٹاؤن ،صادق آباد ،رتہ امرال، آراے بازار، ریس کورس، واہ کینٹ ، چکلالہ، ائیر پورٹ، ٹیکسلا،صدرواہ ،سول لائنز،مورگاہ ، نصیر آباد،مندرہ ، جاتلی ،صدربیرونی،گوجرخان ،دھمیال،کلرسیداں اور روات میں درج کیے گئے۔
لاہور :ڈمپر نے موٹر سائیکل کو کچل دیا، 3 افراد جاں بحق
ترجمان راولپنڈی پولیس نے کہا شہری غیر قانونی مقیم غیر ملکی افراد کو اپنی پراپرٹی ہرگز کرایہ پر نہ دیں،غیر قانونی مقیم غیر ملکی مکان،دوکان یا کوئی بھی پراپرٹی کرایہ پر نہیں لے سکتے۔شہری اپنی پراپرٹی کسی غیر قانونی مقیم غیر ملکی کو فروخت بھی نہ کریں۔
شہری اپنی گاڑی،رکشہ یا دیگر اشیاء بھی غیر قانونی مقیم غیر ملکیوں کو نہ دیں۔شہری کسی بھی غیر قانونی مقیم غیر ملکی کے ساتھ کسی قسم کے کاروباری معاملات، لین دین یا کاروباری سرگرمی نہ کریں۔
موٹرسائیکل فلائی اوور سے نیچے گر گئی،سوارموقع پر جاں بحق
کوئی شہری کسی غیر قانونی مقیم غیر ملکی کو ملازمت پر نہ رکھے ۔قانونی طور پر مقیم غیر ملکی متعلقہ تھانہ میں اپنی رجسٹریشن کو یقینی بنائیں۔تمام شہریوں سے التماس ہے کہ اپنے ارد گرد نظر رکھیں غیر قانونی مقیم غیر ملکی افراد کی اطلاع پولیس کو فراہم کریں آپ کا نام صیغہ راز میں رکھا جائے گا۔حکومت پنجاب کی ان ہدایات پر سختی سے عملدرآمد ضروری ہے بصورت دیگر آپ کے خلاف قانونی کارروائی کی جائے گی۔
شہریوں کی آگاہی کے لئے سوشل میڈیا پر پیغامات اور مساجد سے اعلانات کا سلسلہ بھی جاری ہے۔
شادی کی خوشیاں غم میں بدل گئیں
کراچی، نادرن بائی پاس پر پلاسٹک کے گودام میں آگ لگ گئی