سندور فوجی آپریشن پر سیاست کرنا شرمناک ہے، سنجے راؤت
اشاعت کی تاریخ: 30th, May 2025 GMT
شیو سینا کے سینیئر لیڈر کا کہنا تھا کہ جلد ہی راہل گاندھی کی قیادت میں حزب اختلاف کی جماعتیں پارلیمنٹ کا خصوصی اجلاس بلانے کی مانگ کرینگی تاکہ اس معاملے پر سنجیدہ بحث کی جاسکے۔ اسلام ٹائمز۔ شیو سینا کے سینیئر لیڈر سنجے راؤت نے بھارت کے وزیراعظم نریندر مودی پر "آپریشن سندور" کے نام پر سیاسی فائدہ اٹھانے کا الزام عائد کرتے ہوئے سخت تنقید کی ہے۔ صحافیوں سے گفتگو کرتے ہوئے سنجے راؤت نے کہا کہ یہ آپریشن ہمارے فوجی جوانوں نے انجام دیا تھا لیکن افسوس کی بات ہے کہ وزیراعظم اسے ایک سیاسی ایجنڈا بنانے کی کوشش کر رہے ہیں۔ ان کا کہنا تھا کہ کہیں "سندور یاترا" نکالی جا رہی ہے، تو کہیں "آپریشن بنگال" کی باتیں ہو رہی ہیں۔ سنجے راؤت کے مطابق اگر انتخابی یاترا نکالنی ہے تو ضرور نکالیں لیکن فوجی کارروائی کو عوامی جذبات سے جوڑ کر سیاسی مفاد حاصل کرنے کی کوشش نہ کی جائے۔ سنجے راؤت نے سندور کی مذہبی اور ثقافتی اہمیت پر بھی زور دیا۔
انہوں نے کہا "سندور بہت مقدس ہوتا ہے، جسے شوہر اپنی بیوی کی مانگ میں بھرتا ہے، آپ لوگ اسے ایک انتخابی ہتھیار بنا رہے ہیں، آپ کے کارکن خواتین کے بیچ سندور بانٹ رہے ہیں، یہ سندور کی توہین ہے"۔ انہوں نے کہا کہ آپ لوگ کیا ثابت کرنا چاہتے ہیں، ایسے اقدامات سے کچھ حاصل نہیں ہوگا، بلکہ عوام میں غلط پیغام جائے گا۔ سنجے راؤت کا کہنا تھا کہ جلد ہی راہل گاندھی کی قیادت میں حزب اختلاف کی جماعتیں پارلیمنٹ کا خصوصی اجلاس بلانے کی مانگ کریں گی تاکہ اس معاملے پر سنجیدہ بحث کی جاسکے۔ ایک صحافی کے سوال پر طنزیہ انداز میں انہوں نے کہا کہ پہلگام کے چھ دہشتگرد شاید اس لئے نہیں پکڑے جا رہے کہ انہوں نے بی جے پی میں شمولیت اختیار کر لی ہے۔
ذریعہ: Islam Times
کلیدی لفظ: سنجے راو ت انہوں نے نے کہا
پڑھیں:
چین کسی بیرونی فوجی مداخلت کو برداشت نہیں کرے گا‘ وزیر دفاع
data-id="863a0a8" data-element_type="widget" data-widget_type="theme-post-content.default">
چین کسی بیرونی فوجی مداخلت کو برداشت نہیں کرے گا‘ وزیر دفاع
بیجنگ: چینی اعلیٰ حکام کا کہنا ہے کہ چین کسی بھی بیرونی فوجی مداخلت کو برداشت نہیں کرے گا۔
غیر ملکی میڈیا کی رپورٹ کے مطابق چینی وزیر دفاع ڈونگ جون کا کہنا ہے کہ چین کسی بھی بیرونی فوجی مداخلت کو ناکام بنانے کے لیے ہر وقت تیار ہے۔ ان کا کہنا تھا کہ دنیا پر سرد جنگ کی ذہنیت چھائی ہوئی ہے، چین تائیوان کی آزادی کے لیے کسی علیحدگی کی کوشش کوکامیاب نہیں ہونے دے گا۔
وزیر دفاع کا کہنا ہے کہ عالمی سطح پر امن وترقی کا موضوع موجودہ وقت کا بنیادی رجحان ہے، اس نئی صورتحال میں جنگل کے قانون سے بچنے کے لیے عالمگیر اتحاد ناگزیر ہو چکا ہے۔
اعلیٰ حکام نے اپنے موقف میںمزید کہا کہ بالادستی کی سوچ نے دوسری جنگ عظیم کی میراث کو جیو پولیٹیکل ٹول میں بدل دیا، خود مختار آزادی کے اصول سے انحراف عالمی برادری کو انتشار اور تنازعات میں ڈال رہا ہے، جو کہ انسانی حقوق کے زمرے میں کسی طرح بھی زیب نہیں دیتا۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان