امریکہ: ٹرک الٹنے سے 25 کروڑ مکھیاں ’فرار‘
اشاعت کی تاریخ: 31st, May 2025 GMT
اسلام آباد (اُردو پوائنٹ ۔ DW اردو۔ 31 مئی 2025ء) حکام نے شہریوں کو خبردار کیا ہے کہ متاثرہ علاقے سے دور رہیں تاکہ ڈنک مارنے والے جھنڈ سے بچا جا سکے۔
واٹکوم کاؤنٹی شیرف آفس کے مطابق یہ حادثہ شمال مغربی واشنگٹن ریاست میں کینیڈا کی سرحد کے قریب لنڈن کے علاقے میں پیش آیا۔
ٹرک میں تقریباً شہد کی مکھیوں کے تیس ہزار کلو گرام سے زائد چھتّے منتقل کیے جا رہے تھے۔
شیرف آفس نے اپنی سوشل میڈیا پوسٹ میں لکھا۔ ''اب 250 ملین مکھیاں آزاد ہو چکی ہیں۔ مکھیاں بھاگنے اور جھنڈ بنانے کے خطرے کے پیش نظر علاقے سے دور رہیں۔‘‘
زیادہ سے زیادہ مکھیوں کو بچانے کی کوششحادثے کے بعد علاقے کی سڑکیں بند کر دی گئیں جبکہ شہد کی مکھیوں کے ماہرین اور شہد کی مکھیاں پالنے والے افراد ان بے قابو ہو جانے والی مکھیوں کو قابو میں کرنے اور انہیں بچانے میں مصروف ہیں۔
(جاری ہے)
شیرف آفس نے بتایا، ''ہماری کمیونٹی میں شہد کی مکھیاں پالنے والے ماہرین رضاکارانہ طور پر مدد فراہم کر رہے ہیں تاکہ پولینیشن کرنے والی لاکھوں مکھیوں کو بحفاظت بچایا جا سکے۔‘‘
حکام کا کہنا ہے کہ اگلے ایک دو دن میں مکھیاں واپس اپنے چھتّوں اور ملکہ مکھی کے پاس آ جائیں گی۔ مقصد یہی ہے کہ زیادہ سے زیادہ مکھیوں کو زندہ رکھا جائے۔
مکھیوں کا زراعت میں کردارشہد کی مکھیاں پھول دار فصلوں کی پولینیشن (زرخیزی) میں مرکزی کردار ادا کرتی ہیں۔ یہ سو سے زائد اقسام کی فصلوں جیسے میوے، سبزیاں، گریاں، بیریز، مالٹے اور خربوزے وغیرہ میں پولینیشن کا کام کرتی ہیں۔
ماہرین کے مطابق شہد کی مکھیوں اور پولینیشن کرنے والے دوسرے کیڑوں کی تعداد میں مسلسل کمی آ رہی ہے۔
اس کی وجوہات میں کیڑے مار دوائیاں، بیماریاں، ماحولیاتی تبدیلیاں اور متنوع خوراک کی سپلائی میں کمی شامل ہیں۔ یہ صورتحال دنیا بھر میں زراعت اور غذائی تحفظ کے لیے سنگین خطرہ بن سکتی ہے۔
ادارت: عرفان آفتاب
.ذریعہ: UrduPoint
کلیدی لفظ: تلاش کیجئے شہد کی
پڑھیں:
وزارت خزانہ کے اہم معاشی اہداف، معاشی شرح نمو بڑھ کر 5.7 فیصد تک جانے کا امکان
اسلام آباد:وفاقی وزارت خزانہ نے اپنے معاشی اہداف مقرر کردیے ہیں اور بتایا گیا کہ برآمدات اور ترسیلات زر میں اضافہ اور معاشی شرح نمو 4.2 فیصد سے بڑھ کر 5.7 فیصد تک جانے کا امکان ہے۔
وفاقی وزارت خزانہ نے تین سالہ میکرو اکنامک اور فسکل فریم ورک جاری کر دیا ہے، جس کے تحت آئندہ تین برسوں کے لیے اہم معاشی اہداف مقرر کردیے گئے ہیں۔
وزارت خزانے کے اہداف کے مطابق تین سال میں پاکستان کی برآمدات میں 10 ارب ڈالر سے زائد اضافے کا امکان ہے اور برآمدات 44 ارب 83 کروڑ سے بڑھ کر 55 ارب ڈالر تک جانے کا تخمینہ لگایا گیا ہے۔
برآمدات کے حوالے سے بتایا گیا کہ اشیائے برآمدات 42 ارب 69 کروڑ ڈالر تک جا سکتی ہیں، خدمات کی برآمدات 12 ارب 24 لاکھ ڈالر تک پہنچنے کا تخمینہ ہے۔
وزارت خزانہ کے مطابق رواں مالی سال اشیا کی برآمدات 35 ارب 28 کروڑ ڈالر رہنے کا امکان ہے، سروسز سیکٹر کی برآمدات کا تخمینہ 8 ارب 38 کروڑ ڈالر ہے۔
وفاقی حکومت کے اہم معاشی اہداف میں نشان دہی کی گئی ہے کہ درآمدات میں 14.5 ارب ڈالر اضافے سے 79 ارب 71 لاکھ ڈالر تک جانے کا امکان ہے۔
مزید بتایا گیا کہ آئندہ تین سال میں ترسیلات زر 44 ارب 82 کروڑ ڈالر تک پہنچنے کی توقع ہے، رواں سال ترسیلات زر 39 ارب 43 کروڑ ڈالر رہنے کا تخمینہ ہے۔
وفاقی وزارت خزانہ نے بتایا کہ تین سال میں ملکی معیشت کا حجم ایک لاکھ 62 ہزار 513 ارب روپے تک بڑھنے کا امکان ہے، رواں سال ملکی معیشت کا حجم ایک لاکھ 29 ہزار 567 ارب روپے رہنے اور معاشی شرح نمو 4.2 فیصد سے بڑھ کر 5.7 فیصد تک جانے کا امکان ہے۔
اشتہار