عمر ایوب کے خلاف اثاثے چھپانے کا الزام، نااہلی ریفرنس الیکشن کمیشن کو ارسال
اشاعت کی تاریخ: 1st, June 2025 GMT
قومی اسمبلی کے اسپیکر ایاز صادق نے اپوزیشن لیڈر عمر ایوب کے خلاف نااہلی کا ریفرنس الیکشن کمیشن کو بھجوا دیا ہے۔
یہ بھی پڑھیں:دھاندلی تحقیقات: عمر ایوب نے اسلام آباد ہائیکورٹ کا فیصلہ عدالت عظمیٰ میں چیلنج کر دیا
یہ ریفرنس سابق رکن قومی اسمبلی بابر نواز کی جانب سے جمع کرایا گیا تھا، جس میں الزام عائد کیا گیا ہے کہ عمر ایوب نے اپنے اثاثوں کی تفصیلات میں غلط بیانی کی ہے۔
میڈیا رپورٹ کے مطابق ریفرنس میں مؤقف اختیار کیا گیا ہے کہ عمر ایوب نے متحدہ عرب امارات کے سرمایہ کاری ویزے اور اس سے حاصل ہونے والے منافع یا نقصان کو اپنے گوشواروں میں ظاہر نہیں کیا۔
مزید یہ کہ انہوں نے ایک کمپنی کے حصص اور منافع کو بھی چھپایا، جو آئین کے آرٹیکل 62 اور 63 کے تحت ان کی نااہلی کا باعث بن سکتا ہے۔
الیکشن کمیشن آف پاکستان نے اس ریفرنس کو سماعت کے لیے مقرر کر لیا ہے۔ اگر الزامات ثابت ہو جاتے ہیں تو عمر ایوب کی قومی اسمبلی کی رکنیت خطرے میں پڑ سکتی ہے۔
یہ بھی پڑھیں:آصف زرداری سندھ کا پانی بیچنے کے بعد اب مگرمچھ کے آنسو بہا رہے ہیں، عمر ایوب
یہ پیشرفت ملک کی سیاسی صورتحال پر گہرے اثرات مرتب کر سکتی ہے، خاص طور پر اپوزیشن کی قیادت میں ممکنہ تبدیلی کے تناظر میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپوزیشن بابر نواز عمر ایوب نااہلی ریفرنس.ذریعہ: WE News
کلیدی لفظ: اپوزیشن بابر نواز عمر ایوب نااہلی ریفرنس عمر ایوب
پڑھیں:
سمبڑیال ضمنی الیکشن، پی ٹی آئی کا دھاندلی کا الزام
شیخ وقاص اکرم—فائل فوٹوپاکستان تحریکِ انصاف نے سمبڑیال کے ضمنی الیکشن میں دھاندلی کا الزام لگا دیا۔
اسلام آباد میں پی ٹی آئی کے سیکریٹری اطلاعات شیخ وقاص اکرم نے پریس کانفرنس کرتے ہوئے کہا کہ دھاندلی کے لیے کل رات سے ہی آر او آفس کے باہر کنٹینرز کی دیواریں بنا دی گئی تھیں۔
پاکستان تحریکِ انصاف ( پی ٹی آئی) کے رہنما شبلی فراز کا کہنا ہے کہ احتجاجی سیاست دوبارہ سے شروع کرنے کے لیے پارٹی نے لائحہ عمل تیار کر لیا ہے۔
شیخ وقاص اکرم نے کہا کہ سمبڑیال میں ہی پی ٹی آئی کے ورکرز نکلے اور بڑا جلسہ کیا، سمبڑیال میں ہر جگہ پولنگ اسٹیشنز سے ہمارے نمائندوں کو نکالا گیا، پی ٹی آئی کے پولنگ ایجنٹوں کو مارا گیا اور تشدد کیا گیا، پولنگ اسٹیشن میں ن لیگ والے ہیں، ہمارےایجنٹس کو اندر جانے نہیں دیا جا رہا۔
وقاص اکرم نے کہا کہ پولنگ اسٹیشن 10 میں جب پی ٹی آئی کے لوگ پہنچے تو پولنگ ایجنٹ نےاسٹیشن ہی بند کر دیا، چیف الیکشن کمشنر مدت مکمل ہونے کے باوجود بیٹھے ہیں تو کیا کر رہے ہیں؟ جو ہیلپ لائنز ان لوگوں نے بنائی ہیں وہ کل سے مصروف رکھی گئی ہیں، صبح سے کسی بھی اسٹیشن پر کوئی چیک اینڈ بیلنس پالیسی نظر نہیں آئی۔
عیدالاضحیٰ کا چاند دیکھنے کیلئے مرکزی رویت ہلال کمیٹی کا اجلاس کل ہو گا۔