عید الاضحی پر گیس کی سپلائی کا خصوصی شیڈول جاری
اشاعت کی تاریخ: 6th, June 2025 GMT
سوئی سدرن گیس کمپنی نے عید الاضحی کے موقع پر گیس کی سپلائی کے حوالے سے خصوصی شیڈول جاری کر دیا ہے۔ کمپنی کے مطابق، عید کے پہلے دن صبح 5 بجے سے گیس کی سپلائی شروع ہو گی۔سوئی سدرن کی جانب سے جاری کردہ بیان میں کہا گیا ہے کہ عید کے تینوں دن گیس کی فراہمی بلا تعطل جاری رہے گی، اور رات کے اوقات میں بھی گیس کی سپلائی بند نہیں ہوگی۔ خاص طور پر عید کے تیسرے دن گیس کی سپلائی رات 12 بجے تک جاری رکھی جائے گی۔یہ اقدام شہریوں کو عید کی خوشیوں میں بلا رکاوٹ گیس کی فراہمی کو یقینی بنانے کے لیے کیا گیا ہے، تاکہ عید کی تعطیلات کے دوران گیس کی قلت کا سامنا نہ ہو۔سوئی سدرن گیس کمپنی نے عوام سے اپیل کی ہے کہ وہ گیس کے استعمال میں احتیاط کریں تاکہ کسی بھی قسم کی پریشانی سے بچا جا سکے۔
.ذریعہ: Nawaiwaqt
کلیدی لفظ: گیس کی سپلائی
پڑھیں:
کراچی: بارہویں ہوم اکنامکس اور آرٹس ریگولر کے خصوصی امیدواروں کے نتائج کا اعلان
—جنگ فوٹوزاعلیٰ ثانوی تعلیمی بورڈ کراچی نے انٹرمیڈیٹ بارہویں جماعت کے ہوم اکنامکس اور خصوصی امیدواروں (آرٹس ریگولر) گروپس کے سالانہ امتحانات برائے 2025ء کے نتائج کا اعلان کر دیا۔
بورڈ کی تاریخ میں پہلی مرتبہ محکمۂ تعلیم کی اسٹیرنگ کمیٹی کی مقررہ ڈیڈ لائن سے قبل جولائی میں نتائج کا اعلان کیا گیا۔
چیئرمین انٹر بورڈ کراچی فقیر محمد لاکھو نے نتائج کا اعلان کرتے ہوئے بتایا کہ ہوم اکنامکس گروپ کے امتحانات میں رعنا لیاقت علی خان گورنمنٹ کالج آف ہوم اکنامکس کی طالبہ ارم فیصل بنت فیصل احمد رول نمبر 2045 نے ٹوٹل 1200 نمبرز میں سے 1054 نمبرز اے ون گریڈ کے ساتھ پہلی پوزیشن حاصل کی۔
انہوں نے بتایا کہ ایمان ہاشمی بنتِ شجاعت علی رول نمبر 2044 نے 988 نمبرز اے ون گریڈ کے ساتھ دوسری پوزیشن جبکہ شانزہ نایاب بنت محمد عامر رول نمبر 2135 نے 980 نمبرز اے ون گریڈ کے ساتھ تیسری پوزیشن حاصل کی۔
چیئرمین انٹر بورڈ کراچی کے مطابق خصوصی امیدواروں کے امتحانات میں دیوا ہائر سیکنڈری اسکول کی طالبہ سیدہ فاریہ بنت سید احسن رشید رول نمبر 995539 نے ٹوٹل 1100 میں سے 960 نمبرز اے ون گریڈ کے ساتھ پہلی پوزیشن، دیوا ہائر سیکنڈری اسکول کی ہی طالبہ بریرا اسلام بنت شوکت اسلام رانا رول نمبر 995533 نے 925 نمبرز اے ون گریڈ کے ساتھ دوسری پوزیشن جبکہ IDA-RIEU اسکول اینڈ کالج فار دی ڈیف کی طالبہ ایمان الشمس بنت شمس الحق رول نمبر 995502 نے 920 نمبرز اے ون گریڈ کے ساتھ تیسری پوزیشن حاصل کی۔
ناظم امتحانات زرینہ راشد نے تفصیلات بتاتے ہوئے کہا کہ ہوم اکنامکس گروپ کے امتحانات میں 198طالبات نے رجسٹریشن حاصل کی، 189 طالبات امتحانات میں شریک ہوئیں جن میں سے 112 طالبات کامیاب ہوئیں، اس طرح کامیابی کا تناسب 59.26 فیصد رہا۔
انہوں نے بتایا کہ ان امتحانات میں 9 طالبات اے ون گریڈ، 24 اے گریڈ، 30 بی گریڈ، 31 سی گریڈ اور 18 ڈی گریڈ میں کامیاب قرار پائیں۔
ناظم امتحانات زرینہ راشد نے بتایا کہ خصوصی امیدواروں (آرٹس ریگولر گروپ) کے امتحانات میں 116 امیدواروں نے رجسٹریشن حاصل کی، 114 امیدوار امتحانات میں شریک ہوئے جن میں سے 103 امیدوار کامیاب قرار پائے، اس طرح کامیابی کا تناسب 90.35 فیصد رہا۔
ان کا یہ بھی کہنا ہے کہ ان امتحانات میں 19 امیدوار اے ون گریڈ، 55 اے گریڈ، 27 بی گریڈ اور 2 امیدوار سی گریڈ میں کامیاب ہوئے۔
اسلام آباد ایکسائز ڈیپارٹمنٹ کی شاندار کارکردگی، ٹیکس وصولی کا نیا ریکارڈ قائم