ایکسیئم-4 مشن کی پرواز منسوخ، اسپیس ایکس نے فالکن 9 راکٹ میں لیکیج کا پتا لگایا
اشاعت کی تاریخ: 11th, June 2025 GMT
اسپیس ایکس اور ایکسیئم اسپیس کی جانب سے بین الاقوامی خلائی اسٹیشن کے لیے طے شدہ چوتھے نجی خلائی مشن ایکسیئم-4 کی روانگی ایک بار پھر ملتوی کر دی گئی ہے، یہ فیصلہ فالکن 9 راکٹ میں مائع آکسیجن کے اخراج کا پتا چلنے کے بعد کیا گیا۔
منگل کی شب اسپیس ایکس نے ایکس پر جاری ایک بیان میں کہا کہ فالکن 9 راکٹ میں لیکیج کی مرمت کے لیے وقت درکار ہے، اس لیے ایکسیئم-4 کا بدھ کا لانچ مؤخر کیا جا رہا ہے۔ ’مرمت مکمل ہونے اور رینج کی دستیابی کے بعد نئی تاریخ کا اعلان کیا جائے گا۔‘
Standing down from tomorrow’s Falcon 9 launch of Ax-4 to the @Space_Station to allow additional time for SpaceX teams to repair the LOx leak identified during post static fire booster inspections.
— SpaceX (@SpaceX) June 11, 2025
اس سے قبل منگل کی صبح ہونے والا پہلا شیڈول بھی ناسا کے کینیڈی اسپیس سینٹر پر تیز ہواؤں کے باعث منسوخ کردیا گیا تھا، فالکن 9 راکٹ کو بدھ کی ایسٹرن ڈے لائٹ ٹائم کے مطابق صبح 8 بجے دوبارہ روانہ کرنے کا منصوبہ تھا، جبکہ ایک متبادل وقت جمعرات کی صبح 7:37 بجے مختص کیا گیا تھا۔
ایکسیئم-4 مشن کی تفصیلاتایکسیئم اسپیس، جو ہیوسٹن میں قائم ایک نجی کمپنی ہے، 2030 سے قبل دنیا کا پہلا تجارتی خلائی اسٹیشن تعمیر کرنے کے منصوبے پر کام کر رہی ہے، ایکسیئم-4 مشن کی قیادت پیگی وِٹسن کر رہی ہیں، جو ناسا کی سابق خلا نورد اور اب ایکسیئم اسپیس میں انسانی خلائی پروازوں کی ڈائریکٹر ہیں۔
65 سالہ پیگی وِٹسن کی سربراہی میں اس تجارتی مشن کے دیگر عملے میں انڈین اسپیس ریسرچ آرگنائزیشن کے پائلٹ شبھانشو شکلا، پولینڈ سے تعلق رکھنے والے اور یورپی خلائی ایجنسی سے وابستہ سلاوش اوزنانسکی-ویشنیوسکی اور ہنگری سے تعلق رکھنے والے تیبور کاپو شامل ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیس ایکس ایکسیئم اسپیس ایکسیئم-4 بین الاقوامی خلائی اسٹیشن پیگی وِٹسن خلائی مشن راکٹ فالکن 9 لیکیج مائع آکسیجنذریعہ: WE News
کلیدی لفظ: اسپیس ایکس ایکسیئم اسپیس ایکسیئم 4 بین الاقوامی خلائی اسٹیشن خلائی مشن راکٹ فالکن 9 لیکیج ایکسیئم اسپیس اسپیس ایکس ایکسیئم 4
پڑھیں:
امارات نے تنزانیا میں بدامنی کے باعث پروازیں منسوخ کر دیں
data-id="863a0a8" data-element_type="widget" data-widget_type="theme-post-content.default">
251104-06-5
ابوظی (انٹرنیشنل ڈیسک) امارات نے بد امنی کی وجہ سے تنزانیا کے لیے پروازیں منسوخ کر دیں۔ سرکاری ائرلائن نے 4 نومبر تک دارالسلام جانے اور آنے والی تمام پروازیں معطل کر دی ہیں کیونکہ بدامنی تنزانیہ کے تجارتی دارالحکومت اور مقبول سیاحتی گیٹ وے کو متاثر کر رہی ہے۔ بیان میں 31 اکتوبر سے شروع ہونے والی 10 پروازیں دبئی سے 5روانگی اور 5واپسی کی منسوخ کرنے کا اعلان کیا گیا۔حکام کا کہنا ہے کہ ہم صورتحال پر گہری نظر رکھے ہوئے ہیں اور اپنے صارفین کو ہونے والی کسی بھی تکلیف کے لیے معذرت خواہ ہیں۔ سرکاری ائرلائن ایمریٹس اس روٹ پر روزانہ پروازیں چلاتی ہے جو متحدہ عرب امارات کے مسافروں کو تنزانیا کے ساحلوں، سفاری مقامات اور زنجبار کے جزائر سے جوڑتا ہے۔ مشرقی افریقی ملک تنزانیا میں متنازع صدارتی انتخابات کے خلاف مظاہروں میں 700 افراد ہلاک ہو چکے ہیں۔ مشتعل مظاہرین نے دارالسلام ایئرپورٹ پر دھاوا بول دیا، سڑکوں پر بسوں، پٹرول پمپس اور پولیس اسٹیشنز کو بھی آگ لگا دی گئی اور کئی پولنگ مراکز تباہ کر دیے۔ تنزانیا کی اپوزیشن جماعت کے ترجمان کے مطابق دارالسلام میں 350 اور موانزا میں 200 سے زائد افراد مارے گئے ہیں۔
آزاد کشمیر، تحریکِ عدم اعتماد آج بھی پیش نہیں کی جا سکی