ملک کے بیشتر علاقے گرمی کی لپیٹ میں؛ گرم موسم کی شدت کب تک رہے گی؟
اشاعت کی تاریخ: 11th, June 2025 GMT
ملک کے بیشتر علاقے اس وقت گرمی کی لپیٹ میں ہیں، دوسری جانب محکمہ موسمیات نے موسم کی شدت کے حوالے سے پیش گوئی بھی جاری کی ہے۔
محکمہ موسمیات کے مطابق ملک کے مختلف حصوں میں شدید گرمی کی لہر بدستور جاری ہے اور یہ صورتِ حال جمعرات تک برقرار رہنے کا امکان ہے۔
11 اور 12 جون کے دوران ملک کے بالائی علاقوں بشمول وسطی و بالائی پنجاب، اسلام آباد، خیبرپختونخوا، کشمیر اور گلگت بلتستان میں دن کے وقت درجہ حرارت معمول سے 5 سے 7 ڈگری سینٹی گریڈ تک زائد رہے گا جب کہ جنوبی علاقوں جیسے بالائی و وسطی سندھ، جنوبی پنجاب اور بلوچستان میں درجہ حرارت 4 سے 6 ڈگری سینٹی گریڈ تک زیادہ ریکارڈ ہونے کا امکان ہے۔
محکمہ موسمیات نے عوام کو خبردار کیا ہے کہ وہ صبح 11 بجے سے شام 4 بجے تک براہ راست سورج کی روشنی میں نکلنے سے گریز کریں اور پانی کا زیادہ استعمال کریں تاکہ ہیٹ اسٹروک جیسے خطرناک اثرات سے بچا جا سکے۔
بدھ اور جمعرات کے روز ملک کے بیشتر میدانی علاقوں میں موسم نہایت گرم رہے گا اور ان دنوں دوپہر کے بعد تیز اور گرد آلود ہوائیں چلنے کا بھی امکان ہے، جس سے صورتِ حال مزید پیچیدہ ہو سکتی ہے۔
پنجاب کے بیشتر اضلاع میں بھی شدید گرمی کی پیش گوئی کی گئی ہے۔ ملتان، بہاولپور اور ڈیرہ غازی خان میں تیز ہواؤں کے ساتھ ساتھ گرد آلود فضا متوقع ہے۔
درجہ حرارت کی تفصیل کے مطابق بہاولپور، راولپنڈی اور ساہیوال میں 44 سے 46 ڈگری سینٹی گریڈ، ملتان، فیصل آباد، لاہور اور اٹک میں 45 سے 47 ڈگری سینٹی گریڈ جب کہ ڈیرہ غازی خان، سرگودھا، چکوال اور جہلم میں درجہ حرارت 46 سے 49 ڈگری سینٹی گریڈ تک پہنچنے کا امکان ہے۔
شہروں کی موجودہ صورت حال پر نظر ڈالیں تو ملتان میں درجہ حرارت 46 ڈگری سینٹی گریڈ اور نمی کا تناسب 56 فیصد، ڈیرہ غازی خان میں 46 ڈگری اور نمی 42 فیصد، سرگودھا میں 47 ڈگری اور نمی 52 فیصد جب کہ لاہور میں 46 ڈگری اور نمی 36 فیصد ریکارڈ ہونے کی پیش گوئی کی گئی ہے۔ فیصل آباد، اٹک، جہلم اور ساہیوال میں بھی گرمی کی شدت معمول سے کہیں زیادہ رہنے کی توقع ہے۔
شدید گرمی کے باعث محکمہ موسمیات اور ماہرین صحت نے شہریوں سے اپیل کی ہے کہ وہ غیر ضروری طور پر گھروں سے باہر نہ نکلیں، خاص طور پر بزرگ، بچے اور بیمار افراد سخت احتیاط برتیں۔
دھوپ میں کام کرنے والے افراد کو بھی مشورہ دیا گیا ہے کہ وہ سایہ دار جگہوں پر قیام کریں، پانی اور نمکیات کا استعمال بڑھا دیں تاکہ ہیٹ اسٹروک، لو لگنے یا پانی کی کمی جیسے مسائل سے بچا جا سکے۔
.
ذریعہ
ذریعہ: Express News
کلیدی لفظ: ڈگری سینٹی گریڈ محکمہ موسمیات امکان ہے کے بیشتر گرمی کی ملک کے
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع