سعودی عرب سے146 حجاج کو لے کرپہلی پرواز کراچی پہنچ گئے
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: سعودی عرب سے 146 حجاج کو لے کر پہلی پرواز کراچی پہنچ گئی۔
رپورٹ کے مطابق جدہ سے حاجیوں کو لے کرایئربلیو کی پہلی حج پرواز 146 حجاج کو لے کر جناح انٹرنیشنل ایئرپورٹ کراچی پہنچ گئی۔
جناح انٹرنیشنل ایئرپورٹ کراچی میں صوبائی وزیر مذہبی امور ریاض حسین شاہ شیرازی نے حجاج کرام کا استقبال کیا جبکہ اس موقع پر سی او او، اے پی ایم جناح انٹرنیشنل ایئرپورٹ عدنان خان نے حجاج کرام کو خوش آمدید کہا۔
جبکہ ڈائریکٹر حج سید امتیاز علی شاہ، کسٹمز، ہیلتھ اور ایئرلائن کے نمائندگان بھی استقبال کے لیے موجود تھے۔
پی اے اے کے مطابق حجاج کے سامان کی جلد از جلد ترسیل کے لیے علیحدہ بیلٹ اور اضافی عملہ مختص کیا گیا ہے۔
.ذریعہ: Jasarat News
پڑھیں:
پی آئی اے کی پہلی بعد از حج پرواز کراچی پہنچ گئی، ایئر لائن حکام نے استقبال کیا
تصویر سوشل میڈیا۔
حجاج کرام کو وطن واپس پہنچانے کیلئے جدہ سے قومی ایئر لائن کی بعد از حج پروازیں مختلف شہروں میں آنا شروع ہوگئیں۔
کراچی سے ترجمان کے مطابق قومی ایئر لائن کی پہلی حج پرواز پی کے 836 سے 318 حجاج کرام کو لے کر آج دوپہر جناح انٹرنیشنل ایئر پورٹ کراچی پہنچی۔
ترجمان قومی ایئر لائن کے مطابق کراچی ایئر پورٹ پر قومی ایئر لائن کے حکام سمیت دیگر نے حجاج کرام کا استقبال کیا اور پھولوں کے ہار پہنائے۔
ترجمان قومی ایئر لائن کے مطابق بعد از حج پروازوں کا سلسلہ جاری ہے، اب تک جدّہ سے 1000 سے زائد حجاج کو وطن واپس پہنچایا جا چکا ہے۔
ترجمان کے مطابق پی آئی اے کا 10جون سے شروع ہونے والا بعد از حج آپریشن 10 جولائی تک جاری رہے گا۔
ترجمان قومی ایئر لائن کے مطابق چیف ایگزیکٹو آفیسر ایئر وائس مارشل عامر حیات بعد از حج آپریشن کی براہ راست نگرانی کر رہے ہیں۔
وفاقی وزیر ریلوے کا خانیوال سٹیشن پر مسافر پل کا حصہ گرنے کے واقعے کا نوٹس، اعلی سطحی انکوائری کمیٹی قائم کر دی