5 ملین ڈالر میں امریکا کی مستقل شہریت، ویب سائٹ کا آغاز
اشاعت کی تاریخ: 12th, June 2025 GMT
گولڈن ویزے کے اجرا کا اعلان ایسے وقت میں سامنے آیا ہے جب امریکا میں تارکین وطن کے خلاف سخت کریک ڈاؤن جاری ہے۔ اسلام ٹائمز۔ امریکی صدر ڈونلڈ ٹرمپ نے ایک نئی ویب سائٹ کا افتتاح کردیا جس میں انھوں نے بتایا کہ امریکا کی مستقل شہریت کے خواشمند افراد اب 5 ملین ڈالرز کے عوض گولڈن ویزے کے لیے ’ٹرمپ کارڈ ڈاٹ جی او وی‘ کی ویب سائٹ پر درخواستیں جمع کروا سکتے ہیں۔ بین الاقوامی خبررساں ادارے ’اے ایف پی‘ کے مطابق 5 ملین ڈالرز میں امریکا کی مستقل رہائش کے لیے درخواستیں جمع کرائی جاسکتی ہیں۔
صدر ڈونلڈ ٹرمپ نے سوشل میڈیا سائٹ ٹروتھ پر لکھا کہ ہزاروں کی تعداد میں لوگ ان سے گولڈن ویزہ کے حصول سے متعلق پوچھ رہے تھے کہ کس طرح وہ لوگ دنیا کے عظیم ملک اور مارکیٹوں تک رسائی حاصل کرسکتے ہیں۔ ٹرمپ نے اپریل میں اپنے جہاز ’ایئرفورس ون‘ میں پہلی مرتبہ اس ویزے سے متعلق بتایا تھا، سنہری رنگ کے حامل ’گولڈن کارڈ‘، جس پر ڈونلڈ ٹرمپ کی تصویر بھی نمایاں ہے، سے متعلق کہا گیا تھا کہ یہ 2 ہفتوں سے بھی کم وقت میں دستیاب ہو جائے گا۔
تاحال گولڈن ویزے کے خواہشمند افراد کو ویزے تو نہیں ملے لیکن ویزوں کے لیے درخواستوں کی وصولی کا سلسلہ باقاعدہ طور پر شروع کر دیا گیا ہے۔ امریکا میں مستقل رہائش کے خواہشمند حضرات اپنے نام، ای میل ایڈریس اور متعلقہ ویزہ سے متعلق ویب سائٹ پر اپنا اندراج کر سکتے ہیں۔ امریکی صدرکی جانب سے گولڈن ویزے کے اجرا کا اعلان ایسے وقت میں سامنے آیا ہے جب امریکا میں تارکین وطن کے خلاف سخت کریک ڈاؤن جاری ہے۔
اسی طرح ٹرمپ انتطامیہ کو متعدد کیسز کا سامنا ہے اور ساتھ ہی امیگریشن قوانین کے خلاف احتجاج کرنے والے شہریوں پر کریک ڈاؤن پر بنیادی حقوق کی خلاف ورزی کے الزامات کا بھی سامنا ہے۔ ٹرمپ کا کہنا تھا کہ گولڈن کارڈ کی مدد سے ’مہنگی امریکی شہریت‘ کا راستہ کھلے گا، انھوں نے فروری 2025 میں کہا تھا کہ اُن کی انتطامیہ تقریباً 10 لاکھ کے قریب گولڈن کارڈز فروخت کرے گی، لیکن انھوں نے اس امکان کو بھی مسترد نہیں کیا کہ جس میں روسی کاروباری شخصیات (اولیگارچ) بھی گولڈن کارڈز کی اہل ہو سکتی ہیں۔
ذریعہ: Islam Times
کلیدی لفظ: گولڈن ویزے کے ویب سائٹ
پڑھیں:
پاکستان اور امریکا کے درمیان تجارتی معاہدے سے متعلق اہم پیشرفت
پاکستان اور امریکہ کے درمیان تجارتی معاہدے سے متعلق اہم پیشرفت ہوئی جس کے مذاکرات کی تکمیل کیلیے وزیر خزانہ سینیٹر محمد اورنگزیب واشنگٹن روانہ ہوگئے۔
وزارت خزانہ کے مطابق وفاقی وزیرخزانہ محمد اورنگزیب کے دورہ امریکہ کے دوران پاک، امریکا ٹریڈ ڈائیلاگ پر حتمی بات چیت ہوگی، تجارتی معاہدے سے دونوں ممالک کی معیشتوں کو فائدہ ہو گا۔
وزارت خزانہ کے اعلامیے میں کہا گیا ہے کہ پاک اور امریکا میں مضبوط تجارتی تعلقات اہم ستون ہیں امریکا پاکستان کاسب سے بڑا تجارتی شراکت دار ہے۔ پاکستان دوطرفہ تجارت کو روایتی و غیرروایتی شعبوں تک بڑھانا چاہتا ہے۔
اعلامیے کے ماطبق پاکستان میں آئی ٹی، معدنیات، زراعت میں شراکت داری کے وسیع مواقع موجود ہیں اور وزیرخزانہ کا دورہ تجارتی تعلقات مضبوط بنانے کی کڑی ہے۔
وزیرخزانہ محمد اورنگزیب کا کہنا ہے کہ پاکستان اور امریکا کے درمیان تجارتی تعلقات میں مزید بہتری کے امکانات روشن ہیں۔
اس سے قبل وزیر خزانہ محمد اورنگزیب کی سربراہی میں پاکستانی وفد نے دورہ واشنگٹن کیا، وزیرخزانہ نے اس دوران امریکی وزیرخزانہ، تجارتی نمائندے یوایس ٹی آر سے ملاقات کی ملاقاتیں بھی کی تھیں۔
اعلامیے کے مطابق پاک امریکا تجارتی تعلقات اور سرمایہ کاری میں فروغ کے عزم کا اعادہ کیا گیا، پاکستانی وفد نے امریکی سیکریٹری کامرس سے بھی ملاقات کی۔
وزیرخزانہ کی سربراہی میں امریکی تجارتی نمائندے جیمیسن گریئر سے بھی ملاقات ہوئی، جہاں دونوں نے تجارت اور معاشی تعلقات کو دوطرفہ تعلقات کا اہم ستون قرار دیا ہےْ
وزیرخزانہ نے کہا ہے کہ امریکا پاکستان کا سب سے بڑا تجارتی شراکت دارہے، پاکستان روایتی اور غیر روایتی شعبہ جات میں تعاون کو فروغ دینا چاہتا ہے، پاکستان آئی ٹی، معدنیات، زراعت اور دیگر شعبوں کو وسعت دینے کا خواہش مند ہے۔
’ہمیں ہیلی کاپٹر نہیں، سڑک چاہیے‘ حاملہ خاتون کا بھارتی سیاستدان کو جواب