گرمی کے ستائے شہریوں کے لیے اچھی خبر، آج سے 16 جون کے دوران موسلادھار بارشوں کی پیشگوئی
اشاعت کی تاریخ: 13th, June 2025 GMT
اسلام آباد(نیوز ڈیسک)محکمہ موسمیات نے بتایا ہے کہ 13 سے 16 جون کے دوران ملک کے بالائی، وسطی اور مغربی علاقوں میں گرج چمک کے ساتھ موسلادھار بارشیں، آندھی اور ژالہ باری کا امکان ہے، جس سے نشیبی علاقوں میں اربن فلڈنگ اور لینڈ سلائیڈنگ جیسے خطرات بھی لاحق ہو سکتے ہیں۔
محکمہ موسمیات کے مطابق، مغربی ہواؤں کا ایک طاقتور سلسلہ 13 جون کو ملک کے مغربی علاقوں میں داخل ہوگا، جو اگلے چند روز میں پنجاب، خیبرپختونخوا، گلگت بلتستان، آزاد کشمیر اور شمالی بلوچستان کے متعدد علاقوں کو متاثر کرے گا۔
وفاق اور پنجاب
13 سے 16 جون کے دوران اسلام آباد، راولپنڈی، مری، گلیات، لاہور، سیالکوٹ، نارووال، فیصل آباد، گوجرانوالہ، سرگودھا، ملتان، بہاولپور، لیہ، ڈیرہ غازی خان، خوشاب، میانوالی اور دیگر علاقوں میں بارش، آندھی اور ژالہ باری کا امکان ہے۔
خیبرپختونخوا
پشاور، چترال، سوات، دیر، مانسہرہ، ایبٹ آباد، کوہاٹ، بنوں، لکی مروت، کرک، ڈی آئی خان اور آس پاس کے اضلاع میں شدید بارش اور ژالہ باری ہو سکتی ہے۔
بلوچستان
ژوب، بارکھان، سبی، کوہلو اور ملحقہ علاقوں میں تیز ہواؤں کے ساتھ موسلادھار بارش کی پیش گوئی ہے۔
ممکنہ اثرات اور احتیاطی تدابیر
شہری علاقوں میں بارش کے دوران نشیبی علاقوں میں اربن فلڈنگ کا خطرہ ہے۔
پہاڑی علاقوں میں بارش کے باعث لینڈ سلائیڈنگ ہو سکتی ہے، جس سے ٹریفک کی روانی متاثر ہونے کا خدشہ ہے۔
کسانوں کو فصلوں اور مویشیوں کے تحفظ کے لیے ضروری اقدامات کرنے کی ہدایت کی گئی ہے۔
متعلقہ اداروں، ضلعی انتظامیہ اور ریسکیو اداروں کو الرٹ رہنے کی ہدایت جاری کی گئی ہے۔
موسمی ایڈوائزری پر عمل کریں، محکمہ موسمیات
حکمہ موسمیات نے عوام کو تاکید کی ہے کہ وہ موسم کی تازہ ترین معلومات کے لیے محکمہ موسمیات کی ویب سائٹ وزٹ کریں اور موسمی ایڈوائزری پر عمل کریں۔
مزید پڑھیں: ایران کیخلاف اسرائیلی حملوں کے بعد پی آئی اے کی پروازوں کا روٹ تبدیل
ذریعہ
ذریعہ: Daily Ausaf
کلیدی لفظ: محکمہ موسمیات علاقوں میں کے دوران
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع