سشانت سنگھ راجپوت کی پانچویں برسی پر بہن کا جذباتی پیغام
اشاعت کی تاریخ: 14th, June 2025 GMT
بھارتی فلم انڈسٹری کے مقبول اداکار سشانت سنگھ راجپوت کی پانچویں برسی پر ان کی بہن شویتا سنگھ کیرتی نے سوشل میڈیا پر ایک جذباتی پیغام شیئر کیا ہے، جو مداحوں کے دلوں کو چھو گیا۔
شویتا نے انسٹاگرام پر ایک ویڈیو پوسٹ کرتے ہوئے کہا کہ ‘آج بھائی کی پانچویں برسی ہے، 14 جون 2020 کو ان کی موت کے بعد سے بہت کچھ بدل چکا ہے، اب سی بی آئی نے رپورٹ عدالت میں جمع کروا دی ہے اور ہم اسے حاصل کرنے کے مرحلے میں ہیں، لیکن آج میں بس یہ کہنا چاہتی ہوں کہ چاہے کچھ بھی ہو جائے، دل ہارنا نہیں ہے، اور نہ ہی خدا یا اچھائی پر سے ایمان کھونا ہے’۔
A post shared by Shweta Singh Kirti (@shwetasinghkirti)
انہوں نے سشانت کی شخصیت کو یاد کرتے ہوئے کہا کہ ‘ہمیشہ یاد رکھنا کہ ہمارا سشانت کس چیز کے لیے کھڑا تھا، خلوص، زندگی اور علم کے لیے نہ ختم ہونے والا شوق، محبت سے بھرپور دل، جو سب کے ساتھ برابری کا سلوک کرتا تھا اور خیرات میں یقین رکھتا تھا’۔
شویتا نے زور دیا کہ سشانت کی میراث کو منفی جذبات سے آلودہ نہ کیا جائے، ان کا کہنا تھا کہ ‘بھائی کہیں گیا نہیں ہے، یقین کریں، وہ آپ میں ہے، مجھ میں ہے، ہم سب میں ہے، جب بھی ہم دل سے محبت کرتے ہیں، جب بھی ہم زندگی کے لیے بچوں جیسی معصومیت رکھتے ہیں، جب بھی ہم کچھ نیا سیکھنے کی جستجو رکھتے ہیں، ہم سشانت کو زندہ رکھتے ہیں’۔
انہوں نے اپیل کی کہ ‘کبھی بھی بھائی کے نام کو منفی پیغامات کے لیے استعمال نہ کریں، وہ ایسا نہیں چاہتا تھا، دیکھیں اس نے کتنے لوگوں کے دل و دماغ کو چھوا، اس کی میراث کو زندہ رکھیں، آپ وہ جلتی ہوئی شمع بنیں جو دوسری شمعیں روشن کرے تاکہ اس کی روشنی پھیلتی رہے’۔
اس ویڈیو کے ساتھ شویتا نے کچھ یادگار تصاویر بھی شیئر کیں، جن میں سشانت کے ساتھ سیلفی اور ان کے والد کے ساتھ بھی ایک تصویر شامل تھی۔
کیپشن میں انہوں نے لکھا کہ ‘اس کی مسکراہٹ اور آنکھوں میں بچپن جیسی معصومیت تھی جو کسی کے بھی دل کو محبت سے بھر دیتی تھی، یہی تھا ہمارا سشانت، اور یہی ہمیں بننا ہے’۔
سشانت سنگھ کی موت
سشانت سنگھ راجپوت کی لاش 14 جون 2020 کو ممبئی کے علاقے باندرہ میں ان کے فلیٹ سے ملی تھی۔
ابتدائی طور پر اسے خودکشی قرار دیا گیا، تاہم جلد ہی یہ کیس ملک بھر میں بحث کا مرکز بن گیا، لاکھوں مداحوں اور اہلِ خانہ نے اداکار کی موت پر سوالات اٹھائے اور سی بی آئی سے تحقیقات کا مطالبہ کیا۔
اداکار سشانت سنگھ راجپوت کی موت کے بعد انکی سابقہ گرل فرینڈ ریا چکرورتی پر مختلف الزامات عائد کیے گئے تھے جن میں خودکشی کے لیے اکسانا، ذہنی اذیت پہنچانا،اور سشانت کے پیسوں کی چوری بھی شامل تھی، تاہم حال ہی میں سی بی آئی نے ریا کو کلین چٹ دیتے ہوئے ایک کلوزر رپورٹ درج کرادی ہے۔
Post Views: 5.ذریعہ: Daily Mumtaz
کلیدی لفظ: سشانت سنگھ راجپوت کی کے ساتھ کی موت کے لیے
پڑھیں:
گورو نانک برسی، بھارت نے سکھ یاتریوں کو آنے کی اجازت نہ دی
لاہور:سکھ مذہب کے بانی باباگورونانک دیو جی کی 486 ویں برسی (جوتی جوت) کی تقریبات 22 ستمبرکو گردوارہ دربار صاحب کرتارپور میں منعقد ہوں گی۔
پاکستان کی دعوت کے باوجود بھارتی حکومت نے اپنے سکھ یاتریوں کو پاکستان آنے کی اجازت نہیں دی۔
واہگہ/ اٹاری باردڑ اورکرتارپورکوریڈور بند ہونے کے باعث بھارت سے کوئی یاتری شریک نہیں ہو سکے گا۔
البتہ امریکا، برطانیہ اور یورپ سمیت دیگر ممالک سے سکھ عقیدت مند پہنچ رہے ہیں۔
پاکستان سکھ گردوارہ پربندھک کمیٹی کے سربراہ سردار رمیش سنگھ اروڑہ نے کہا ہے کہ سکھوں کو ان کے مقدس مقامات کی یاتراسے روکنا بنیادی مذہبی حقوق کی خلاف ورزی ہے ۔
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم