محرم الحرام، کمشنر کوہاٹ اور آر پی او کا پاراچنار شہر کا دورہ
اشاعت کی تاریخ: 19th, June 2025 GMT
انہوں نے مرکزی امام بارگاہ پاراچنار، مرکزی مسجد اہلِ سنت والجماعت، جلوس کے مقررہ راستوں اور ان پر جاری اسفالٹنگ کے کام کا معائنہ کیا۔ اسلام ٹائمز۔ محرم الحرام کے دوران امن و امان اور سہولیات کی فراہمی کو یقینی بنانے کے لیے کمشنر کوہاٹ سید معتصم باللہ شاہ نے آر پی او کوہاٹ عابد مجید مروت کے ہمراہ پاراچنار شہر کا تفصیلی دورہ کیا۔ انہوں نے مرکزی امام بارگاہ پاراچنار، مرکزی مسجد اہلِ سنت والجماعت، جلوس کے مقررہ راستوں اور ان پر جاری اسفالٹنگ کے کام کا معائنہ کیا۔ اس موقع پر ڈپٹی کمشنر کرم اشفاق خان، ڈی پی او کرم ملک حبیب خان، ایکسئین سی اینڈ ڈبلیو، ٹی ایم او اور دیگر متعلقہ محکموں کے افسران بھی ان کے ہمراہ موجود تھے۔ کمشنر کوہاٹ نے جلوس کے تمام راستوں پر صفائی، روشنی، نکاسی آب اور سیکیورٹی کے انتظامات کے حوالے سے متعلقہ محکمہ جات کے سربراہان کو ہدایت جاری کی کہ وہ تمام کام محرم الحرام سے پہلے پہلے مکمل کریں۔ تاکہ عزاداروں کو کسی قسم کی تکلیف کا سامنا نہ ہو۔ انہوں نے کہا کہ تمام محکمے باہمی تعاون سے امن و امان کے قیام اور سہولیات کی فراہمی کے لیے اپنی ذمہ داریاں احسن طریقے سے ادا کریں، تاکہ محرم الحرام کا مہینہ پرامن طریقے سے گزر سکے۔
.
ذریعہ
ذریعہ: Islam Times
کلیدی لفظ: محرم الحرام
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ