بلوچستان: 6 کروڑ کی لاگت سے بنائی گئی ڈیجیٹل لائبریری کا افتتاح
اشاعت کی تاریخ: 19th, June 2025 GMT
کولاج بشکریہ فیس بُک
بلوچستان کے ساحلی شہر گوادر میں چھ کروڑ روپے کی لاگت سے بنائی جانے والی ڈیجیٹل لائبریری کا افتتاح کردیا گیا۔
لائبریری کا افتتاح وزیرِ اعلیٰ بلوچستان سرفراز بگٹی نے گوادر جاکر کیا۔
اس موقع پر ڈپٹی کمشنر گوادر حمود الرحمان نے کہا کہ یہ لائبریری مخیّر حضرات کے تعاون سے قائم کی گئی ہے، ظہور شاہ ہاشمی ڈیجیٹل لائبریری میں تین لاکھ سے زائد ڈیجیٹلائزڈ کتب اور ہزاروں چھپی ہوئی کتابیں بھی مطالعے کےلیے دستیاب ہیں۔
ڈپٹی کمشنر گوادر حمود الرحمان نے بتایا کہ ڈیجیٹل لائبریری پر 6 کروڑ روپے کی لاگت آئی ہے۔
ڈپٹی کمشنر گوادر کا مزید کہنا تھا کہ لائبریری میں مقابلہ جاتی امتحانات کی تیاری کرنے والے طلبہ کےلیے ہالز قائم کیے گئے ہیں، ان ہالز کو اہم قومی شخصیات سے منسوب کیا گیا ہے۔
ان کا یہ بھی کہنا تھا کہ لائبریری کی عمارت مکمل ایئر کنڈیشنڈ اور سولر سسٹم سے لیس ہے۔
.
ذریعہ
ذریعہ: Jang News
کلیدی لفظ: ڈیجیٹل لائبریری
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے