الاسکا بیٹریز نے ایمرجنگ برانڈ آف دی ایئر 2025” ایوارڈ جیت لیا
اشاعت کی تاریخ: 29th, October 2025 GMT
ایس۔ایم۔جے انٹرنیشنل انڈسٹریز (پرائیویٹ) لمیٹڈ کے تحت تیار کی جانے والی الاسکا بیٹریز کو شاندار کارکردگی اور پاکستان کے توانائی کے شعبے میں تیزی سے بڑھتی ہوئی موجودگی کے اعتراف میں "ایمرجنگ برانڈ آف دی ایئر 2025” کے باوقار ایوارڈ سے نوازا گیا۔
یہ ایوارڈچیئرمین سینیٹ جناب یوسف رضا گیلانی نے کاروباری بہترین کارکردگی اور جدت کے حوالے سے منعقدہ ایک تقریب میں پیش کیا۔ ایس۔ایم۔جے انٹرنیشنل انڈسٹریز کے ڈائریکٹر جناب سلیمان بن ہارون نے کمپنی کی جانب سے ایوارڈ وصول کیا۔
اس موقع پر سلیمان بن ہارون نے صارفین اور کاروباری شراکت داروں کا شکریہ ادا کرتے ہوئے کہا کہ یہ کامیابی الاسکا بیٹریز کے معیار، جدت اور اعتماد پر مبنی عزم کی عکاس ہے۔
ایس۔ایم۔جے انٹرنیشنل انڈسٹریز، جو الاسکا بیٹریز کے صنعت کار ہیں، پاکستان کی آٹوموٹیو اور صنعتی بیٹری مارکیٹ میں جدید ٹیکنالوجی اور صارف مرکز حکمت عملی کے ذریعے اپنی مضبوط موجودگی کو مزید وسعت دے رہی ہے۔
اشتہار
ذریعہ: Al Qamar Online
کلیدی لفظ: پاکستان کھیل الاسکا بیٹریز
پڑھیں:
آئی پی ایل کی برانڈ ویلیو کتنی کم ہوگئی؟ رپورٹ جاری
انڈین پریمیئر لیگ (آئی پی ایل) کی برانڈ ویلیو 2025 میں 20 فیصد کمی کے ساتھ 9.6 ارب ڈالر تک پہنچ گئی، جبکہ گزشتہ سال یہ 12 ارب ڈالر تھی۔ رپورٹ کے مطابق اس سال صرف ایک ٹیم کی برانڈ ویلیو میں اضافہ ہوا ہے۔
یہ بھی پڑھیں: ملک سے کھیلنا اعزاز، آسٹریلوی کھلاڑیوں پیٹ کمنز اور ٹریوس ہیڈ نے آئی پی ایل فرنچائز کی رشوت ٹھکرا دی
ڈیلوئٹ اینڈ ایڈوائزری کی ایک رپورٹ کے مطابق آئی پی ایل کی قدر 2025 میں 76,100 کروڑ روپے (8.8 ارب ڈالر) رہی، جبکہ 2024 میں یہ 82,700 کروڑ روپے (9.9 ارب ڈالر) اور 2023 میں 92,500 کروڑ روپے (11.2 ارب ڈالر) تھی۔
آئی پی ایل 2025 کی سیزن کو تاریخ میں دوسری مرتبہ دورانِ کھیل روکنا پڑا، پاکستان کے ساتھ سرحدی کشیدگی کے باعث ٹورنامنٹ کو تقریباً ایک ہفتے کے لیے معطل کرنا پڑا۔
گجرات ٹائیٹنز نے رجحان کو توڑا10میں سے 9 فرنچائزز کی قدر میں کمی ہوئی، لیکن گجرات ٹائیٹنز واحد ٹیم رہی جس کی برانڈ ویلیو 2 فیصد بڑھ کر 70 ملین ڈالر ہو گئی۔
ممبئی انڈینز اور رائل چیلنجرز بینگلور کی قدر میں تقریباً 10 فیصد کمی ہوئی، جہاں MI 108 ملین ڈالر اور RCB 105 ملین ڈالر پر رہی۔
یہ بھی پڑھیں: آئی پی ایل فرنچائز نے میری بے عزتی کی، اسٹار کرکٹر گرس گیل رو پڑے
چنئی سپر کنگز کی قدر 24 فیصد گر کر 93 ملین ڈالر جبکہ کولکاتا نائٹ رائیڈرز 33 فیصد کمی کے بعد 73 ملین ڈالر پر پہنچ گئے۔
پنجاب کنگز اور لکھنؤ سپر جائنٹس کی قدر میں معمولی کمی ہوئی، بالترتیب 66 ملین ڈالر اور 59 ملین ڈالر۔ دہلی کیپیٹلز 26 فیصد کمی کے ساتھ 59 ملین ڈالر پر، سن رائزرز حیدرآباد 34 فیصد کمی کے ساتھ 56 ملین ڈالر پر، اور راجستھان رائلز سب سے کم قیمت کے ساتھ 53 ملین ڈالر پر رہی، جس میں سب سے زیادہ 35 فیصد کمی دیکھنے میں آئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی پی ایل برانڈ ویلیو کرکٹ
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر