پاکستان عالمی امن کا داعی اور دہشتگردی کے خلاف جنگ میں فرنٹ لائن پر ہے: فیلڈ مارشل عاصم منیر
اشاعت کی تاریخ: 20th, June 2025 GMT
چیف آف آرمی اسٹاف فیلڈ مارشل سید عاصم منیر نے اپنے سرکاری دورۂ امریکا کے دوران واشنگٹن ڈی سی میں ممتاز امریکی اسکالرز، پالیسی ماہرین، تزویراتی امور کے اداروں، اور بین الاقوامی میڈیا کے نمائندوں سے تفصیلی اور بامقصد تبادلہ خیال کیا۔
آئی ایس پی آر کے مطابق یہ ملاقاتیں امریکا کے معروف تھنک ٹینکس اور اسٹریٹجک اداروں کے نمائندوں سے ہوئیں، جن میں پاکستان نے نہ صرف علاقائی و عالمی معاملات پر اپنے اصولی مؤقف کو اجاگر کیا بلکہ پاکستان کے تزویراتی وژن کو بھی مؤثر انداز میں پیش کیا۔
فیلڈ مارشل عاصم منیر نے اپنی گفتگو میں پاکستان کی علاقائی امن و استحکام کے لیے غیر متزلزل وابستگی اور قواعد پر مبنی عالمی نظام کے فروغ میں اس کے تعمیری کردار پر روشنی ڈالی۔ انہوں نے ’معرکۂ حق‘، ’آپریشن بنیان مرصوص‘ اور دہشتگردی کے خلاف پاکستان کی فوجی و فکری حکمت عملی کا حوالہ دیتے ہوئے کہا کہ پاکستان دہشتگردی کے خلاف عالمی جنگ کی صفِ اول میں رہا ہے اور اس راہ میں بے شمار جانی و مالی قربانیاں دی ہیں۔
ان کا کہنا تھا کہ بعض علاقائی عناصر دہشتگردی کو ہائبرڈ وار فیئر کے آلہ کار کے طور پر استعمال کر رہے ہیں، جس پر عالمی برادری کو سنجیدگی سے توجہ دینی چاہیے۔ انہوں نے کہا کہ پاکستان کے اندر بے پناہ معاشی امکانات موجود ہیں، جن میں انفارمیشن ٹیکنالوجی، زراعت، معدنیات اور کان کنی کے شعبے خاص طور پر سرمایہ کاری کے لیے موزوں ہیں۔ ان شعبوں میں عالمی شراکت داری نہ صرف پاکستان بلکہ دنیا کے لیے مشترکہ خوشحالی کے دروازے کھول سکتی ہے۔
اپنی گفتگو میں فیلڈ مارشل نے اس امر پر زور دیا کہ پاکستان عالمی و علاقائی تنازعات کے حل کے لیے ایک متوازن، اصولی اور غیرجانبدارانہ پالیسی پر یقین رکھتا ہے، جس میں مذاکرات، سفارت کاری اور بین الاقوامی قوانین پر عملداری کو بنیادی حیثیت حاصل ہے۔ پاکستان، باہمی تعاون پر مبنی سیکیورٹی فریم ورک کی ترویج کے لیے اپنا ذمہ دارانہ اور فعال کردار جاری رکھے گا۔
ملاقاتوں کے دوران پاک-امریکا دیرینہ شراکت داری کا بھی جامع جائزہ لیا گیا۔ آرمی چیف نے دونوں ممالک کے درمیان انسداد دہشتگردی، علاقائی سلامتی اور معاشی ترقی کے شعبوں میں موجود تاریخی ہم آہنگی کو اجاگر کیا اور کہا کہ باہمی احترام، مشترکہ تزویراتی مفادات اور اقتصادی ربط پر مبنی وسیع تر دوطرفہ تعلقات کے امکانات روشن اور مضبوط ہیں۔
شرکا نے آرمی چیف کے خیالات کو سراہا اور ان کی صاف گوئی و شفافیت کو قابلِ تحسین قرار دیا۔ ان کا کہنا تھا کہ پاکستان نے ہمیشہ اصولی اور مستقل پالیسی اختیار کی ہے، جس کی عالمی سطح پر قدر کی جاتی ہے۔
یہ ملاقاتیں پاکستان اور امریکا کے درمیان تزویراتی مکالمے کو فروغ دینے کی جانب ایک مثبت اور اہم قدم قرار دی جا رہی ہیں، جو عالمی سطح پر پاکستان کے شفاف سفارتی طرز عمل اور پرامن بقائے باہمی کے اصولوں کا عکاس ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: فیلڈ مارشل کہ پاکستان کے لیے
پڑھیں:
فیلڈ مارشل عاصم منیر اور صدر ٹرمپ کی ملاقات پاک امریکا تعلقات میں ’سنگ میل ہے، وزیر دفاع خواجہ محمد آصف
وزیر دفاع خواجہ محمد آصف نے آرمی چیف فیلڈ مارشل سید عاصم منیر اور امریکی صدر ڈونلڈ ٹرمپ کی حالیہ ملاقات کو پاک امریکا تعلقات کے 78 سالہ سفر میں ’سب سے اہم موڑ‘ قرار دیا ہے۔
خواجہ آصف نے ایکس پوسٹ پر اپنے ایک بیان میں کہا کہ امریکی صدر کی جانب سے پاکستان آرمی چیف کو دی گئی دعوت اور ملاقات کی تاریخ میں کوئی نظیر نہیں ملتی، جو اس بات کا ثبوت ہے کہ بین الاقوامی اور علاقائی امور میں پاکستان کی حیثیت مزید اجاگر ہوئی ہے۔
انہوں نے کہا کہ اس ملاقات میں نہ صرف پاکستان کے کردار کو تسلیم کیا گیا بلکہ خطے میں جاری مسائل، بالخصوص پاک بھارت تنازعات کی بین الاقوامی سطح پر اہمیت بھی دوبارہ سامنے لائی گئی ہے۔
مزید پڑھیں: وائٹ ہاؤس میں اہم ملاقات: صدر ٹرمپ نے فیلڈ مارشل سید عاصم منیر کی قائدانہ اور فیصلہ کن صلاحیتوں کو سراہا
خواجہ آصف نے اس پیشرفت کو موجودہ ہائبرڈ حکمرانی ماڈل کی کامیابی سے تعبیر کرتے ہوئے کہا کہ وزیراعظم شہباز شریف اور فیلڈ مارشل عاصم منیر کے مابین مثالی تعلقات کے باعث پاکستان کو عالمی سطح پر وقار اور عزت حاصل ہوئی۔
انہوں نے کہا کہ معیشت کی بحالی، بھارت کی سفارتی سطح پر شکست، اور امریکا کے ساتھ باوقار و مؤثر تعلقات کی بحالی، یہ تمام انقلابی کامیابیاں اسلام آباد اور راولپنڈی کے بہترین ہم آہنگ تعلق کا نتیجہ ہیں۔
خواجہ آصف نے آخر میں دعا کی کہ سب سیاسی و عسکری قائدین ذاتی اور گروہی مفادات سے بالاتر ہو کر ملک و قوم کی خدمت کو اپنا شعار بنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف فیلڈ مارشل سید عاصم منیر امریکی صدر ڈونلڈ ٹرمپ شہباز شریف وزیر دفاع خواجہ محمد آصف
اسرائیل کے فضائی حملوں میں جاں بحق افراد کی تعداد 86 ہوگئی؛ ایران