لاہور: خواتین اور بچوں سے موبائل چھیننے والے گروہ سمیت 4 ڈکیت گرفتار
اشاعت کی تاریخ: 20th, June 2025 GMT
لاہور:
لاہور میں خواتین اور بچوں سے موبائل فون چھیننے والے گروہ سمیت 4 ڈکیتوں کو گرفتار کرلیا گیا۔
ترجمان ڈولفن کے مطابق شادباغ ٹیم نے واردات کی اطلاع ملنے پر گول باغ کے قریب دونوں ملزمان عمررضا اور عبدالرحمان کو گرفتار کر لیا۔
ملزمان نے پندرہ منٹ قبل شادباغ مین روڈ پر واردات کی تھی، جس کی سی سی ٹی وی فوٹیج بھی حاصل کر لی گئی ہے۔
گرفتار ملزمان کو قانونی کارروائی کے لیے تھانہ شادباغ کے حوالے کر دیا گیا۔
دوسری جانب اسلام پورہ چوکی اکرم پارک پولیس نے کارروائی کرتے ہوئے خطرناک ڈکیت گینگ گرفتار کر لیا۔
ایس پی سٹی بلال احمد کے مطابق ملزمان عبد الستار اور علی اسرار کو گن پوائنٹ پر واردات کرتے ہوئے سی سی ٹی وی فوٹیج کی مدد سے گرفتار کیا گیا۔
ملزمان نے چند روز قبل اسلام پورہ کی ایک گلی میں شہریوں سے نقدی اور موبائل چھینے تھے، واردات کے دوران اسلحہ کا استعمال بھی کیا گیا۔
ملزمان کے قبضے سے غیر قانونی اسلحہ اور نقد رقم برآمد ہوئی ہے جبکہ مقدمات درج کر کے مزید کارروائی شروع کر دی گئی ہے۔
.ذریعہ: Express News
پڑھیں:
کراچی: 2 روز قبل کیش وین لوٹنے والے ڈاکو گرفتار
کراچی کورنگی میں دو روز قبل کیش وین لوٹنے والے ڈاکو گرفتار کرلیے گئے۔
ایس ایس پی کورنگی طارق نواز نے کہا کہ واردات میں ملوث دو ملزمان پکڑے گئے ہیں، ملزمان کے قبضے سے چھینی گئی کار بھی ملی ہے۔
ملزمان کے قبضے سے پینتیس لاکھ سے زائد رقم بھی ملی ہے، ملزمان نے دو روز قبل گودام چورنگی پر بینک کی کیش وین لوٹی تھی، ملزمان نے پچانوے لاکھ سے زائد رقم لوٹی تھی۔
پولیس حکام نے کہا کہ کراچی ۔۔ملزمان کی فائرنگ سے دو سیکیورٹی گارڈ بھی زخمی ہوئے تھے، ملزمان نے فرار ہوتے ہوئے شہری سے کار بھی چھینی تھی، تکنیکی بنیادوں پر کارروائی کی گئی۔
چھینا گیا پینتیس لاکھ کیش، دو پستول اور بارہ موبائل فون بھی برآمد ہوئے ہیں، ملزمان کے قبضے سے سیکورٹی آفسیر سے چھینا گیا اسلحہ بھی ملا ہے، کراچی۔ اس گروہ نے چھینی گئی گاڑی میں تین وارداتیں کی ہیں، اس گروہ کا سربراہ دیدار جاگیرانی ہے جو فرار ہے۔
انہوں نے کہا کہ بینک وین لوٹنے میں پانچ ملزمان شامل تھے، اس گروہ میں 8 سے 10 لوگوں پر مشتمل ہے، گینگ بنک سے رقوم لیکر نکلنے والے اور گاڑیاں چھیننے میں ملوث رہا ہے۔
صنعا: حوثیوں کا اسرائیل سے ڈیل کرنے والے بحری جہازوں کو نشانہ بنانے کا اعلان