اسرائیل میں سائرن بجتے ہی اینکرز مہمانوں سمیت لائیو پروگرام چھوڑ کر بھاگ گئے
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
تل ابیب: ایرانی میزائل حملے کی وارننگ دینے والے سائرن کی گونج سنائی دیتے ہی اسرائیلی ٹی وی چینل پر جاری لائیو نشریات افراتفری کا منظر پیش کرنے لگیں۔ اسٹوڈیو میں بیٹھے اینکرز اور مہمان سائرن کی آواز سنتے ہی پریشانی کے عالم میں پروگرام ادھورا چھوڑ کر محفوظ مقام کی جانب دوڑ پڑے، اس اچانک ردعمل کی ویڈیو سوشل میڈیا پر تیزی سے وائرل ہو رہی ہے۔
ویڈیو میں صاف دیکھا جا سکتا ہے کہ میزبان اور مہمان میز پر بیٹھے گفتگو میں مصروف تھے کہ اچانک فضا میں خطرے کا سائرن گونجتا ہے۔ لمحوں میں ماحول بدل جاتا ہے، میزبان بحث کو درمیان میں ہی چھوڑ کر اسٹوڈیو سے باہر نکل جاتے ہیں اور پروگرام فوراً معطل کر دیا جاتا ہے۔
https://x.
سوشل میڈیا صارفین نے اس منظر کو مختلف زاویوں سے دیکھا۔ کسی نے اسے خوف کی علامت قرار دیا تو کسی نے اسے جنگ کی سنگینی کا غماز۔ ایک صارف نے تبصرہ کرتے ہوئے لکھا کہ اسرائیلی میڈیا پر لائیو نشریات کے دوران جیسے ہی ایرانی حملے کا خدشہ ظاہر کرنے والا سائرن بجا، پورا اسٹوڈیو خالی ہو گیا۔
دوسری طرف، چند روز قبل ایران میں بھی اسرائیلی حملے کے دوران ایک مشابہہ صورتحال دیکھنے میں آئی تھی، مگر وہاں ایرانی نیوز اینکر سحر امامی نے اپنے پیشہ ورانہ عزم سے سب کو متاثر کر دیا۔ حملے کے باعث نشریات کچھ لمحوں کے لیے تعطل کا شکار ہوئیں، لیکن سحر امامی نے غیر معمولی جرات کا مظاہرہ کرتے ہوئے فوراً اسکرین پر واپسی کی اور نشریات بحال کر دیں۔
https://x.com/asmashirazi/status/1934664862854193234?ref_src=twsrc%5Etfw%7Ctwcamp%5Etweetembed%7Ctwterm%5E1934664862854193234%7Ctwgr%5E75bf86690ab0d9bacc45e7a07f296833b96b36e5%7Ctwcon%5Es1_c10&ref_url=https%3A%2F%2Fwww.aaj.tv%2Fnews%2F30466850
سوشل میڈیا پر سحر امامی کے اس حوصلے کو سراہا جا رہا ہے۔ صارفین کا کہنا ہے کہ جنگی حالات میں بھی اپنی جان خطرے میں ڈال کر خبر رسانی کا فریضہ نبھانا حقیقی صحافت کی علامت ہے۔ ان کے اس عمل کو “پیشہ ورانہ غیرت” اور “اعلیٰ صحافتی کردار” سے تعبیر کیا جا رہا ہے۔
ذریعہ: Jasarat News
پڑھیں:
ایران اسرائیل کشیدگی کے بعد 8 ہزار سے زائد اسرائیلی بےگھر، اسرائیلی میڈیا کا انکشاف
data-id="863a0a8" data-element_type="widget" data-widget_type="theme-post-content.default">
تل ابیب:ایران کی جانب سے کیے گئے حالیہ جوابی حملوں کے بعد اسرائیل میں بےگھر ہونے والے شہریوں کی تعداد آٹھ ہزار سے تجاوز کر گئی ہے۔
اسرائیلی روزنامہ یدیعوت آحارونوت کی تازہ رپورٹ میں بتایا گیا ہے کہ ایرانی میزائل حملوں کے نتیجے میں متاثرہ علاقوں میں انفرا اسٹرکچر بری طرح متاثر ہوا ہے، جس کے سبب ہزاروں شہریوں کو اپنے گھر چھوڑ کر محفوظ مقامات کی طرف منتقل ہونا پڑا۔
حکام کے مطابق متاثرہ افراد نے اب تک 30 ہزار سے زائد درخواستیں حکومت کو جمع کروائی ہیں، جن میں گھروں، اپارٹمنٹس، دکانوں اور گاڑیوں کو پہنچنے والے نقصان کے ازالے کا مطالبہ کیا گیا ہے۔
ذرائع کے مطابق جنوبی اسرائیل اور تل ابیب کے نواحی علاقوں میں سب سے زیادہ تباہی دیکھنے میں آئی ہے، جہاں نہ صرف رہائشی عمارتیں نشانہ بنیں بلکہ سڑکیں، مواصلاتی نظام اور دیگر بنیادی سہولیات بھی شدید متاثر ہوئیں۔
حکومت نے وقتی طور پر متاثرین کے لیے عارضی رہائش گاہوں کا بندوبست شروع کر دیا ہے جبکہ انشورنس ادارے اور مقامی انتظامیہ نقصانات کے تخمینے میں مصروف ہیں۔ دفاعی حکام کا کہنا ہے کہ میزائل انٹرسیپٹر سسٹم کی ناکامی اور حملوں کی شدت نے نقصان کو کئی گنا بڑھا دیا۔
ماہرین کا کہنا ہے کہ اگر کشیدگی کا یہی سلسلہ جاری رہا تو اسرائیل کو شہری تحفظ اور تعمیر نو کے چیلنجز سے نمٹنے کے لیے فوری اور فیصلہ کن اقدامات اٹھانے ہوں گے۔
ایران نے امریکی شہریوں یا اڈوں کو نشانہ بنایا تو سنگین نتائج بھگتنا ہوں گے؛ امریکا کی دھمکی