نائیجیریا: بوکوحرام کے خودکش حملے میں 20افراد ہلاک
اشاعت کی تاریخ: 22nd, June 2025 GMT
data-id="863a0a8" data-element_type="widget" data-widget_type="theme-post-content.default">
ابوجا (انٹرنیشنل ڈیسک) نائیجیریا کی ریاست بورنو میں مبینہ طور پر بوکو حرام کے لیے کام کرنے والی خاتون کے خودکش حملے میں 20 افراد ہلاک ہوگئے۔ خاتون نے مبینہ طور پر کونڈوگا قصبے میں بوکو حرام کے خلاف کارروائی کرنے والی فوجی ٹیم پر حملہ کیا اور دھماکا خیز مواد سے خود کو اُڑالیا۔ کونڈوگا شمال مشرقی ریاست بورنو کے دارالحکومت میدوگوری سے تقریباً 40 کلومیٹر کے فاصلے پر ہے اور وہاں کے قریبی علاقوں کو کئی بار خودکش حملوں کا نشانہ بنایا جاچکا ہے۔ واضح رہے کہ عسکریت پسند تنظیم بوکوحرام اس علاقے میں کم از کم 16 سالوں سے سرگرم ہے۔
.
ذریعہ
ذریعہ: Jasarat News
پڑھیں:
بلوچستان کے مختلف علاقوں میں سیکیورٹی فورسز کا آپریشن، 17دہشتگرد ہلاک
فائل فوٹو۔بلوچستان کے مختلف علاقوں میں انٹیلی جنس کی بنیاد پر آپریشنز کے دوران بھارتی حمایت یافتہ فتنہ الخوارج کے 17دہشت گرد ہلاک کر دیے گئے۔
مسلح افواج کے شعبہ تعلقات عامہ آئی ایس پی آر کے مطابق سیکیورٹی فورسز نے یہ آپریشنز 24 مئی کے ٹرین واقعہ کے بعد کیے، جو مستونگ، نوشکی، زہری، خضدار اور کیچ کے اضلاع میں کیے گئے۔
آئی ایس پی آر کے مطابق دہشت گردوں کی ہلاکت سے ان علاقوں میں دہشت گرد نیٹ ورکس کو بہت زیادہ نقصان ہوا، ہلاک دہشت گردوں کے قبضے سے اسلحہ، بڑی مقدار میں بارودی مواد اور آئی ای ڈیز برآمد کیے گئے۔
آئی ایس پی آر کے مطابق یہ دہشت گرد علاقے میں متعدد دہشت گرد کارروائیوں میں ملوث رہے تھے۔ ان علاقوں میں کلیئرنس آپریشنز جاری ہیں۔
آئی ایس پی آر کے مطابق سیکیورٹی اداروں کی ملک گیر انسدادِ دہشت گردی مہم بھرپور انداز میں جاری رہے گی اور ملک سے بیرونی حمایت یافتہ دہشت گردی کے خطرے کا مکمل خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ